K mustwowemu wobrazej za sezonu 2020/2021 zestupali su so koparjo a zamołwići krajneho ligista LSV Nowe Město. Zady wotlě­wa su to: Silvio Paulusch (mustwowy nawoda), Fred Kölzow (sportowy nawoda), Sergii Dolbin, Michael Bretschneider, Sebastian­ Monik, Tobias Lohr, Khaddy Kazadi-Leonowicz, Silvio Liebe, Bartosz Kosman, kotrenar Ronny Wetzke a trenar Enrico Kunt­ke; prědku wotlěwa Sebastian Tews, Daniel Mlonek, Leonhard Wolf, Rico Kaubitzsch, Tobiasz Włodarczyk, Gracjan Arkuszewski, Luca Hartelt a Marcus Radestock. Na wobrazu pobrachuja Sebastian Kölzow, Damian Paszliński, André Kusnezow a Ben Rottnick. Foto: Werner Müller

Zwjazkaj chcetej uniju tworić

póndźela, 10. awgusta 2020 spisane wot:

Nowinki ze žónskeje kopańcy

Zapadołužiski koparski zwjazk (WFV) ma wotpohlad, wot sezony 2020/2021 na polu žónskeje kopańcy uniju z Koparskim zwjazkom Hornja Łužica (FVO) wutworić. Doskónčne rozmołwy wo tym tele dny wjedu a wuslědki zjednoćenstwam potom sčasom zdźěla.

Slědowace mustwa koparkow su za planowany hrajny modus přizjewjene: ze Zapadołužiskeho koparskeho zwjazka ST Hnašecy-Dobruša, Zeleno-běłe Bu­kecy a ST 1859 Wjernarjecy; z Koparskeho zwjazka Hornja Łužica LSV Friedersdorf, Módro-běłe Obercunnersdorf, Zeleno-běłe 90 Uhsmannsdorf a SV Zodel 68.

WFV ma tež zwonka wokrjesa w žónskej kopańcy dwaj cyłkaj zastupjenej. Bisko­pičanske KT startuje dale ze swojim prěnim žónskim mustwom w regionalnej lize Sewjerowuchodneho koparskeho zwjazka (NOFV). K tomu sćele nowoze­stajane druhe zastupnistwo do krajneje klasy na hońtwu za wrotami. Koparki Hlinow­skeho SC rozžohnuja so z małym hrajnišćom na wokrjesnej runinje. Wone chcedźa so na wulke hrajnišćo zwažić a tak na krajnu runinu. Lěta dołhe dobre dźěło w dorosće zjednoćenstwa to nětko zmóžni.

Wólnočasnu ligu zapřijeć

Awtor dźensa Tadej Cyž

Nětko so kulowata koža zaso kula, tež na wulkim europskim jewišću. Cham­pions league a Europa league z hrajnej dobu pokročujetej – prěni króć w stawiznach pak z nowym, tak mjenowanym turněrowym modusom. Mam to za prawy rozsud. Snano přewozmu modus wot štwórćfinala tež za přichodne lěta.

Prěnje małe překwapjenki smy hižo doži­wili. Tak je za italskeho mištra a sobufaworita Juventus Turin z Cristianom Ronaldom turněr hižo zakónčeny, tež za němskeho koparja Tonija Krossa w rjadach Reala Madrid. Manchester City bě so přećiwo Madridej přesadźił a słuša nětko za finalny turněr w Lissabonu ke kruhej faworitow na titul. Tež RB Lipsk je so­ za finalne wubědźowanja kwalifi­kował. Bohužel pak dyrbi bjez Tima Wer­nera nastupić. Wón njebudźe wotchada ke klubej Chelsea London dla sobu hrać.

Sport (07.08.20)

pjatk, 07. awgusta 2020 spisane wot:

Pytaja dalše testowe wosoby

Za studiju „restart-19“ Uniwersity Halle­ je so dotal 1 384 za trěbnych 4 200 wo­sobow přizjewiło. Tež sportowče a spor­towcy chcedźa so mjenujcy spěšnje zaso k normaliće wróćić. Tohodla podpěruje TeamSportSachsen slědźerski projekt „restart-19“, zaběracy so z rizikom na­tyknjenja z koronawirusom. 4 200 młodych a strowych wobdźělnikow móže so za­ simulaciju zarjadowanja w Lipsku přizje­wić. Slědźerski projekt „restart-19“ Uniwersity Halle ma zaměr, riziko na­tyk­njenja z wulkozarjadowanjom w hali simu­lěrować a při tym wuměnjenja pře­slě­dźić, pod kotrymiž hodźeli so wulkozarjadowanja najebać pandemiju přewjesć, bjeztoho zo by ludnosć wohrožena była. Studija přewjedu 22. awgusta wot 8 do 18 hodź. www.restart19.de

Koparske testowe hry

07.08. 18:30 SJ Chrósćicy –

  HZ Łaz/Běły Chołmc

08.08. 11:30 FSV Oderwitz 02 –

  FSV Budissa Budyšin

08.08. 14:00 FC Grimma –

  Jednota Kamjenc

08.08. 14:00 SJ Njebjelčicy – Lok Slepo

08.08. 14:00 Traktor Malešecy –

  ST Bart 90

09.08. 12:30 SJ Chrósćicy II –

  Zeleno-běli Sepicy

09.08. 14:00 ST Hbjelsk –

  ST 1922 Radwor

09.08. 15:00 SJ Chrósćicy –

  FV Biskopicy II

Druhi Hornjołužiski trail

Nowe zestawy tabulkow

štwórtk, 06. awgusta 2020 spisane wot:

Krajna koparska liga a krajne klasy Sakske­ho koparskeho zwjazka (SFV) kaž tež ligi a klasy w teritoriju Zapadołužiskeho koparskeho zwjazka startuja 5./6. septembra 2020 zaso do winowatostnych koparskich hrow. A tu su nowe zestawy jednotliwych ligow.

regionalna liga muži: Lok Lipsk, Berlinski AK, BFC Dynamo, BSG Chemija Lipsk, Biskopičanske KT, Kamjeničanski FC, FC Carl Zeiss Jena, FC Energija Choćebuz, FSV 63 Luckenwalde, Optik Rathenow, Union Fürstenwalde, Hertha BSC II, SV Babelsberg, SV Lichtenberg 47, Tennis Borussia Berlin, VSG Altglienicke, VfB Auerbach, Germania Halberstadt, Viktoria Berlin, ZFC Meuselwitz

regionalna liga žonow: 1. FFV Erfurt, Biskopičanske KT, USV Jena II, FC Phoenix Lipsk, Magdeburgski FFC, RB Lipsk II, Přezjednota Lipsk-juh

Nowopřichadaj w rjadach Budissy

štwórtk, 06. awgusta 2020 spisane wot:
Toni Barnickel (naprawo) a Jannik Käppler (nalěwo) zesylnitaj kader Budissy Bu­dyšin w hrajnej dobje 2020/2021. Z 23lětnym Tonijom Barnickelom a 20lětnym Janni­kom Käpplerom stejitaj w nowej sezonje dwaj znataj hornjołužiskaj koparjej na Młynkec łuce. Toni bě naposledk za Jednotu Kamjenc hrał. Dźěl swojeho koparskeho wukubłanja bě hižo pola Budissy absolwował a je tež w něhdyšim kadrje regio­nalneje ligi hrał. Po změnje před lětomaj do Kamjenca so wón nětko zaso do Budyšina wróći. Jannik přińdźe wot Biskopičanskeho KT 08 do Budyšina. Na koparskim polu wukubłany bu wón w młodźinomaj A a B pola Dynama Drježdźany. Po tym­ je dwě lěće w Biskopicach za bulom honił. Jako nutřkowny škitar budźe Käppler­ nětko w krajnej lize hrać. Přejemy woběmaj koparjomaj wuspěšnu sezonu bjez zranjenjow. Foto: Torsten Zettl

Přećiwnikej z Čech podleželi

srjeda, 05. awgusta 2020 spisane wot:

FC Energia Choćebuz

– FK Varnsdorf 0:2 (0:0)

Zestawa domjacych: Stawecki (46. Stahl) – Fl. Brügmann, Storb (62. Jarosch), Koch, Hasse, Pelivan, Erlbeck, Mäder (62. F. Geis­­ler), Gladrow (62. N Geisler), Kremer (62. Hoppe), Fe. Brügmann (62. Stettin)

Z FK Varnsdorfom je sej regionalny koparski ligist FC Energija Choćebuz w susodnej Čěskej dwě klasy wyše hra­jace mustwo do Łužicy přeprosył. A te je so­ w Stadionje přećelstwa, kotryž běše hač na někotrych zastupjerjow medijow nimale prózdny, hrajersce jako wjele lěp­ši­ cyłk wopokazało. Zajimcy móžachu sej jeničce přez livestream „Energie-TV“ hru wobhladać. Wjele wjesela pak při tym njemějachu, dokelž jim domjacy wjele zwjeselaceho njeposkićichu. Češa škitarjow Energije chětro nadběhowachu. Samo jako sej ći bul wuwojowachu, njeda jich přećiwnik do bliskosće swo­jeje šěs­natki. Jeničkej třělwje na wrota poradźi­štej so w prěnim połčasu nowopřichadomaj Maxej Kremerej, kiž bě tydźenja wot SV Meppena přišoł, a Ricej Gladrowej.

Spodźiwna koparska sezona

srjeda, 05. awgusta 2020 spisane wot:
Koparski dorost młodźiny D Njebjelčanskeje SJ je 20. julija z małkim swjedźenjom hrajnu dobu 2019/2020 zakónčił. Hrajerjo, starši a trenarjo mějachu rjane popołdnjo na Njebjelčanskim sportnišću a wuhódnoćichu hišće raz wukony, do­žiwjenja, ale tež problemy nastate w zwisku z koronapandemiju. Po dołhej přestawce bě wosebje wažne lóšt na pohi­­bo­wanje a kopańcu znowa budźić. Tak je mu­stwo spočatk meje zaso trenować započało. Prěni dźeń prózdnin wubě­dźo­wachu so młodźi koparjo hišće raz we wšelakorych hrajerskich formach. Po wje­čeri zakónčichu zetkanje ze zhromadnej bjesadu. W tym zwisku wutrobny dźak wšitkim staršim za podpěru w běhu hrajneho lěta. Koparski dorost drje ma nětko najprjedy raz lěćne prózdniny. W nich pak słuša bul přeco do wačoka, wšako móžeš techniske zwučowanja wšudźe přewjesć. Tadej Cyž-Njebjelčanski

SG Großnaundorf

– SJ Njebjelčicy 6:2 (3:0)

Zestawa hosći: Hahn – Matješk, Kral, Hanuza, Hoelzel, Haška, Korjeńk, F. Ričel, Reinelt, Fl. Domš, O. Domš, Čornak, Reineke, Lejnart, Plaettner

Po tym zo běchu koparjo Njebjel­čanskeje SJ zaso tydźensce pod dowo­lenymi wuměnjenjemi zwučowali, je so trenar Handrij Krawčik na testowu hru nje­dźelu dopołdnja ze spřećelenej SG Großnaundorf dojednał. Dokelž tamniše hrajnišćo tuchwilu ponowjeja, zetkachu so na tohorunja rjanym lěsnym traw­niku w Lomnitzu. Jedyn aktiwny hrajer je prěnje mustwo sportoweje jednotki wopušćił. Franz Gödig je so nětko po lětomaj w Njebjelčicach z powołanskich přičin zaso Njeswačidłu přizamknył. Dokelž pak pobrachowaše Njebjelčanske­mu trena­rjej tónraz z wjacorych přičin pjeć aktiwnych (Pawlik, Wagner, Šołta, Ma­laškin, Hrjehor), zapřija wón młodeho nadběhowarja Marwina Reineku. Wón bě so na treningowych jednotkach derje prezentował.

ST Marijina hwězda

– ST Ćisk 2:0 (1:0)

Zestawa domjacych: O. Schmidt, Matik – Wróbl, Zelnak, R. Hawš, R. Cyž, Pesch­mann, Pjetaš, Ch. Cyž, P. Schmidt, Pakoßnick, Jurš, Eldor, Pa. Lugge, Lipič, Pi. Lugge, Langer, Čornak

nawěšk

SERBSKE NOWINY podpěruja:

Novi Sad – kulturna stolica Europy

nowostki LND