Juggerowy turněr w Slepom
Energija tež doma přěhrała
FC Energija Choćebuz –
VfL Osnabrück 1:2 (1:1)
Zestawa FC Energije Choćebuz: Bethke – Bretschneider (84. Hofmann), Kusić, Slamar, Rorig, Ciğerci, Pelivan, (52. Putze), Borgmann, Copado (65. Halbauer), Engelhardt (64. Thiele), Krauß
slěd wrotow: 0:1 Marcus Müller (6.), 1:1 Tolkay Ciğerci (9.), 1:2 Marcus Müller (64.)
Po tym zo je FC Energija w předchadźacym tydźenju swoju dołhu seriju bjez poražki torhnyć dała, jako přećiwo Stuttgartej II z 0:2 podleža, skónči so w hrě přećiwo VfL Osnabrück nětko tež domjaca serija (poslednja poražka na prěnim hrajnym dnju 4. awgusta přećiwo Bielefeldej). Mějachu wšak hišće šansu we 78. min., kotruž pak Axel Borgmann (31.), Timmy Thiele (69.) a Tolcay Ciğerci njewužiwachu.
Hłowne koło zakónčene
Łužiske lodohokejowe liški –
Starbulls Rosenheim 2:6 (2:4, 0:1, 0:1)
Łužiske lodohokejowe liški přěhrachu swoju poslednju domjacu hru regularneje sezony jasnje z 2:6 přećiwo Starbullsam z Rosenheima. Před 2700 přihladowarjemi hosćo jara sylnje startowachu. Manuel Strodel trjechi w 4. mjeńšinje po diagonalnym pasu Tobiasa Becka, prjed hač Ville Järveläinen (6.) z jednym hrajerjom wjac na lodźe na 2:0 zwyši. Krótko po tym dyrbješe jich wrotar Cody Porter zranjenja dla z loda, Patrik Mühlberger jeho naruna.
Młody Rosenheimski wrotar dyrbješe w běhu třoch a poł mjeńšin hnydom dwójce zady so přimnyć. Eric Valentin (9.) zaměstni tačel z nohu do wrotow a Clark Breitkreuz (13.) trjechi z kónčkojteho kuta k 2:2. Tola Rosenheim spěšnje wotmołwi. Simon Gnyp (17.) přetwori třělwu wot módreje linije, a krótko pozdźišo wotfalšowa Stefan Reiter (18.) třělwu Charlieja Saraulta k 4:2.
Poražka a dobyće na dalšim domjacym hrajnym dnju
Viktoria Worklecy I –
TSV Kundraćicy 1:3
(27:25, 23:25, 24:26, 22:25)
Za Viktoriju Worklecy zasadźene: Diana Hajnec, Xenia Koberec, Marina Köhler, Stefanie Köhler, Jenny Otto, Constance Pötschke, Rejzka Rawšec, Kathrin Spiesec, Emma Šustrec, Hannah Šustrec, Jana Žurowa
Na započatku prěnjeje sadźby mějachu žony z Kundraćic (Cunnersdorf) ćeže w přiwzaću. Přez nječiste přiwzaća so jim njeporadźi, hru derje natwarić. Prěnje zastupnistwo pak dypkowaše wosebje přez wuspěšne nadběhi a přez sylny blok. Tak sej Worklečanki dobry předskok wuwojowachu a jón přez wótre nadběhi a dźakowano zwjeršnym zmylkam přećiwnika dale wutwarichu. Někotre misnjenja Worklečankow, kaž njewuspěšne nadaća abo ćeže w přiwzaću dopomhachu hosćom potom k někotrym dypkam. Tola Worklečanki so zaso zhrabachu a rozsudźichu prěnju sadźbu ze 27:25 za sebje.
Z dobrym wukonom wuspěšni
SJ Chrósćicy –
ST Rakecy 3:0 (1:0)
Zestawa domjacych: Škoda – Zynda, B. Cyž, Mark, L. Zahrodnik, Ma. Zahrodnik, Wornar (65. Graf), G. Zahrodnik, Matik (89. Mi. Zahrodnik), Młynk (80. Kř. Zahrodnik), Bjeńš (71. Bogusz)
Po zazběhu do druheje połserije přećiwo Kulowej wočakowachu Chróšćenjo njedźelu Rakečanow w Hórkach. Hosćo běchu w běhu sezony hižo poměrnje wuspěšni a na třećim městnje zaměstnjeni. Přiwšěm chcychu koparjo SJC swoju domjacu sylnosć wužiwać.
Wuslědki (04.03.25)
Wokrjesna wyša liga
Hnašecy-Dobruša – Sokoł 2:0 (0:0)
Němske Pazlicy – Großröhrsdorf 2:0 (0:0)
Ramnow – Germania Budyšin 0:3 (0:2)
SJ Chrósćicy – Rakečanske ST 3:0 (1:0)
1. Natwar Němske Pazlicy 16 46 : 18 43
2. SC 1911 Großröhrsdorf 17 32 : 24 34
3. ST Hnašecy-Dobruša 16 35 : 24 30
4. Rakečanske ST 15 46 : 20 28
5. SG Großnaundorf 16 34 : 21 28
6. Póst Germania Budyšin 17 37 : 31 26
7. SJ Chrósćicy 16 28 : 26 22
8. Zeleno-běli Bukecy 17 36 : 38 21
9. Sokoł Ralbicy/Hórki 16 28 : 18 20
10. TSV Wachau 17 26 : 30 19
11. Módro-běli Kulow 16 21 : 27 19
12. FV Ottendorf-Okrilla 17 23 : 39 16
13. ST Horni kraj-Sprjewja 16 26 : 43 15
14. Drohotka Ramnow 14 20 : 33 13
15. TSV Połčnica 15 18 : 31 10
16. HZ Łaz/Běły Chołmc 15 8 : 41 5
Domjacy hrajny dźeń z poražkomaj
Viktoria Worklecy –
ASV Doprědka Rózbork 0:3
(12:25, 18:25, 7:25)
Zo budźe hra přećiwo žonam z Rózborka wužadanje, bě hižo do toho wočakować, wšako běchu Worklečanki před měsacomaj wužadacu hru přećiwo nim ze snadnej poražku z 2:3 přěhrali. Prěnje hrajne sahi w prěnjej sadźbje hižo pokazachu, z kotrym tempom Rózborčanki hraja. Worklečanki zamóchu spočatnje z tempom derje sobu dźeržeć, mějachu pak poněčim snadny zastatk. Wobě mustwje pokazaštej sylne akcije při saku, kotrež so z městnami zbožownje za Worklečanki skónčichu. Sylny blok Worklečankow wotwobara dalše móžne dypki za hosći. Rózbork zwyši tempo a zamó přez wótre nadběhi a sylne nadaća dypkować a z tym předskok stajnje dale wutwarjeć. Slědowaše faza, hdźež móžachu sej hosćo přez zmylki domjacych někotre dypki zaručić. Naposledk přěhrachu Worklečanki 12:25.
Třeći koparski ligist FC Energija Choćebuz je po poražce 1:2 ...
Widźał,słyšał, napisał (03.03.25)
Awtor dźensa
Tereza Wićazowa
Piwko abo škleńčku sekta sej tón abo tamny hdys a hdys po sportowanju, treningu abo wubědźowanju popřewa. Zawěsće a wosebje tež nětko w tak mjenowanym pjatym počasu. Tola alkohol a sport njejstej ze sportoweho wida dobra kombinacija.
Sportowanje čini fit a k tomu přinošuje, zo čłowjek někotre kila wotbudźe. Wosebje hdyž so prawidłownje pohibuje a na strowe zežiwjenje dźiwa. K tomu słuša tež, zo so njestrowych napojow wzdawa. Pšeńčne piwo po treningu je na přikład hižo šwarna kalorijowa bomba. Jedyn gram čisteho alkohola ma sydom kalorijow, wulka škleńca piwa potajkim hižo 200 kalorijow. Zo bychu so tute zaso wotdźěłali, je poł hodźiny běhanskeho treninga trěbne. Pola tutych kalorijow jedna so nimo toho wo „prózdne“ kalorije, dokelž našemu ćěłu ani witaminy, ani mineralne maćizny abo mikroelementy njedadźa. K tomu hišće přińdźe, zo alkohol spalenje tuka redukuje. Mjeztym zo měło ćěło po sporće tukowe bańki wottwarjeć, wottwarja wone potajkim alkohola dla mjenje ćělneho tuka a składuje tuž wjace tuka w tukowych bańkach.
Wuslědki (03.03.25)
Kopańca; 3. liga
Viktoria Köln – 1. FC Saarbrücken 1:2 (0:1)
Energija Choćebuz – Osnabrück 1:2 (1:1)
FC Ingolstadt – Sandhausen 2:1 (0:1)
Hannover U23 – TSV Mnichow 1:3 (1:0)
Wehen Wiesbaden – Aue 0:2 (0:1)
Borussia Dortmund II – Essen 0:1 (0:1)
Dynamo Drježdźany – SC Verl 3:0 (1:0)
Waldhof Mannheim – Aachen 2:1 (1:0)
1. Dynamo Drježdźany 26 52 : 30 48
2. FC Energija Choćebuz 26 49 : 30 48
3. 1. FC Saarbrücken 26 40 : 27 47
4. Arminia Bielefeld 26 39 : 27 43
5. FC Ingolstadt 04 26 51 : 39 42
6. Viktoria Köln 26 42 : 35 40
7. Hansa Rostock 25 33 : 32 38
8. SC Verl 26 37 : 35 37
9. Wehen Wiesbaden 26 39 : 41 37
10. FC Rudne horiny Aue 26 38 : 41 37
11. Borussia Dortmund II 26 40 : 41 33
12. Čerwjeno-běli Essen 26 37 : 40 33
13. VfL Osnabrück 26 37 : 43 32
14. TSV 1860 Mnichow 26 38 : 50 32
15. Sandhausen 26 38 : 41 31
16. TSV Alemania Aachen 26 26 : 31 31
17. Waldhof Mannheim 26 31 : 31 30
18. VfB Stuttgart II 26 33 : 46 28
19. Hannover 96 U23 26 30 : 51 22
20. HZ Unterhaching 25 29 : 48 18
