Městna swobodne

Ralbicy. Drastu sej šić nawuknyć móža zajimowane holcy we wobłuku dźěłarnički ze Steffi Hanušowej pjatk a sobotu na Ralbičanskej starej šuli. Za to su hišće někotre městna swobodne. Zajimče njech­ přizjewja so pola kubłanskeje referentki Domowiny Rejzki Krügeroweje pod telefonowym čisłom 0152/ 3624 1635 abo e-mailnje pod adresu ­t.krüger @sorben.com. Wobdźělniče zetkaja so pjatk, 18. awgusta, w 16 hodź.

Namjety zapodać

Wojerecy. Za wosebity čestnohamtski angažement spožča město Wojerecy kóždej­ dwě lěće Čestnu jehłu Güntera Petersa. Wobydlerjo kaž tež towarstwa móža­ namjetować, kotra wosobina abo kotre towarstwo měło wuznamjenjenje lětsa dóstać. Namjety z krótkim wo­podstatnjenjom přijimuja hač do kónca awgusta w běrowje wyšeho měšćanosty na Frentzelowej 1.

Płody a symjo měnjeć

Na kofej do muzeja

Budyšin. Třeći raz přeproša Budyski Serbski muzej srjedu, 16. awgusta, w 15 hodź. na muzejowy kofej. Tónraz porěči wolontarka Serbskeho muzeja Mónika Ošikowa na temu „Burska zahroda ně­hdy a dźensa“. Zastup płaći 4,50 eurow.

Kak dale při jězoru?

Wojerecy. Swobodni wolerjo města Wojerec přewjedu srjedu, 16. awgusta, w 17 hodź. při Šibojskim jězoru woby­dlersku rozmołwu. Tam chcedźa wo tym porěčeć, što su minjeny čas docpěli a kak ma z jězorom dale hić. Zajimcy su wutrobnje přeprošeni.

Pjatk 11. do 13.8.  Wjesny swjedźeń w Róžeńće

   Budyske lětanske dny

   Domizniski swjedźeń w Grodku

   Najwjetša přehladka historiskich traktorow Łužicy w Koblicach při Hórnikečanskim jězoru

  18:00 Čitanje we wobłuku Mjezynarodneho dnja serbskeje poezije na Wojerowskim hrodźe

Sobotu 12. a 13.8.  19. błótowski kórkowy dźeń w Gólišynje

   Hornčerske wiki w Hózku

  10:00 Konstituowace posedźenje serbskeje młodźinskeje přirady w Budyskim Serbskim domje

  10:00 3. łužiska bursa mineralijow w Hórnikečanskej energijowej fabrice

  10:30 Přednošk „Na slědach wjelkow“ we wjelčim muzeju na Rěčičanskim Erlichtec dworje

  11:00 Koparski turněr Viktorije Worklecy za wólno­časne koparske mustwa w Jaseńcy

  13:00 Swójbne pućowanje a dworowy swjedźeń Serbskeho ewangelskeho towarstwa we Wuježku pod Čornobohom

  14:00 Dźeń wotewrjenych duri Wojerowskeje hudźb­neje šule

  18:00 Lětni koncert chóra Meja při Radworskej Starej cyrkwičce

  19:30 3. filmowa nóc Kamjenskeje župy při Hórčanskim sportnišću

Njedźelu 13. do 20.8.  Kolesowarsko-putniski tydźeń w Smochčanskim Domje biskopa Bena

  10:00 Sportowy swjedźeń při Hnašečansko-Dobrušanskim sportnišću

Koncertuja před cyrkwičku

Radwor. Chór Meja přeprošuje wšitkich lubowarjow serbskeje a słowjanskeje hudźby na swój lětni koncert sobotu, 12. awgusta, we 18 hodź. na zahrodu před Starej cyrkwičku w Radworju. Jako hosći su sej Mejenjo přeprosyli chór Kulowskeho Bratrowstwa. Dale dožiwja wopytowarjo Dawida Wowčerja z přećelomaj na pozawnje a Matteja Hórnika na gitarje. Koncertej přizamknjetej so bjesada a zhromadne spěwanje. Organizatorojo nadźijeja so bohateho wopyta.

Na serbski swjedźeń

Wuježk. Serbske ewangelske towarstwo přeproša znowa wšitkich Serbow a dalšich zajimcow jutře, sobotu, na lětnje pućowanje a serbski swjedźeń do Wuježka pod Čornobohom. W 13 hodź. započnje so pola Krygarjec (Wuježk čo. 31A) pućowanje na Rubježny hród. W 17 hodź. přizamknje so nutrnosć ze superintendentom Janom Malinkom na Pawlikec statoku. Wot 18 hodź. zahudźi a spěwa skupina Podka z Drježdźan.

Třeći raz filmowa nóc