×

Powěsć

Failed loading XML...

Šulerjo sakske finale docpěli

srjeda, 31. meje 2023 spisane wot:

Bičwolejbulisća 7. do 9. lětnika Serbskeho gymnazija Budyšin (SGB) dobychu w Sprjewinej kupjeli wuchodosakske finale we wurisanju „Młodźina trenuje za olympiju“. Sportowče a sportowcy SWŠ Worklecy mytowachu so z bronzu mjez štyrjomi startowacymi šulemi.

Při chłódnych temperaturach wokoło 10 stopjenjow wotmě so minjenu srjedu w Sprjewinej kupjeli w Budyšinje kónčne regionalne koło starobneje skupiny III w bičwolejbulu. Šulerki a šulerjo SGB z kapitanom Karlom Krječmarjom nastupichu přećiwo dalšim třom šulam wuchodneje Sakskeje, zo bychu swojeho dobyćerja a kwalifikanta za krajne finale zwěsćili. Hakle w poslednjej hrě dnja mjez mustwomaj Serbskeje wyšej šule „Michał Hórnik“ Worklecy a Christiana Weisowemu gymnazijej Žitawa padny snadny rozsud k lěpšinje SGB.

SJ Chrósćicy II –

Hlinowski SK 2:3 (0:1)

Zestawa domjacych: Škoda – M. Donat (16. S. Handrik), Cyž, Zynda, Mark, Wornar, C. Handrik, Liznar, Matik, B. Donat (61. Wenzel), Dźisławk (57. Paška)

Na dnju Božeho spěća bě Chróšćan druhe mustwo načolnika tabulki wokrjesneje ligi z Hlinowca na nachwatansku hru witało.

Hnydom wot spočatka sem hosćo na wrota tłóčachu a domjacy škit k zmylkam nuzowachu. Tak měješe wrotar Škoda po 7 min. zbožo, zo třělwa praweho wonkowneho hrajerja Hlinowčanow jenož na prěčnu łatu dyri. W 10. min. pak so defensiwa domjacych stabilizowaše a nadběhi hosći dosć derje wotwobara. Swójske móžnosće sej sami přez kontory wuhrachu, tola k jasnym šansam njedóńdźe. Tři mjeńšiny do połčasa bu wysoki bul do šěsnatki Chróšćanow hraty. Tutón drje škitar wotwobara, při tym pak z přewysokej nohu přećiwnika trjechi. Tak sudnik zahwizda a na pokutny kop rozsudźi. Třělc Hlinowčanow tutón přetwori.

Kołwrótna hra

srjeda, 31. meje 2023 spisane wot:

Chemija Lipsk –

Energija Choćebuz 0:0

Energija Choćebuz: Sebald – Milde (63. Hottmann), Slamar, Hildebrandt (46. Eisenhuth), Borgmann, Kujović, Erlbeck (63. Kaizer), Geisler (82. Wagner), Badu, Heike (71. Wähling), Shcherbakovski.

K nadźijomnje dołhodobnje poslednjej dypkowej hrě regionalneje ligi je sej FC Energija Choćebuz do Lipska dojěła, zo by tam přećiwo Chemiji Lipsk wo dypki hrała. Trenar Claus Dieter Wollitz bě swoju jědnatku na šěsć pozicijach změnił, po wšěm zdaću zo by někotrym hrajerjam za rozsudnu fazu sezony z krajnym pokalnym finalom a relegaciskimaj hromaj přećiwo Unterhachingej trochu měra dał.

Ze sylnym wustupowanjom dypkowali

wutora, 30. meje 2023 spisane wot:

LSV Hory –

ST Marijina hwězda 1:2 (1:1)

Zestawa hosći: Matik – Weclich, K. Pakoßnik, Wróbl, Lipič (84. Hübner), Čornak, Cyž, Schmidt, Clausen, J. Pakoßnik (71. Wünsche), Eldor

Chětro zesłabjeni, hladajo na personalnu situaciju, podachu so koparjo Marijineje hwězdy swjatki njedźelu na nachwatansku hru k druhemu tabulki wokrjesneje ligi k LSV Hory.

Znowa turněraj přewjedli

wutora, 30. meje 2023 spisane wot:

W Pěskecach je so tradicionalny swjatkowny swjedźeń minjeny kónc tydźenja zaso wotměł. Kaž hižo loni njeje so jenož koparski turněr wjesnych cyłkow wuhrał, ale tež turněr starobneje klasy młodźiny E swjatki njedźelu. Wosom serbskich dorostowych koparskich mustwow bě Sportowe towarstwo Pěskecy přeprosyło. Na kóncu je mustwo Sokoła Ralbicy/Hórki zasłužene ze sydom dobyćemi w sydom hrach triumfowało. Za najlěpšeho wrotarja bu hrajer Sokoła Stani Žur wu­zwoleny. Najlěpši hrajerjo běchu jich hnydom třo, Jurij Bětnar Sokoła Ralbicy/Hórki, Elias Jakubaš Sportoweje jednotki Chrósćicy a Martin Schlage Módro-běłych z Kulowa, kiž bě z wosom wrotami zdobom tež najlěpši třělc.

Awtor dźensa

Pětr Šołta

Sport (26.05.23)

pjatk, 26. meje 2023 spisane wot:

Nachwatanje koparskich hrow

Mjeztym, zo změje regionalna liga sewjerowuchod swój posledni hrajny dźeń sezony dyrbja so w nišich ligach hišće někotre duele nachwatać.

27.05.  13:00  Mały Wosyk/Pančicy II –

  Ralbicy II/Njebjelčicy II

28.05.  13:00  W. Dubrawa II/Radw. II –

  HZ Nadrózna Hrabowka

28.05.  16:00  Hory – ST Mar. hwězda

Krajne pokalne finale

W Rakecach přewjedźetej so njedźelu hnydom dwě šlagrowej hrě ze štyrjomi atraktiwnymi přećiwnikami. Wo krajny pokal starobneje klasy młodźina C hrajetej tam cyłkaj z FC Rudne horiny Aue a RB Lipsk a wo krajny pokal młodźiny B mustwje Kamjeničanskeho FC a Dynama Drježdźany.

28.05.  11:00  FC Rudne horiny Aue –

  RB Lipsk

28.05.  14:00 Kamjeničanski FC –

  Dynamo Drježdźany

Jutře kónc přizjewjenjow

Přizjewjenja za lětuši Slawiamarš su pod hišće hač do 27. meje móžne. Wutrajne pućowanje přewjedźe so prěni raz jako kołoběh, a to 03. junija. Start a cil budźetej w Hórčanskim stadionje. Ličba wobdźělnikow je na 300 wobmjezowana.

Sport na swjatkownych dnjach

Sylny bój Chróšćanam njedosahał

štwórtk, 25. meje 2023 spisane wot:

FSV Nowosólc-Hródk –

SJ Chrósćicy 4:2 (2:1)

Zestawa hosći: Petr Králíček – Lucian Zahrodnik, Pavel Runt, Florian Kreuz (22. Marlon Wencel), Bosćij Cyž, Klemens Mark, Gabriel Zahrodnik (73. Damian Matik), Franz Matješk, Michał Młynk, Paul Krawc, Jan Bogusz (58. Franziskus Wornar)

Minjenju njedźelu podachu so Chróšćenjo do Hornjeho kraja do Nowosólca-Hródka. Tam wočakowaše jich při lěćnych temperaturach ćežka hra přećiwo nazhonitemu cyłkej, kotryž steji tuchwilu na štwórtym městnje tabulki. Něhdźe 100 ludźi bě sej horcy duel wobhladało.

Wuslědki (25.05.23)

štwórtk, 25. meje 2023 spisane wot:

Kopańca, wyša liga

FC Eilenburg – Budissa Budyšin 0:4 (0:1)

FC Grimma – Biskopičanske KT  1:1 (0:0)

H. Ł. Neugersdorf – W. Nordhaus.2:4 (1:0)

1. FC Eilenburg 32 61 : 29 68

2. VfB Kśišow 32 76 : 48 62

3. VFC Plauen 32 78 : 46 54

4. Biskopičanske KT  32 63 : 33 53

5. SC Freital 32 47 : 39 49

6. Budissa Budyšin 30 54 : 46 47

7. FC Jednota Wernigerode 32 62 : 59 47

8. FC Jednota Rudolstadt 31 46 : 44 46

9. VfB Auerbach 32 48 : 40 44

10. VfL Halle  32 42 : 43 44

11. SG Union Sandersdorf 32 31 : 39 43

12. Ludwigsfeldski KK 32 34 : 35 40

13. Wacker Nordhausen 32 41 : 61 36

14. An der Fahner Höhe 32 42 : 65 35

15. FC Grimma 31 33 : 42 33

16. SV Módro-běli Zorbau 31 50 : 64 31

17. SV Westerhausen 32 41 : 77 27

18. H. Łužica Neugersdorf 31 22 : 61 20

Po horcym boju buchu z dobyćom mytowani

srjeda, 24. meje 2023 spisane wot:

ST Marijina hwězda –

ST Natwar Němske Pazlicy II

3:2 (2:1)

Zestawa hosći: Matik – Wróbl, Rab, Zelnak, Weclich, Langer (77. Peschmann), Bělk, Eldor, Čornak (62. Ladewig), J. Pakoßnik (85. Czapik), A. Škoda (79. Wünsche)

Wuměnjenja za tutu partiju njeběchu runjewon dobre, wšako steješe trenarskej dwójce Frank Schneider/Kai Frenzel wšelakorych přičiń dla jenož dźewjeć hrajerjow k dispoziciji. A tak naprašowachu so pola „starych knjezow“.

nowostki LND