Lodohokejowe liški su pódla

srjeda, 19. julija 2023 spisane wot:

Łužiske lodohokejowe liški dóstachu po zakónčenju licencneho pruwowanskeho jednanja přez DEL2 za sezonu 2023/2024 dowolnosć w přichodnej hrajnej dobje w druhej najwyšej lodohokejowej lize Němskeje hrać.

Tak smědźa so Lodowy sport Běła Woda a wšitcy fanojo Liškow na dalše lěto w druhej Němskej lodohokejowej lize (DEL2) wjeselić.

Liga je we wotpowědnej nowinskej informaciji zdźěliła, zo bu 14 zjednoćenstwow za přichodnu sezonu licencowanych. Bayreuthske Tigry njejsu žanu licencu dóstali. Po pruwowanju wšitkich 15 kwalifikowanych klubow móžeše so we wuslědku licencneho pruwowanskeho procesa 14 zjednoćenstwam licenca za přichodnu hrajnu dobu 2023/2024 wustajić.

Mustwo z Němcow dobyło

srjeda, 19. julija 2023 spisane wot:
Wjesny koparski cyłk z Němcow z kapitanom Paulom Grafom je sobotu w Sulšecach we wobłuku wjesneho swjedźenja sportowe wubědźowanje z mjenom „Třělenje jědnatkow“ dobył. W finalu přesadźichu so Němčenjo přećiwo cyłkej „Balsam Buben“ z kapitanom Krystofom Cyžom. Na mjeztym hižo dźewjatym turněrje tutoho razu bě so wjac hač 30 wjesnych koparskich cyłkow wobdźěliło. Na lóštnym třělenju startowachu nimo holčeho mustwa tež hólče a mužace w nimale wšěch starobnych klasach­. Foto: Mia-Katarina Hjehorjec

Ze zbožom klasu dźerželi

wutora, 18. julija 2023 spisane wot:

„A wšědnje strowi bobak!“. Tuta sada z filma ze samsnym mjenom trjechi situaciju prěnjeho wolejbuloweho mustwa mužow ST Viktorije Worklecy chětro dokładnje, přetož njeje to prěni króć, zo njepomhachu wosebite regule Worklečanskim wolejbulistam při postupje abo zachowanju klasy. Hižo 2011 postupichu jako wicemišter do sakskeje klasy, dokelž prěni, VfB Zhorjelc, postup cofny. 2020 postupichu Viktorianorojo jako jedne z třoch mustwow, dokelž bu sezona dla Covid-19-epidemije přetorhnjena. W slědowacymaj hrajnymaj dobomaj bě tohorunja Corona za to zamołwita, zo wšitke mustwa we wotpowědnych ligach wostachu. Nětko pak běchu Worklečanscy mužojo po „přerosćenej“ sezonje 22/23 před třomi měsacami doskónčnje zestupili. Doskónčnje? Po dypkach haj, ale tam wšak maja hišće mjenowane wosebite regule. W „play-down“ kole sakskeje ligi namakachu so na kóncu z mustwomaj Póst Drježdźany a Motor Mickten dwě towarstwje na zestupnych městnach, kotrejuž druhe mustwa hač dotal w sakskej klasy hraještej.

Wuspěšnu karjeru zakónčił

wutora, 18. julija 2023 spisane wot:

Hdyž nan artikl wo swojim synu pisa, budźe skoro kóždy prajić: „Tomu wšak kóžda objektiwita faluje. Jeho wulka hordosć barbi jeho pohlad.“ Moja wotmołwa na to je cyle jednora. „Haj, njejsym objektiwny. Haj, sym hordy.“ Při­wšěm pak mam tele linki za přihódne.

Wuslědki (18.07.23)

wutora, 18. julija 2023 spisane wot:

Postupnicy a zestupnicy za hrajnu dobu 2023/2024:

postupnik z wokrjesneje wyšeje ligi do krajneje klasy: Póst Germania Budyšin

zestupnik z krajneje klasy do wokrjesneje wyšeje ligi: ST Ćisk

postupnikaj z wokrjesneje ligi do wokrjesneje wyšeje ligi: Hlinowski SC a TSV Połčnica

zestupnikaj z wokrjesneje wyšeje ligi do wokrjesneje ligi:  ST Porchow a ST Kinspork/Łužnica

postupnicy z wokrjesneje klasy do wokrjesneje ligi: SZ Drjewinica, SZ Steinigtwolmsdorf, HZ Nadrózna Hrabowka/ Wětnica/Hola

zestupnicy z wokrjesneje ligi do wokrjesneje klasy:  ST Haselbachtal, SJ Njebjelčicy, Zeleno-běli Sepicy

Wokrjesna wyša liga

1. Póst Germania Budyšin 30 87 : 27 76

2. Biskopičanske KT II 30 85 : 26 69

3. Módro-běli Kulow 30 66 : 31 66

4. Natwar Němske Pazlicy 30 88 : 44 60

5. ST Horni kraj-Sprjewja 30 83 : 45 57

6. ST Hnašecy-Dobruša 30 88 : 62 57

7. Sokoł Ralbicy/Hórki 30 59 : 41 49

8. FV Ottendorf-Okrilla  30 65 : 59 42

9. SG Großnaundorf 30 39 : 42 37

10. TSV Wachau 30 52 : 85 33

11. SC Großröhrsdorf 30 44 : 50 32

12. HZ Łaz/Běły Chołmc 30 42 : 65 29

13. ST Radwor 30 46 : 81 24

14. ST Ćisk 30 36 : 89 24

15. ST Porchow 30 35 : 92 20

16. ST Kinspork/Łužnica 30 30 : 106 11

Wokrjesna liga stafla I

1. TSV Połčnica 26 91 : 37 60

2. ST Kubšicy 26 64 : 30 55

3. Bretnig-Hauswalde 26 70 : 39 51

4. Arnsdorfske KT 26 61 : 40 47

5. Traktor Malešecy 26 55 : 51 42

6. HZ Huska/Hodźij 26 62 : 45 40

7. TSV Wjazońca 26 65 : 56 40

8. ST Bart 26 39 : 68 35

W spomnjeću na našeho přećela Paula Šnajdera

póndźela, 17. julija 2023 spisane wot:

Dóńt w Serbach jara woblubowaneho Paula Šnajdera, kiž je po krótkej ćežkej chorosći 19lětny zemrěł, jima wjele ludźi. Tule čitaće spomnjeće SJ Chrósćicy.

Testowa hra w Lubušu

póndźela, 17. julija 2023 spisane wot:

FC Energija Choćebuz –

Zaglebie Lubin 2:1 (2:1)

Energija Choćebuz, prěni połčas: Sebald – Slamar, Hildebrandt, Campulka, Milde, Borgmann, Putze, Hofmann, Hasse, Oesterhelweg, Thiele

Energija Choćebuz, druhi połčas: Sebald – Slamar, Hildebrandt, Campulka, Pelivan, Prokopenko, Kujović, Juckel, Halbauer, Euschen, Ndualu

Slěd wrotow: 1:0 Hildebrandt (9.), 2:0 Borgmann (15.), 2:1 Kruszelnicki (19.)

Z pólskim prěnim ligistom měješe FCE po wšelakich nižoklasowych přećiwnikach nětko woprawdźite měritko, přećiwo kotremuž docpě na zakładźe jara spodobneho prěnjeho połčasa w Lubušu (Hohenleipisch) zasłuženy wuspěch 2:1.

Hižo po jědnaće mjeńšinach trjechi Jonas Hildebrandt po flance Axela Borgmanana z hłowu. Krótko po tym namaka dalokotřělwa kapitana Borgmanna swój puć do wrotow. Jako FC Energija pjeć mjeńšinow na to prawje bjezstarostnje we wobaranju agěrowaše, přińdźechu Polacy k přizamknjenskim wrotam.

Widźał, słyšał, napisał (17.07.23)

póndźela, 17. julija 2023 spisane wot:
Awtor dźensa Křesćan Korjeńk

,,Što radosć rjeńšu dawa....“, hač měć prózdniny, dowol abo swobodne a směć činić, štož wjeselo čini. Haj, smy wosrjedź lěćnych prózdnin a tež sportowcy maja nimale wšitcy swój dowol abo přihotuja so hižo na nowu sezonu. Ći, kotřiž maja tróšku wjace fenki sebi přihot we wukraju popřeja, ći tamni wostanu doma abo znajmjeńša w bliskosći. Hłowna tema w kopańcy su tuchwilu jednanja, štó budźe w přichodźe w kotrym mustwje hrać, kelko budźe zasłužić a to najwažniše – kelko maš za noweho hrajerja płaćić abo kelko za předateho, snano tež jenož wupožčeneho, hrajerja dóstanješ. A to ći takle ličby wokoło wuši lětaja, wo statysacach eurow lědma hišće něchtó rěči, dźensa dźe jenož hišće wo miliony. A tam njeje žana hranica wjace data ... Koparjo su twora, z kotrejž so wikuje a dru­hdy maš zaćišć, zo so pomału wid na normalne pozhubi. W awgusće smy mudriši a dajmy so překwapić, w kotrym trikoće toho jednoho abo tamneho potom wuhladamy.

Sport (14.07.23)

pjatk, 14. julija 2023 spisane wot:

Zaso wšědnje wotewrjeny

Fanowy wobchod „Hokejowa liška Łužica“ w Běłej Wodźe je wot spočatk pražnika zaso wšědnje wotewrjeny. Tak hodźa so zaso k znatym wotewrjenskim časam fanowe a sportowe artikle kaž tež lodohokejowy ekwipment kupić. Při tym zahaja so rabatowe tydźenje, wobliča na WARRIOR drastu a ekwipment runje tak kaž na cyły sortiment HUMMEL 20 procentow rabata. Wot 20. julija započnje so předpředań za lisćiki k přihotowanskim hram.

Satkula-bičtura w Jaseńcy

Po zazběhowym bičwolejbulowym turněrje minjenu póndźelu z 15 mustwami we Worklecach budźe tura Radija Satkule póndźelu w Jaseńcy. Cyłki njech so hač do 17.30 hodź. přizjewja. Přichodne stacije:

24.07.  Njebjelčicy

31.07.  Kulow

07.08.  Konjecy

14.08.  Nuknica

21.08.  Pančicy-Kukow

28.08.  Miłoćicy / finale

Přihotowanske koparske hry

Zastupjer krajneje klasy stafla wuchod Rakečanske ST změje dźensa a jutře dwě přihotowanskej hrě zasobu. Prěnju hru w Rakecach sudźi serbska koparska sudnica Lea Krječmarjec. Testowa hra Chróšćanow přećiwo hrajnemu zjednoćenstwu Łaz/Běły Chołmc so njepřewjedźe.

15.07.  13:00 FSC Luckenwalde –

  FC Energija Choćebuz

Karjerju zakónčił

štwórtk, 13. julija 2023 spisane wot:
We wobłuku jubilejneho sportoweho swjedźenja w Ralbicach je Hórčan Beno Domaška (srjedźa) z 75 lětami hišće raz na hrajnišću stał a z cyłkom Zeleno-běłych Hórki přećiwo Sokołej Ralbicy/Hórki hrał. Do hry bu Domaška wot Klemensa Bětki (čisło 3) jako aktiwny hrajer rozžohnowany. Bětka zwurazni, zo měješe a ma Domaška wulke zasłužby wokoło serbskeje kopańcy. Foto: Markus Bruess

nowostki LND