Budyšin. Přichodna muzejowa rozmołwa w Budyskim muzeju wotměje so jutře, sobotu, w 15 hodź. Muzeologa Hagen Schulz porěči na temu „Wo wohnjoškiće a woborach – Budyske hašenje w starym času“. Z wobrazami, dokumentami a nastrojemi sposrědkuje wón dohlad do organizacije hašenja a do wutworjenja woborow w sprjewinym měsće w času wot 16. hač do 20. lětstotka.
Kartki za swjedźenske hry
Čorny Chołmc. Za Krabatowe swjedźenske hry 2016 započnu wutoru, 1. septembra, zastupne lisćiki předawać. Terminy inscenacijow su wšědnje wot 22. hač do 26. junija kaž tež wot 29. junija hač do 3. julija přichodneho lěta. Jednotliwy lisćik płaći 26,25 eurow. Skazać móža sej jón zajimcy pod telefonowym čisłom 0351/ 410 79 55 abo ze skazanskim formularom pod www.krabat-festspiele.de.
Kałanje wěnca budźe wjeršk
Budyšin. Hišće hač do 1. septembra traja twarske dźěła při wotbóčkomaj awtodróhi A 4 pola Porchowa a Słoneje Boršće do směra na Zhorjelc. Poprawom mějachu wone dźensa wotzamknjene być. Dešćika zašłych dnjow dla pak njemóžachu wšitke dźěła sčasom dočinić. To wuskutkuje so tež na dalše wotrězki ponowjenja přijězdow na awtodróhu. Wot 3. septembra hač do kónca měsaca ponowja na mjenowanymaj wotbóčkomaj přijězdy do směra na Drježdźany. Po zakónčenju wšitkich dźěłow w Porchowje a Słonej Boršći budźe awtodróhowa wotbóčka w Hornim Wujězdźe na rjedźe.
Seminar wo swójbje w NDR
Smochćicy. Kajka bě swójba za čas NDR, što je so 25 lět po zjednoćenju Němskeje změniło a kajka je dźensniša swójba? Z tymlemi temami zaběra so wot 2. do 4. oktobra seminar w Smochčanskim Do- mje biskopa Bena. Přizjewjenja přijimuja pod telefonowym čisłom 035935/ 22 317. Dźěćom poskića w tym času wosebity program.
Lejno (SN). Wot póndźele, 31. awgusta, hač dosrjedź oktobra w Lejnje móst nad Małowosyčanskej wodu na S 100 ponowja. Tychle dźěłow dla budu połojcu dróhi zawrěć a wobchad z amplu rjadować dyrbjeć. Twarske kóšty něhdźe 100 000 eurow Sakska spěchuje.
Hataj wusušenej byłoj
Kupoj (HN/SN). Tež rybarjo wokoło Rakec, kotřiž tam haty wobhospodarjeja a ryby plahuja, móža wodychnyć. Wšako je dołho wočakowany dešć haty zaso z wodu napjelnił. W Kupjanskim hatnistwje Tila Semmera, kiž z třomi sobudźěłaćerjemi 52 hatow wobhospodarja, běštej Delitschec hataj wusušenej, tak zo dyrbjachu ryby do druheho hata přesadźić. Haty Semmerec hatnistwa so přez mału Sprjewju napjelnjeja. To je za nich zbožo.
Startowa pomoc nowačkam
Wojerecy (SN). Busowe předewzaća hornjołužiskeho regiona poskićeja k spočatkej noweho šulskeho lěta šulskim nowačkam darmotnu busowu jězbu do šule. Wšo, štož holcy a hólcy trjebaja, je dobropis, kotryž w šulach wupołoža. Na tak mjenowanej „staršiskej sobujězbje“ móža tež starši a přiwuzni swojich pjerachow do šule přewodźeć.
Nowa dirt-bikerowa čara
Kamjenc (SN). W Kamjenskim Knježim dole su měšćanscy dźěłaćerjo w zelenišću a při wopomnišću njedawno nowej ławce nastajili. Rady so tam wuchodźowacy posydnychu, zo bychu tróšku wotpočnyć a rozpominać móhli. Kaž pak měšćanske zarjadnišćo zdźěli, je ławce něchtó skóncował a wšitke łaty wotšrubował. Město tajke zadźerženje jara wobžaruje a wězo zasudźuje. Policija za tym slědźi, štó je tele worakawstwo skućił.
Kedźbu brigadnicy
Budyšin (SN). Čłonojo chóra 1. serbskeje kulturneje brigady a wšitcy zajimowani něhdyši spěwarjo brigady njech njeskomdźa prěnje proby za nahrawanje cejdejki „Wětrnik a časy“ štwórtk, 20. a pjatk 21. awgusta wot 9.30 hodź. do 14.30 hodź. w Serbskim gymnaziju. Nahrawanja chóra za zynkonošak budu wot 10. do 12. septembra w Radworskim hosćencu „Meja“. Do to nahrawatej orchester SLA a Rogacki band za planowanu CD.
Biblioteka zawrjena
Kamjenc (SN). Kamjenska Lessingowa biblioteka wostanje wot 7. septembra, twarskich dźěłow dla zawrjena. Wone traja hač do 26. oktobra. W tym času změja prowizorisku knihownju. Zajimcy móža sej dale medije wupožčować.
Budyšin (SN). Ze zahajenjom noweho šulskeho lěta wotewrě Budyska Röhrscheidtowa kupjel w Strowotnej studni 24. awgusta zaso swoje durje. Lětnju přestawku su tam tež lětsa zaso za saněrowanske a reparaturne naprawy wužili. Tak su kompletne wobswětlenje na halowej třěše wuměnili. Na poslednim kóncu tydźenja w awgusće swjeći kupjel swoje dźesaćlětne wobstaće. Za to tuchwilu rjane akcije přihotuja.
Dróha zawrjena
Delnja Kina (SN). Wot dźensnišeho hač do 31. awgusta nasypaja w Delnjej Kinje na Starej wjesnej dróze mjez mostom Při Albrechtowce a Młynskej nowu dróhowu worštu. K tomu je dospołne zawrjenje wotrězka puća trěbne.
Mały Wjelkow (SN). Prěni króć kooperujetej sakski krajny zwjazk Čerwjeneho křiža (DRK) a Małowjelkowski prazwěrjenc. Jutře, 14. awgusta, wotměje so w parku sawrierow swójbny dźeń, za kotryž maja tójšto atrakcijow za dźěći přihotowane. Na přikład móža sej hólcy a holcy chorobny wóz DRK wobhladać.
Mnohich doma hladaja
Budyšin (SN). Kaž zamołwići wikowanskeje chorobneje kasy (KKH) Budyskeho wokrjesa zwěsćeja, su přistajeni hladanskich słužbow w nadawku KKH potrěbnych w minjenych měsacach zwjetša doma zastarali. 72 procentow z wjace hač 56 000 hladanja potrěbnych su wukubłane sotry doma zastarali. Při tym leži domjace hladanje po zdźělenju Zwjazkoweho statistiskeho zarjada po dwěmaj třećinomaj w rukach přiwuznych, tamny dźěl zaručeja – zdźěla kompletnje – ambulantne słužby.
Specielne čaporowe wiki
Rěčicy (SN). Na Rěčičanskim Erlichtec dworje móža sej zajimcy tuchwilu dwě wustajeńcy wobhladać. W kolesowarskej bróžni rozprawjeja wo změnje klimy w čěskej namjeznej kónčinje a pokazuja na jeje wuskutki. Při rustikalnych dubowych plastikach za přirodowej a turistiskej informaciju pak informuja hosći rozmołwne protokole Rěčičanskich wobydlerjow wo něhdyšim ćežkim dźěle w škleńčerni, w zawodźe za wohnjoškitne maćizny kaž tež w hórnistwje. Tež trajna wustajeńca wo ratarskim žiwjenju a ekspozicija wo wjelkach stej wopytahódnej.
Lětnje kino woblubowane
Budyšin (SN). Derje wopytane běchu dotal lětnje kinowe předstajenja Budyskeho Kamjentneho domu. Přeco srjedu kino pod hołym njebjom Při Sprjewinym wobłuku tež přichodne tydźenje ludźi přeproša. Dźensa w 21 hodź. pokazaja tam na wulkej płachće thriller „The Imitation Game“. Tež ćělne derjeměće je na kóždym předstajenju zawěsćene.
Wojerecy (SN). Něhdźe 40 dźěći a młodostnych sakskich młodźinskich wohnjowych woborow z Drježdźan, Sepic, Bórka, Bjedrichec/Łaza je we wobłuku projektoweho campa minjenu sobotu Wojerowski klinikum łužiskeje jězoriny wopytało. Zaměr zarjadowanja bě, dorosćacych wo cyłkownym wuchowanskim rjećazu – započejo z alarmowanjom centrale hač k nuzowemu přijimanju – informować a jim wotběh rozkłasć. Mjez druhim móžachu sej hólcy a holcy helikopterowe přizemišćo a wuchowanske jězdźidła wobhladać.
Jězdźenki so podróša
Kamjenc (SN). Wot 1. nowembra budu jězdźenki VVO, wobchadneho zwjazka Hornje Łobjo, za busy a ćahi tež w Kamjencu wo 1,4 procenty dróše. Stagněrowacych přiražkow a stupacych kóštow dla je trjeba tarify přiměrić.
Z kolesom po puću
Kamjenc (SN). Tradicionelnje chcetaj zapósłancaj Sakskeho krajneho sejma Marko Šiman a Alojs Mikławšk (wobaj CDU) na lětnjej turje firmy a towarstwa w swojimaj wólbnymaj wokrjesomaj w Kamjencu a Budyšinje wopytać. 17. awgusta budźetaj wonaj popołdnju w dwurěčnych gmejnach zarjadniskeho zwjazka Při Klóšterskej wodźe po puću.
Huska (SN). Prawidłownje přewjeduja w Husce wodźenja po hrodźe, štož je hižo mjez mnohimi zajimcami, tež z Drježdźan, wulki wothłós žnjało. Wažne pak je, zo maja so hrodowe wodźenja znajmjeńša tydźenjej do termina knihować a zapłaćić. Wot apryla do oktobra je přeco prěni štwórtk w 16.30 hodź. zjawne wodźenje za jednotliwcow a skupiny hač do 20 ludźi. Pod telefonowym čisłom 035930/55 2 27 skazanki přijimuja.
Přitulny wječor na wěži
Budyšin (SN). Wěžerka Budyskeje Bohateje wěže wjeseli so na hosći, kotřiž chcedźa z njej 8. awgusta, w 20 hodź. wysoko nad sprjewinym městom přitulny wječor dožiwić. Lisćiki za to poskićeja w měšćanskej turistiskej informaciji.
Prózdninska dźěćaca atrakcija
Mały Wjelkow (SN). Hubicy a wodobule na so mjetać móža dźěći w Małowjelkowskim prazwěrjencu nětkole w prózdninach wšědnje w 12 a 15 hodź.
Mały Wjelkow (SN). Wotsrjedź julija wotwěra Małowjelkowska sotrownja kóždu njedźelu wot 14 hodź. tak mjenowanu lětnju kofejownju. Nimo słódneje swačiny z kofejom a tykancom poskićeja tam hosćom tež hudźbne delikatesy. Tuž je lětnja kofejownja jara woblubowana. Přichodnu njedźelu přeproša wobhospodarjer sotrownje Mike Salomon wopytowarjow na „hudźbu na štyrjoch kolesach“ – na powětroćišćowy orchester.
Party z DJjom Romanom
Jitro (SN). Romano Meinert je dobyćer wubědźowanja Sputnik DJ-Battle 2015. Jeho móža lubowarjo elektroniskich zynkow jutře, pjatk, wot 22 hodź. w Jitru pola Wóslinka dožiwić. Tam organizuje mjez druhim wjesna młodźina party.
K łukam kolesować