Starosća so wo Helenu Fischer
To a tamne (19.06.23)
Na pustym wječoru wotućena žona w Ekuadorje je nětko tola zemrěła. Po sydom dnjach na intensiwnej staciji chorownje je žona wudychała, lěkarjo zdźěleja. W chorowni běchu ju wobšěrnje lěkarsce zastarali a prawidłownje přepytowali. Žonu bě 9. junija Boža ručka zajała. Słužbuwukonjacy lěkar bě smjerć žony zwěsćił. Jako chcychu so přiwuzni na pustym wječoru ze zemrětej rozžohnować, so 76lětna nadobo hibaše.
Na wšě pjeć hodźin w motorowej rumnosći awta wutrała je mała kóčka na jězbje z Madźarskeje do Awstriskeje. Kocor bě so tam schował a cyły čas sobu jěł, organizacija za škit zwěrjatow zdźěla. Šofer bě žałosćace zwěrjo po jězbje wuhladał a do zwěrjatownje dowjezł. Něšto měsacow stare zwěrjo bě wustróžane, ale njezranjene. Nětko chcedźa w Awstriskej noweho wobsedźerja namakać.
Chcedźa planowanja pospěšić
Berlin (dpa/SN). Zwjazk a zwjazkowe kraje chcedźa zasadnje dawno dojednane pospěšenje planowanjow na přikład za wobchadne puće, milinowe trasy abo industrijne připrawy skónčnje zwoprawdźić. Tole je zhromadna wola, procesy rozsudow w Němskej pospěšić, zo bychu spěšnišo rozsudy docpěli, rjekny zwjazkowy kancler Olaf Scholz (SPD) w Berlinje po wuradźowanjach z ministerskimi prezidentami.
Scholz: Zarjady digitalizować
Berlin (dpa/SN). Zwjazkowy kancler Olaf Scholz (SPD) zwjazkowe kraje pozbudźuje, zarjady za wukrajnikow dospołnje digitalizować. Tole pomha, sej daty wuměnjeć a přehlad wo migraciji w Němskej wobchować a ju wodźić, rjekny wón po wuradźowanju z nawodami krajow w Berlinje. Digitalizacija móhła zamołwitym při rozsudach pomhać. Za wotpowědne wobzamknjenje ministerskich prezidentow so Scholz wuraznje dźakowaše.
Pašowarjow ludźi zajeli
Tornado je městačko Perryton w zwjazkowym staće USA Texasu ...
CDU debatuje wo wobchadźenju z AfD
NATO wuradźuje wo planach zakitowanja
EU rozprawu drogow dla předstajiła
To a tamne (16.06.23)
Swójsku kwasnu hosćinu přetorhnyła je 21lětna žona w Indiskej, dokelž bě so jeje nawoženja pobrachowaceho wowčeho mjasa dla hóršił. Tež nan a bratr nawoženje so ze swójbu njewjesty wadźeštaj, dokelž njeměještaj na hosćinje w zwjazkowym staće Odisha pječa dosć k jědźi. Pobrachowaceho respekta napřećo staršim swójbnym dla młoda žona swojeho mandźelskeho nablaku wopušći. Toho zamołwjenje nochcyše wona słyšeć.
Z pistolu w tobole je 72lětny muž z Němskeje do danskeje chorownje přišoł, dokelž nječuješe so derje. Přistajeni kliniki w Odense na juhu Jütlandskeje bróń a wotpowědnu municiju wuhladachu. Policija muža zaja. Muž žanu winu za sebje njewidźeše, wobsydstwo brónje pak přizna. Sudnistwo zasudźi jeho k šěsć měsacam jastwa a jeho z kraja wupokaza.
NATO: Ukraina trjeba municiju
Brüssel (dpa/SN). Po posudku NATO trjeba ukrainske wójsko za wuspěšnu ofensiwu přećiwo ruskim nadpadnikam předewšěm municiju a narunanske dźěle za wužiwane brónjowe systemy. Ukraina trjeba wšelake družiny podpěry, rjekny generalny sekretar NATO Jens Stoltenberg na zetkanju mjezynarodneje kontaktneje skupiny ke koordinowanju wojerskeje pomocy Ukrainje w Brüsselu. Ćežišćo widźi wón w tym, móžnosće wójska za čas ofensiwy optimalnje wužiwać.
Pruwuja zakazy korony dla
Lipsk (dpa/SN). Zwjazkowe zarjadniske sudnistwo w Lipsku je dźensa pruwowało, hač bě zakaz zhromadźowanja za čas koronapandemije prawnisce w porjadku. Konkretnje dźe wo sakski škitny wukaz koronawirusa dla, z kotrymž lěta 2020 jenož hišće zhromadźowanja dowolichu, kiž běchu přizjewjene a kiž zaručichu wotstawk 1,50 metrow mjez wobdźělnikami. Skoržił bě muž, kiž chcyše swój čas přećiwo wobmjezowanju zakładnych prawow demonstrować.
Klimowa konferenca skónčena
