W raju kamjenjow nad Jaworu
Impresije z XIII. mjezynarodneje dźěłarnički rězbarjow při Miłočanskej skale
Willi Selmer z delnjołužiskeho Łaza bě mjez lětušimi debitantami při skale.Tu a tam mamy we Łužicy městna, hdźež wotwěra so nam wokno do swěta snadnje zwonka toho, štož hodźało so jako wšědny dźeń wopisować. Tajke wuhladko zmóžnja wid na Łužicu, kajkaž móže wona tež być: graciozna, trochu dźiwnuška, přećelna a njenapjata, tolerantna, fantaziju pohonjowaca. Jedne tajke městno je areal towarstwa Kamjenjak při bywšej Miłočanskej skale.
Nad łučnym dólčkom Jawory w najjužnišim kónčku Njebjelčanskeje gmejny je wot lěta 2001 wosebita zahroda nastała. Tehdy kupi gmejna skału kaž tež jej přisłušace wokolne ležownosće. Běchu tež druzy zajimcy, kiž planowachu spediciju abo deponiju w zornowcowej dźěrje. Město toho maja tam nětko małe nurjenske towarstwo, płoninu za permakulturu a lěto wob lěto rozrostowacu kulisu rězbarskich wudźěłkow, kotrež so podłu pućow a šćežkow a druhdy tež zboka nich widej wopytowarja wotkrywaja (a kotrež móžeš tež kupić).
Z kreatiwitu wobohaćeja towaršnostne žiwjenje
Towarstwo wjesnych žonow so čestnohamtsce angažuje a město Budyšin za swjedźenje wupyša
Z lubosću a wulkej prócu wija čłonki towarstwa wjesnych žonow pletwy hałžkow, pyšene z pisanymi kwětkami a zelemi, za lětuši Budyski staroměšćanski festiwal. Žony maja rozwalinu mnišeje cyrkwje wuhotować. Wotwažuja tuž, kelko metrow girlandy je trěbnych, a dojednaja so skónčnje na to dwě pjećmetrowskej a jednu dźesaćmetrowsku nawić. Hałžki za to maja ze swójskich zahrodow. A tak pletu meter wob meter najwšelakoriše družiny hałžkow a debja je přidatnje z pisanymi kćenjemi kwětkow. Kajke to sprócniwe dźěło, kotrež wone čestnohamtsce wukonjeja a tak město Budyšin podpěruja. Tak wobkruća mi to předsydka towarstwa wjesnych žonow wokoło sprjewineho města Hella Helm z Jitka.
600 lět Sernjany – zajimawe stawizniske powěsće wo delanskej wsy 14
Sernjany swjeća lětsa 600. róčnicu prěnjeho pisomneho naspomnjenja. Rodźeny Sernjančan a dobry znajer stawiznow delanskich wsow Pawoł Rota je někotre stawizniske zajimawostki wo wsy zestajał, kotrež čitarjam Serbskich Nowin we wjacorych dźělach spřistupnjamy:
Sernjanske nowe kehelnišćo
Něhdźe w lěće 1956 bě wjesna starša generacija tehdy aktiwnje dźěłacu młodźinu pospochi namołwjała, zo by tola wožiwiła staru wjesnu sportowu tradiciju – kehelekulenje. Tele nastajne borkanje a storkanje měješe wuspěch. Młodostni rozsudźichu pak so za masiwne kehelnišćo, kotrež wšitke wjedra a předewšěm kruty zmjerzk wudźerži.
Štož by jabłučina powědać móhła
W zmysle nana a dźěda Arnd Zoba w ewangelskej kónčinje za serbstwo skutkuje
Sylne hałzy jabłučiny su tak nachilene, zo maš na tymle ćopłym dnju w awgusće pod nimi spomóžny chłódk. Łopjena strowja će w strowej zelenej barbje, mjez nimi wuhladaš hižo wulke płody, byrnjež tam lětsa žane bohate žně njewočakowali. Móhła-li tale jabłučina na Zobic zahrodźe w Bukecach rěčeć, by wona zawěsće wjele rozprawjeć měła. Na přikład wo poměrje Bukečanow k serbstwu w powšitkownym a wo prócowanjach Zobic swójby za serbskosć w konkretnym zmysle.
Zdźěla slepa dowěra so zahubnje wuskutkowałaZhladowanje na lěta přewróta – 4
„Znowazjednoćenje Němskeje – són a woprawdźitosć“ rěka kapsna kniha z pjera Waltera Leonharda. Rodźeny Durinčan je 40 lět we Wětrowskej šamotowni dźěłał. Serbske Nowiny wozjewjeja jeho trochu wudospołnjene, wot Arnda Zoby a Friedharda Krawca z přećelnej dowolnosću nakładnistwa DeBehr zeserbšćene dopomnjenki.
Wopřijeće „wěstota“ hraješe – snano njewědomje – přesahowacu rólu. Dźěše wo socialnu wěstotu, tajku dźěłoweho městna, wo měr atd. Mjez ludźimi bě so měnjenje šěriło, zo sy z měsačnje tysac hriwnami (DM) bjezdźěłnostneho pjenjeza lěpje žiwy hač z tysac wuchodnymi hriwnami za wšědne ćežke dźěło.
55 000 přebytkow wob lěto
Foto: Lea Konys
Dźěćacy reporterojo Radworskeje wyšeje šule mějachu njedawno we wobłuku dnja serbskeje rěče we Wodowych Hendrichecach přiležnosć, swójsku nowinu wuhotować. Hač běchu to fotografija, interview, wobkedźbowanja abo naprašowanja – tu je wuslědk młodych žurnalistow.
Plahuje doma pocpule
D ominik Reusch trjeba wšědnje podpěru a přewod. To zaruča knjeni Knopowa, kotraž je jemu poboku, tak tež we Wodowych Hendrichecach. Ilsa Baumgärtlec a Wito Wawrik staj so wobhoniłoj, kak dźeń pola njeju wotběži. Wy Dominika wšědnje přewodźeće. Kajki je waju wšědny wotběh? Zhromadnje rano do šule jědźemoj. Jako prěnje dźemoj k spintej a zapakujemoj wšitke trěbne wěcy do toboły. Pozdźišo započina so wučba a po 90 mjeńšinach je prěnja přestawka. Po šulskim domje so zhromadnje wuchodźujemoj a wězo w připołdnišej přestawce wobjedujemoj. Po šuli čakaja domjace nadawki, kotrež zhromadnje zmištrujemoj. Rady zaběramoj so z pocpulemi (Wachteln), kotrež doma pola Dominika plahuja. Znjesetaj so? Jara derje zhromadnje wuńdźemoj. Kajke najrjeńše dožiwjenje staj hižo zhromadnje měłoj? Jara rjenje za naju bě, jako su so pocpule z jejkow wulahnyli. Dźakujemoj so!
Dźěl wosebiteje redakcije Dźěćiznaka: Heidi Rostock, Ilsa ...
Parlaty cocktail
Cocktail je jary wochłódźacy a wšitcy jón rady pija.
za dekoraciju: melona, wino a ananas
zymny Ginger Ale
8 cl wišnjoweho nektara
2 cl limetoweho cocktaila
měšeć
rys.: Sarah Tietz a Wito Wawrik
Šulerjo su we Wodowych Hendrichecach zhromadnje cocktaile měšeli. Sarah Tietz a Wito Wawrik staj jich při tym wobkedźbowałoj a recept wučušliłoj:
Sarah a Wito přejetaj tuž wšitkim „słódkim kóčkam“ (Naschkatzen): Dajće sej zesłodźeć!Najrjeńša zabawa w kupjeli
Viktoria Žurec je so mjez sobušulerjemi wobhoniła, što je so jim we Wodowych Hendrichecach najlěpje lubiło. Sophia Jurkec z Bronja chodźi do 8. lětnika: Na šuli w zelenym so mi lubi, zo smy wšitcy šulerjo hromadźe tu. Kóždy dźeń mamy tu wosebity poskitk, na přikład běchmy kupać a pućować. Najrjeńšo pak je, zo móžu ze sobušulerjemi blidotenis hrać, wšako je to mój hobby, kiž mi wjele wjesela čini. Liane Westphal z Měrkowa z rjadownje 7b, kotraž w šuli najradšo sportuje: Za čas šule w zelenym bě stajnje jara ćopło, a tuž sym so rady kupała. We wobłuku dnja serbskeje rěče je mje wučerka knjeni Jurencec serbsku narodnu drastu zwoblěkała. Drasta so mi jara lubi, wšitke dźěle su wulkotne. Felix Bauch z Boranec chodźi do rjadownje 7a. Jeho najlubši předmjet je hudźba: Mi so tu prosće wšitko lubi. Milena Knoblochec z Bronja je nowa na Radworskej šuli a chodźi tam do 5. lětnika: To najlěpše we Wodowych Hendrichecach je, zo je tu hnydom wokoło róžka kupjel, hdźež móžemy so wochłódnić. Tež hdyž sym nowa na šuli, mam hižo najlubšu wučerku, knjeni Wowčerjowu.
