Musical šulerjow za Chróšćanski jubilej a festiwal
Sabina Hejdušcyna, nawodnica Worklečanskeje zakładneje šule „Michał Hórnik“ a Chróšćanskeje zakładneje šule „Jurij Chěžka“, wjeseli so na wočerstwjenje w lětnich prózdninach. Na nju čakaja w nowym šulskim lěće wosebje wulke wužadanja.
Němsku wučerku za serbsku rjadownju
Drama wokoło serbskeje rjadownje dotalneho 3. lětnika w Radworju wuwiwa so do groteski: Zarjad je spjećowanja Serbow dla rjadowni tola přizwolił – ale rjadowniska wučerka serbsce njemóže.
Radwor (SN/mb). Dobru powěsć je krajny zarjad za šulu a kubłanje (LaSuB) drje zašły štwórtk sčasom Radworskej gmejnskej radźe do wurjadneho posedźenja sposrědkował: Dotalna serbska rjadownja 3. lětnika njech po prózdninach dale wobsteji. Tola hižo pjatk je LaSuB napřećo nawodnicy serbskeje zakładneje šule zwuraznił, zo njedóstanje wotpowědnu wučerku za rjadownju. Kaž smy z kruha potrjechenych staršich zhonili, změje serbska rjadownja němsku rjadownisku wučerku. Po tutych informacijach maja so drje serbske wučerki wo předmjety serbšćina, matematika a wěcna wučba starać, ale 14 wot 27 šulskich hodźin, potajkim wjac hač połojca, wotměje so němsce.
Studenća wabja studentow
Pilotowy projekt za polěpšenje zastaranja z wučerjemi we Łužicy
Drježdźany (SN/MiR). Drježdźanska techniska uniwersita zahaji druhi dźěl swojeho pilotoweho projekta k polěpšenju zastaranja kraja z wučerjemi we Łužicy. Wčera wječor je so sakski ministerski prezident Michael Kretschmer (CDU) na fakulće za kubłanske wědomosće wo aktualnym stawje wobhonił. Nawodnica projekta TU prof. dr. Anke Langner na naprašowanje SN rozłožuje: „Dotal bě 14 studentow a studentkow zwólniwych na dwěmaj sakskimaj šulomaj w Běłej Wodźe a Žitawje wuwučować. Sym zbožowna, zo woni nětko swojich komilitonow wabja, runja jim so přichodnje na projekće wobdźělić.“ Zmysł akcije njeje pobrachowacych wučerjow narunać a regularnje wuwučować. Studowacy maja skerje přidatny poskitk za mjeńše wuknjenske skupiny zmóžnić. To je na přikład spěchowanje čitanja, dźěło na projektach abo samostatne dźěło w tak mjenowanych běrowach za wuknjenje. Fachowu wučbu porno tomu studenća njeposkićeja. „Šulerjo su nam prajili, zo so jim lubi na tute wašnje wuknyć, hač zo maja wupad hodźiny.
Rěčny swjedźeń kónc a zdobom nowy započatk
Dešno (NC/KK). Prěnje koło pilotoweho projekta Zorja z rjadom „Serbska rěčna kofejownja“ bu předwčerawšim z wulkim rěčnym swjedźenjom w Dešnje zakónčene. Cyłkownje štyri króć su „rěčnu kofejownju“, spěchowane wot Załožby za serbski lud we wobłuku idejoweho wubědźowanja „Rěč zwjazuje – Rěc zwězujo – Sorbisch verbindet“, wuhotowali. Zaměr rjadu bě, zo dóstanu rěčacy a wuknjacy delnjoserbskeje rěče městnosć a móžnosć, so zetkawać, so zeznać a předewšěm ze sobu rěčeć. Na zakónčenju ćehnjechu hišće raz za wšitkimi registrami, poskićachu pizzu ze swójskeje drjewjaneje pjecy, palenc w serbskich barbach a druhe chłóšćenki.
Wo hudźbne wobrubjenje swjedźenja postara so band Kula Bula, kotraž zamó hosći do reje powabić. Nimo toho zahra skupina Ale Ale wjacore serbske (ludowe) pěsnje, kotrež wopytowarjo – wjacori z nich wužiwajo wupołožene teksty – sobu spěwachu. Na kóncu wječora teptachu Zorjenjo někotrežkuli serbske koło kajkež bě jim Gregora Kliem nawučił.
Serbska rjadownja tola nastanje
Radwor (SN/MkWj). Njewočakowana a přewšo zwjeselaca powěsć je wčera do Radworja dóšła: Na zakładnej šuli smědźa nětko tola w 4. lětniku serbsku rjadownju ze šěsć šulerjemi wutworić. Wo tym je nawoda Budyskeje wotnožki Krajneho zarjada za šulu a kubłanje (LaSuB) Mathias Peter zastupowaceho wjesnjanostu Pětra Klimana informował. Powěsć dóńdźe runje hodźinu do zahajenja wurjadneho posedźenja gmejnskeje rady, kotrež bě Kliman w dorěči z wjesnjanostku Madeleine Rynčowej zwołał, kotraž je w dowolu.
Wurjadne posedźenje zwołać bě reakcija na pjatkowne posedźenje ze zastupnikami gmejny, šule a staršich, hdźež dyrbjachu na wědomje brać, zo je rozsud LaSuB na njedobro serbskeje rjadowanje njepowalny. Najebać najnowše wuwiće su wčera wurjadne posedźenje přewjedli. Na nim su z wjetšinu wobzamknyli, zo měli za Serbow tak bytostne prašenja wutworjenja serbskich rjadownjow na šulskej konferency wobjednawać. Nimo toho je wažne, zo so problem wutworjenja małych rjadownjow skónčnje zakonsce rjaduje, zo njeby so ćahańca wospjetowała.
Dźěći wěcywustojny publikum byli
Budyšin (SN/MiR). Mjetawki, kuchinske chošća a chošća z prućiny, a šćětki ... snano tež wjechlawa? Dźěći Budyskeje pěstowarnje „Jan Radyserb-Wjela“, kotraž je w nošerstwje Křesćansko-socialneho kubłanskeho skutka Miłoćicy, wědźa, zo trjeba mała wjera cyle jednorje chošćo. A předawar Balduin Pimpule tajke ma.
Dźeń je mnohim wunošny był
Ideja za socialny zmysł dźěłać, wabi kóžde lěto znowa młodostnych do serbskich zarjadnišćow a institucijow. Za tym pak chowa za młodostnych tež móžnosć, praktiske dźěło wukonjeć.
Wučerka Budyskeho Serbskeho gymnazija Jadwiga Kubicowa je šulerjam rjadownje 8/1 zmóžniła, jedyn šulski dźeń w praksy dźěłać. Tak přebywaše wosom młodostnych na cyle wosebitym socialnym dnju w Chróšćanskim dnjowym dźěćacym přebywanišću „Chróšćan kołć“, kotryž je w nošerstwje Serbskeho šulskeho towarstwa. Dalši dóstachu dohlad do skutkowanja w Chróšćanskej starowni swjateje Ludmile. Tež na gymnaziju samym su někotři šulerjo praktisce dźěłali. Šulerjo mějachu to za wosebitu šansu. Wšako so Serbski gymnazij, porno druhim šulam, na poskitku Genialnje socialnje njewobdźěli.
Prócuja so wo zhromadnu rozmołwu
Na Radworskej zakładnej šuli „Dr. Marja Grólmusec“ ma po wulkich prózdninach šěsć šulerjow serbskeje rjadownje aktualneho dotalneho 3. lětnika z 19 němskimi šulerjemi do zhromadneje rjadownje chodźić. Bój wo zachowanje serbskeje rjadownje dźe dale.
Dobry prěni krok
„Błudna šula“ šulerjam a wučerkam so spodobała
Šulerjo Chróšćanskeje Serbskeje zakładneje šule „Jurij Chěžka“ su wot lońšeje nazymy njesćerpnje na jewišćowu hru sobušulerjow čakali. Wčera dožiwichu woni na jewišću wjacezaměroweje hale „Jednota“ wosebitu „Błudnu šulu“.
