Z motorskej piłu zhotowjene drjewjane skulptury su Stephanie Jäger z ...
Krótkopowěsće (01.04.26)
Minister Clemens na sudnistwje
Běła Woda. Sakski kultusowy minister Conrad Clemens (CDU) ma so po informacijach Radija Łužica wot 26. meje na Běłowodźanskim hamtskim sudnistwje za swoje smalenje z awtom w Krušwicy zamołwić. Tam bě wón w septembrje 2023 blisko domu seniorow z 81 km/h po puću, hdźež bě jenož 30 km/h dowolenych. Jednanje ze swědkami a wěcywustojnym ma so 5. a 19. junija pokročować.
Energijowy projekt zahajili
Zhorjelc. Ze symboliskim prěnim zarywom je so wčera mjezy přesahowacy energijowy projekt městow Zhorjelc a Zgorzelec zahajił. Hač do lětsa 2030 nastanje tam zhromadna syć dalnoćopłoty na zakładźe wobnowjomnych energijow. Projekt su lěta 2020 planować započeli.
Mercedes chce w Čěskej twarić
Policija (31.03.26)
Wěko wotwjezli
Wbohow. Na zwjazkowej dróze B 96 w Wbohowje (Halbendorf) pola Budestec su njeznaći w nocy na njedźelu wěko gullyja wuzběhnyli. Kaž policija rozprawja, dowjezechu je z nakupowanskim wozom do bliskich Jiłoc (Eulowitz). Tam wóz z wěkom wotstajichu a so hižo wo njón njestarachu.
W Malešecach zhromadnje spěwali
Dorost do nałožka zapřijeja
Na wjacorych městnach srjedźneje Łužicy zhromadnje jejka debili
Nowa Łuka/Brězowka/Rowno (JoS/SN). Mjeztym 35 lět přewjeduje Towarstwo za hajenje regionalneje kultury srjedźneje Łužicy stajnje bołmončku jutrowne wiki w Nowej Łuce. Minjenu njedźelu su so tam ze swojim wjelelětnym předsydu Wernerom Bejmu rozžohnowali. 84lětny bě towarstwo něhdy sobu załožił. Jeho skutkowanje hódnoćeše jeho dźowka Kirsten Bejmina. Zdobom spominachu na stolětne wobstaće Wjacsławkec drastoweho domu we Wojerecach, hdźež ma towarstwo dźensa swoje sydło. Dohromady 20 debjerjow serbskich jutrownych jejkow je w Nowej Łuce swoje filigrane wuměłstwo předstajiło. K zazběhej zarejwa dźěćaca rejwanska skupina z Noweje Łuki. Mjez rejwarkami bě 14lětna Tessa Kowalickec, kotraž wopytowarjow serbsce witaše.
Serwis je wobmjezowany
Budyšin. Serwis přizjewjernjow jězdźidłow Budyskeho wokrjesa w Budyšinje, Kamjencu a Wojerecach je tutón tydźeń wobmjezowany. Přičina je, zo su wjacori sobudźěłaćerjo schorjeli. Tohodla móža naležnosće jenož wobdźěłać, hdyž je sej wobydler do toho online termin wujednał. Wuwzaća su wotzjewjenja jězdźidłow a jara nuzne pady.
Pjenjezy a pohladnicy měnjeć
Budyšin. . Kóžde lěto ćichi pjatk přewjeduje Budyske numismatiske towarstwo w Serbskim domje wulku bursu za wšitkich, kotřiž pjenjezy, medalje, pohladnicy, fota, listowe znamki abo druhe wěcy zběraja. Na přichodnu bursu 3. apryla předsyda towarstwa Matthias Koksch wšitkich zajimcow wot 9 do 14 hodź. přeprošuje.
Premjera w nowym wobchodźe
Na Krabatowym dworje w Jitku maja nowy wobchod a nadźijeja so prawje wjele kupcow. Tam njedóstanješ jenož wudźěłki Helmec ratarskeho zawoda, ale tež wot druhich poskićowarjow z regiona.
Jitk (JK/SN). Bě hižo dołho přeće a plan Helmec mandźelskeju, na Krabatowym dworje w Jitku wobchod zaměstnić a w nim twory ze swójskeje a regionalneje ratarskeje produkcije poskićować. Minjeny pjatk skónčnje tak daloko bě. We wobłuku tradicionalneje jutrowneje předanje su howjaze a wowče mjaso a dalše produkty z rězanja prěni raz w nowym wobchodźe předawali. Nawal kupcow bě – kaž přeco – jara wulki a štóž njebě sej wudźěłki sčasom skazał, dyrbješe hladać, hač hišće něšto dóstanje.
Hižo něšto lět Spalowčenjo bołmončku w towarstwowym domje ...
Město so na jutry přihotuje
Krótkopowěsće (31.03.26)
Livestream nětko pruwuja
Budyšin. Budyski wokrjesny sejmik je na swojim wčerawšim posedźenju wospjet wo tym wuradźował, zajimcam zeńdźenja gremija z livestreamom spřistupnić. Wjetšina radźićelow je za to hłosowała, zo ma krajny rada Budyskeho wokrjesa Udo Witschas (CDU) poskitk a kóšty za to přepruwować. Na swojim přichodnym posedźenju móhł wokrjesny sejmik wo tym wothłosować.
Jacke Schwarz ma nowy album
Berlin. „Po puću“ rěka nowy album hudźbnika Jacke Schwarz, kotryž wón minjeny kónc tydźenja z koncertomaj w Berlinje a we Wóstrowcu premjernje předstaji. Zynkonošak wopřijima dohromady 15 spěwow z tekstami w delnjo- a hornjoserbšćinje kaž tež němčinje. Winylowa tačel je online pola labela Tomatenplatten na předań, nimale połojca limitowaneho nakłada je hižo rozebrana.
Škoda Auto wopušći Chinu
