Jednaćel Hornjołužiskeje žiwjenskeje a swójbneje pomocy Jurij ...
Krótkopowěsće (15.01.26)
Přistajeni Rhenus stawkowali
Kamjenc. Sobudźěłaćerjo zawoda za logistiku Rhenus w Kamjencu su wčera stawkowali. Hladajo na tarifowe jednanja spytachu z tym čisć na dźěłodawarja wukonjeć. Dźensa je přichodny termin jednanjow. Předewšěm sej dźěłaćerjo w Kamjencu žadaja, zo dóstanu samsnu mzdu kaž přistajeni stejnišća w Kamjenicy. Rhenus dźěła w Kamjencu za Accumotive.
Wutwar železnicy zanjechaja
Berlin. Ani jenički z projektow za wutwar železniskich čarow w sakskej Łužicy njebudźe w lěće 2038 wotzamknjeny, hdyž so wudobywanje brunicy a z tym změna strukturow skónčitej. Tole kritizowaše zapósłanča Lěwicy Caren Lay na zakładźe wotmołwy zwjazkoweho knježerstwa na naprašowanje Lěwicy. To potrjechi tež elektrifikaciju mjez Drježdźanami a Zhorjelcom a Kamjencom a Hóznju (Hosena).
Wjace mzdy za wučerjow?
Nowy kurs za započatkarjow
Moderna praksa w torožu
Zubna lěkarka Evelyn Stübner-Patzig do ródneje wsy so nawróćiła
Bart (UM/SN). Spočatk tydźenja je zubna lěkarka Evelyn Stübner-Patzig w Barće w Malešanskej gmejnje zubnolěkarsku praksu wotewrěła. 37lětna rodźena Barćanka je sej z tym wjelelětny són spjelniła. „Sym sej hižo stajnje přała, zo móžu tu w swojej domiznje zubnolěkarsku praksu na wsy wjesć“, Evelyn Stübner-Patzig powěda.
Jeje puć hač k swójskej praksy bě dołhi a je so z praktikami pola jeje ćety, zubneje lěkarki Sylvije Michel, w Barće započał. „Na powołanju zubneje lěkarki je mje stajnje hižo wuski zwisk mjez medicinu a rjemjesłom fascinował“, Barćanka wuswětla. Jeje swójba, kotraž wuchadźa ze Stübnerec blidarskeje swójby, je hižo wjele generacijow w Barće zakorjenjena. Najprjedy je Evelyn Stübner-Patzig w praksy swojeje ćety powołanje zubnolěkarskeje fachoweje přistajeneje nawuknyła. Swój són, sama jako lěkarka skutkować, pak ženje spušćiła njeje. Tuž je w Greifswaldźe při Baltiskim morju zubnu medicinu studowała.
Stawizny na jewišću jimali
Ćisk. Ludźo, kotřiž za zbožownym přichodom a wosobinskej swobodu pytaja, wjele rizikow na so bjeru. To dožiwjamy dźensa a tak bě tež hižo w lěće 1854. Nimale 600 Serbow je tehdy pod nawodom fararja Jana Kiliana z płachtakom „Ben Nevis“ do Ameriki wupućowało a w Texasu wjes Serbin załožiło.
W kruchu „Won do swěta“ je režiserka Ester Undisz z Budyskim Němsko-Serbskim ludowym dźiwadłom na jara nazorne wašnje stawizny tohole wupućowanja, kiž bě z wjele woporami zwjazane, inscenowała. Wosebje jima scena w nocy na howrjacym morju. Tež wopytowarjam, kotřiž serbšćinu njewobknježa, skićeše simultany přełožk přez słuchatka wulkotne dožiwjenje.
Na zwjazkowej dróze B 156 je so wčera rano w Lěskej w Malešanskej ...
Powabne zetkawanišćo po swjatoku
Krótkopowěsće (14.01.26)
Dźěło parlamenta zeznać
Budyšin. Kathrin Michel, łužiska zapósłanča SPD w zwjazkowym sejmje, přeprošuje młodostnych, ju w tydźenju wot 15. do 20 měrca při jeje parlamentariskim dźěle w Berlinje přewodźeć. Za hospitaciski tydźeń móža so zajimowani zastupjerjo młodźinskich zwjazkow hač do 18. januara z mejlku na přizjewić.
Kamjenjak mjez spěchowanymi
Drježdźany. Kulturna załožba Sakska chce sydom projektow we wjesnych kónčinach podpěrać. Za to staji dohromady 250 000 eurow k dispoziciji, kiž maja w běhu třoch lět dóstać. Z tym chce załožba jich wjelelětny angažement spěchować a jim móžnosć dać, so dale wuwić. Nad spěchowanjom wjeseli so mjez dr. Njebjelčanske towarstwo Kamjenjak, kiž chce wuměłske formaty z němsko-serbskim kulturnym dźěłom zwjazać.
Najstarša karta Čěskeje zapisana
Wjesołe žiwjenje na kupowym haće
Ptački picować wobradźa rjane zymske dožiwjenje
Hladajo na jich zežiwjenje so ptački rozeznawaja: Jedne lubuja mjechku picu, tamne žeru skerje zornjatka. Na to skedźbnja přirodowa centrala Budyskeho wokrjesa. Žrački mjechkeje picy spóznaješ na jich pysku. Tón je wuski a kónčkojty kaž pinceta. Kós, škórc, ročk, zynčica (Heckenbraunelle) a kralik (Zaunkönig) su typiscy zastupjerjo tuteje skupiny. Wone žeru insekty, symješka a płody. Swoju picy pytaja najradšo na zemi. Jako pica do ptačeje chěžki hodźa so za nje najlěpje rózynki, jabłuka, krušwy a druhi čerstwy sad kaž tež wowsne tružki a wotruby (Kleie).
Sykorki, dypornaki a pikotački (Kleiber) su nastupajo picu fleksibelniše. W zymje su wone tež ze zornjatkami słónčneje róže abo maka spokojom a so wjesela, hdyž su tute z tukom změšane. To spožča jim w zymskim času přidatnu energiju.
Ptački, kotrež přewažnje zornjatka žeru, maja tołsty, sylny a zwjetša třiróžkaty pysk. K nim słušatej zyba (Sperling) a sknadźik (Ammer). Dobra zymska pica za nje su předewšěm zornjatka słónčneje róže.
