Zahraje na pjećorakich pišćelach
Budyšin. Pod hesłom „Ein Dom – Fünf Orgeln“ prezentuje cyrkwinskohudźbny direktor Michael Vetter jutře, srjedu, wubrane twórby mjez druhim Girolama Frescobaldija, Johanna Sebastiana Bacha, Jehana Alaina a Franza Liszta w Budyskej cyrkwi swj. Pětra. Wosebitosć koncerta je, zo zahraje Vetter na wšitkich pišćelach Božeho domu – dohromady je jich mjeztym pjeć. Rozdźělne zwukowe kajkosće spřistupnja organist z pomocu wariacijow na samsny tema. Zarjadowanje wotměje so we wobłuku Budyskeho pišćeloweho lěća a započnje so w 19.30 hodź. Zastup je darmotny, zarjadowacy Cyrkwinskohudźbny skutk Budyšin pak šćedriwe dary njewotpokazuje. Přichodnu srjedu je James Short z Dublina z hosćom rjadu, prjedy hač jón Michael Vetter po zwučenym wašnju němy film live přewodźejo pjatk, 29. awgusta, zakónči.
Předstaji zwukowe dokumenty
Policija (19.08.25)
60lětny ćežce znjezbožił
Hamor. 60lětny šofer je ze swojim awtom typa VW Golf na zwjazkowej dróze B 156 wutoru rano ćežce znjezbožił. Blisko Hamora je wón njejapcy na prawu kromu chódnika zajěł, so nastróžił a kontrolu nad swojim jězdźidłom zhubił. Poměrnje spěšnje je do lěsa na prawym boku jězdneje wujěł, do štoma zrazył a so z awtom přećisnył. Dohromady 20 čłonow wohnjoweje wobory je z pomocu ćežkeje techniki, w awće zatłusnjeneho šofera wuswobodźiło. Helikopter je jeho do chorownje dowjezł. Wěcna škoda wučinja po informacijach policije 23 000 eurow.
Kóždy wobornik je wažny
Zo bychu so ludźo před wohenjemi škitali, su před něhdźe połdra lětstotkom tež w Hornjej Łužicy wohnjowe wobory załožeć započeli. W našej lětnjej seriji chcemy někotre z nich předstajić a jich stawizny rozłožić. (15)
„Ručna pryskawa w Hermanecach pochadźa z lěta 1873. Tamniše ryćerkubło je ju při hašenju zasadźiło. Najskerje hižo do toho a po tym hač do lěta 1934 běchu wobsedźerjo ryćerkubła za wohnjoškit zamołwići“, měni Daniel Zieger. 39lětny je wot 2007 nawoda dobrowólneje wohnjoweje wobory Hermanecy-Wysoka. W aprylu 1934 je ju 18 kameradow załožiło. Posledni nastork bě woheń w młynje.
Poradźeny comeback
Po pjećlětnej přestawce zaso zhromadny swjedźeń wotměli
Worklecy (MČu/SN). Na ležownosći Dubawic swójby – na městnje prěnjeho statoka sydlišća, kotrež Worklečenjo lubosćiwje „Nulik“ mjenuja, zeńdźe so minjeny pjatk wjace hač sto wobydlerjow štwórće, mjez nimi tež něhdźe 33 dźěći. Zo wone wostudu pasć njetrjebachu, to zaručichu organizatorojo swjedźenja z dwěmaj skakanskimaj hrodźikomaj a wulkim poolom. Hladajo na wysoke temperatury mějachu najmjeńši tak swoje wochłódźenje a wulke wjeselo. Wobydlerjo Nulika sami postarachu so na wšelakich kioskach wo derjeměće wopytowarjow a mějachu zymne napoje kaž tež słódne jědźe na poskitk.
Wosebity highlight dnja běše předstajenje historiskeho filma wo Nulikowym swjedźenju před dokładnje 30 lětami. Wón pohnu někotrehožkuli Worklečana k posměwkej a k dopominanju.
Slepi njetrjebaja so bojeć, zo maja psa dla płaćić
Drježdźany (SN/MiR). Psy pomhaja slepym a špatnje widźacym wšědny dźeń zmištrować. Wóčny lěkar ma pacientej z receptom wobkrućić, zo špatnje widźi. Potom móže so na woči schorjeny wo zwěrjećeho pomocnika a financowanje wudawkow za psa prócować.
Krótkopowěsće (19.08.25)
Prawdźepodobnje bě to njezbožo
Łaz. Mortwy 13lětny hólčec z Čěskeje, kotrehož je policija minjeny tydźeń při kolijach pola Łaza namakała je prawdźepodobnje wopor njezboža. Dotal njeje žanych pokazkow na njeskutk, policija zdźěli. Přepytowanja pak njejsu hišće zakónčene. Teenager z Čěskeje bě so z campingownišća při Slěbornym jězoru pola Łaza zhubił. Njejasne je, čehodla je wón campingownišćo wopušćił.
Zastaranje jara dobre
Zły Komorow. Braniborska ministerka za strowotu Britta Müller (njestronjanka) je wčera powětrowu wuchowansku staciju ADAC w Złym Komorowje wopytała. Wottam móža wuchowanscy pomocnicy w běhu dwaceći mjeńšinow kóždu městnosć we Łužicy docpěć. Ministerka wčera zwěsći, zo je zastaranje ludnosće w nuzowym padźe w regionje na jara dobrym niwowje. Na staciji z 60 sobudźěłaćerjemi stejitej dwaj helikopteraj k dispoziciji.
Z roboterom operować
Policija (18.08.25)
Lěs blisko Wojerec so wospjet palił
Wojerecy. Sobotu dopołdnja a popołdnju mějachu wohnjowi wobornicy wospjet lěs blisko Ćiska bjezposrědnje při zwjazkowej dróze B96 hašeć. Nichtó so zranił njeje. Policija je přepytowanja njekedźbliweho zapalerstwa dla zahajiła.
Za jězbu so přizjewić
Koncertuja k njewšědnemu jubilejej
Nowe Město (JoS/SN). Wosebity jubilej woswjeća njedźelu, 24. awgusta, w hosćencu „Hamor“ w Nowym Měsće, wjesnym dźělu gmejny Šprjewiny Doł. Před 300 lětami dósta hosćenc prawo piwo warić a předawać. Při tutej składnosći přeprošuja za tydźeń na dujersku hudźbu z orchestrom „Łužiska brunica“, na samopječeny tykanc a kofej kaž tež na zymne napoje.
Hosćenc „Hamor“ je wot lěta 1658 přeco swójba wobhospodarjała. Wotpowědny zapisk namaka so w krajnych wizitaciskich aktach Sakskeje. Prěni korčmar bě wěsty Adam Jäckel. Wón bě předchadnik dźensnišeje korčmarjec swójby. Bywše pomjenowanje „Jäckelsche Schänke“ drje so na njeho poćahuje. Před 30 lětami pisaše wobydlerka Noweho Města Hanne-Lora Krawcowa wjesnu chroniku. Wona je tehdy w mnohich archiwach a bibliotekach za stawizniskimi zapiskami slědźiła. W starej ležownostnej knize namaka při tym zapisk z lěta 1725, zo smě so w hosćencu piwo předawać. Wo tym drje je hibićiwa chronistka korčmarjec swójbu informowała, za swoju chroniku pak so z tutym dźělom wjesnych stawiznow dale zaběrała njeje. Čehodla, to bohužel znate njeje.
