Krótkopowěsće (27.04.26)
Znapřećiwja wólbnemu wuslědkej
Baršć. Z 51,5 proc. hłosow bu kandidat CDU Martin Heusler 22. měrca we wokrjesu Sprjewja-Nysa za krajneho radu wuzwoleny. Kandidatka AfD Christine Beyer jemu z 48,5 proc. snadnje podleža. Na tym strona AfD dwěluje a sej přepruwowanje žada. Po wuličenju hłosow we wólbnych lokalach je Bayer prědku ležała. Hakle po wuličenju wólbnych lisćikow, kiž běchu z póštu dóšli, so dobyćer změni.
Peticija z wulkim wothłosom
Kamjenc. Peticiju přećiwo zawrjenju kliniki za gynekologiju a porodnu pomoc chorownje swj. Jana w Kamjencu je do dźensnišeho připołdnja něhdźe 17 500 ludźi podpisało. Krótko po wozjewjenju rozsuda jednaćelstwa chorownje minjeny štwórtk su zběranje podpismow na platformje change.org zahajili. Tež Kamjenski wyši měšćanosta Michael Preuß (njestronjan) akciju podpěruje.
Etat w srjedźišću klawsury
Lětadło na polu znjezbožiło
Hudźa na dobro šule
Budyšin. Beneficny koncert wotměje so njedźelu, 26. apryla, w 16 hodź. w Budyskej cyrkwi Marje a Marty. Dobytk budźe na dobro spěchowanskeho towarstwa wokrjesneje hudźbnje šule. Michael Vetter hraje na pišćelach twórby Bacha, Bartholdyja a dalšich komponistow. Dale zahudźa instrumentalisća a smyčkowy kwartet. Zastup je darmotny, organizatorojo proša wo wulkomyslne dary.
Za pruwowanje so přizjewić
Budyšin. Wuknjacy serbšćiny, kotřiž chcedźa certifikowanske pruwowanje za hornjoserbšćinu po zhromadnym europskim referencnym ramiku za rěče na niwowach A1, B1 abo C1 złožić, njech přizjewja so hač do 20. meje 2026 w Rěčnym centrumje WITAJ abo na . Na tutej internetnej stronje su tež mustrowe pruwowanske nadawki za jednotliwe schodźenki wozjewjene. Pruwowanja wotměja so 19. a 20. junija 2026 w Budyšinje. RCW nimo toho zdźěli, zo je 5. september 2026 nowy pruwowanski termin za schodźenk B2.
Seniorojo škotuja
Póda w srjedźišću wikow
Wuhotuja mejemjetanje
Serbski nałožk ma so w měsće z tradiciju stać
Budyšin (js/SN). Serbski nałožk mejemjetanja ma w přichodźe kruty wobstatk Budyskeho měšćanskeho žiwjenja być. Tole je zaměr towarstwa Škit Budyšin z.t., kotrež chce je lětsa prěni króć w swojej zamołwitosći wuhotować. Jeho čłonam njeńdźe jenož wo to, lětstotki staru tradiciju zachować, skerje chcedźa ju w měsće zaso widźomnu sčinić. Dźensniša a tež přichodne generacije maja swjedźeń, kiž je mjez Serbami jara woblubowany, dožiwić móc. Zhromadnje z młodostnymi, kotřiž so lětsa na firmowanje přihotuja kaž tež z dalšimi zajimowanymi chce towarstwo nałožk wožiwić. Krok po kroku ma so wón jako kruty wobstatk kulturneho žiwjenja w měsće zakótwić.
Sadźenki trjebaja wosebity škit
Štóž je so minjeny čas po kćějacym Łazkowskim lěsu wuchodźował, je tam sta podołhojtych plastowych škitačkow wuhladał, kotrež sadźenki štomikow wobdawaja.
Łazk (SN/MWj). Łazkowski lěs je wokoło jutrow wjele ludźi přiwabił, kiž su tam kćějaty podlěsk wobdźiwali. Něchtóžkuli je so při tym snano prašał, što drje maja swětłe podołhojte plastowe štyriróžki woznamjenjeć, kotrež tam we wulkej ličbje wuhladaš. Wone škitaja sadźenki dubow, kotrež dyrbja tam něhdy narosć, rozłoži rewěrowy hajnik klóštra Marijina hwězda Guido Budar.
Nic jenož wobsedźerjo mopedow a awtow samsneje družiny so hdys a ...
Wysoka ličba dobyćerjow
Krótkopowěsće (24.04.26)
FUEN w Berlinje so zešła
Berlin. Zastupjerjo FUEN su so wčera w Berlinje zetkali, zo bychu wo problemach mjeńšinow diskutowali. Prioritu zeńdźenja mějachu prawa narodnych mjeńšin, kotrež měli so w přichodźe po cyłej Europje zawěsćić. Dale žadachu sej podpěru nastupajo njedótkliwosć mjeńšinowych strukturow. Tole wobrěčachu při parlamentariskej snědani, na kotrejž so mjez druhim předsyda Domowiny Dawid Statnik wobdźěli.
Verdi za dialog
Drježdźany. Dźěłarnistwo Verdi so dale wo dialog w tarifowym konflikće zjawneho bliskowobchada w Sakskej prócuje. Hač do 12. meje, hdyž zahaji so přichodne koło jednanjow z dźěłodawarjemi, bě Verdi štyri terminy za sonděrowanje namjetowała. Wot strony dźěłodawarjow sej dźěłarnistwo žada, zo tute terminy za konstruktiwne namjety wužiwa.
Nowy skład wotewrěli
Sprjewnik, lutki a Karasek
Drježdźanska lijernja zhotowja figury za Budysku šćežku bajow
Drježdźany/Budyšin (CS/SN). 26. junija chcedźa w Budyšinje šćežku bajow wotewrić. Přikład za tónle projekt su figury palčikow w pólskim Wrócławju, kotrež su pola turistow jara woblubowane. Nětko ma sprjewine město podobny magnet za wopytowarjow dóstać. Hdźe šćežka dokładnje powjedźe, ma hišće małe potajnstwo wostać. Jasne pak hižo je, zo nasta dźewjeć bronzowych figurow a připrawja dźesać taflow z rozjasnjenjemi w serbšćinje a němčinje a w pismje za slepych kaž tež z QR-codami. Dźesać taflow a jenož dźewjeć figurow tohodla, dokelž ryćerja Dučmana na studni na Hłownym torhošću sobu zapřijeja.
