Na pominjene wjeski dopominali
Tež w Radworju běše minjeny kónc tydźenja tak daloko. Tu swjećachu kermušu. W tamnišim hosćencu „Meja“ je sobotu žónski ansambl Jarobinka nazymski koncert wuhotował.
Radwor (SN/VaŽ). Z Hornjeje Łužicy pochadźace spěwarki projektoweho chóra maja wuwzaćnje pěsnje w delnjoserbskej a w Slepjanskej rěči w swojim programje pod titulom „Spěwy z brunicowych kónčin“.
Chór chce na serbske wsy dopominać, kotrež su so wudobywanja brunicy dla zhubili. Z pozhubjenjom tutych wjeskow je so tež čwak rěče a kultury zhubił, wosebje tež spěwow, naspomni nawodnica chóra Walburga Wałdźic. Žónski chór chce spěwy zaso wožiwić a šěršej zjawnosći spřistupnić, wšako mnohe z nich we Łužicy lědma hišće znate su.
Minjenu sobotu popołdnju je předsydstwo Maćicy Serbskeje na dr. ...
Krótkopowěsće (18.11.24)
Jednotliwe městna swobodne
Budyšin. Za program „DOMOJ“ – intensiwny kurs serbšćiny w dźewjeć měsacach – su hišće jednotliwe městna swobodne. Kurs wotměje so wot apryla do decembra 2025 na Krabatowym Nowym wudworju we Wulkich Zdźarach. Informacije a požadanski formular su na webstronje wozjewjene.
Na wopory spominali
Budyšin. Z wopomnjenskimi zarjadowanjemi su ludźo na wčerawšim ludowym žarowanskim dnju na mnohich městnach we Łužicy na wopory wójny. Tak połožichu woni při sowjetskim čestnym pomniku w Złym Komorowje a w Narću wěncy. Na pohrjebnišću w Lipinach modlachu so wěriwi za zemrětych a za měr. W Smječkecach je wohnjowa wobora na Elsu Brandström spominała.
Minister w Ukrainje a Pólskej
Koncert a kermušne reje
Radwor. W rjedźe lětušich nazymskich koncertow wustupi jutře, sobotu, w Radworskim hosćencu „Meja“ žónski ansambl Jarobinka. Započatk budźe w 19 hodź. Organizatorojo wjesela so nad bohatym wobdźělenjom. Koncertej přizamknu so kermušne reje.
Inženjer we wustajeńcy
Hórnikecy. Twarski inženjer Eberhard Dučman steji w srjedźišću wustajeńcy „Mjez łužiskim drjewowym twarskim wuměłstwom a industrijnym twarjenjom“ w Hórnikečanskej energijowej fabrice. Přehladku wotewru njedźelu, 17. nowembra, w 11 hodź. Na šěsć stacijach je skutkowanje Dučmana dokumentowane, wot jeho němsko-serbskeje swójby přez studij w Praze hač k jeho nowym technologijam za industrijne twarjenja a bydlenjotwar. Wustajeńca je wěnowana 20. posmjertninam a 100. narodninam inženjera, wysokošulskeho wučerja a łužiskeho pomnikoškitarja. Zastup je darmotny.
Radźićeljo wuradźuja
Hwězdy so w parku frinkolili
Policija (15.11.24)
Rubježniscy hońtwjerjo zachadźeli
Radwor/Lipič. Surowy pad rubježniskeho hońtwjerjenja su policisća srjedu w nocy při hatach w Lipiču, wjesnym dźělu Radworskeje gmejny zwěsćili. Njeznaći běchu tam z třělbu wjacore kołpje zatřělili a jim dźěle mjasa wotkrali. Zbytki morjenych zwěrjatow pak wostajichu prosće na městnje ležo. Po dotalnych dopóznaćach je so njeskutk w času wot srjedy w połnocy hač do připołdnja w 12 hodź. stał. Budyska kriminalna słužba je přepytowanja rubježniskeho hońtwjerjenja kaž tež přeńdźenja přećiwo zakonjej wo škiće zwěriny dla zahajiła a prosy ludnosć wo pomoc. Swědkojo, kotřiž maja pokiwy nastupajo móžnych skućićelow abo podawki, njech so na Budyskim policajskim rewěrje pod telefonowym čisłom 03591 3560 abo na kóždym druhim policajskim rewěrje přizjewja.
Witaja na „dorioù digor“
Na Serbskim gymnaziju informuja wutoru wobšěrnje wo Bretonach
Budyšin (SN/MiP). Wučerjo a šulerjo Budyskeho Serbskeho gymnazija maja w tutych dnjach ruce połne dźěła, dokelž hižo přichodnu wutoru zaso tak daloko je: Dźeń wotewrjenych duri.
Yvonne Bulišowa, wučerka francošćiny na gymnaziju, kotraž je zdobom za pěstowanje stykow k partnerskej šuli w Bretoniskej zamołwita, je sej ze swojimi šulerjemi za tutón dźeń wosebity poskitk přemysliła. Pod hesłom „dorioù digor“, štož rěka „wotewrjene durje“ w bretonšćinje, změja cyłu stwu z informacijemi najwšelakorišeho razu wo bretoniskej kulturje wuhotowanu, kotrež su sej w mjezsobnej wuměnje „nazběrali“.
Znaty-njeznaty Židow předstajił
Budyšin (CS/SN). Dźensa je Židow cyle samozrozumliwje dźěl Budyšina. Tola jenož mało ludźi wě, zo bu něhdy samostatna wjes hakle před 102 lětami zagmejnowana. Awtor Wolfgang Eggerth, kiž bydli dźensa blisko Žitawy, wobhladuje Budyšin přeco hišće jako swoju domiznu. Narodźeny 1955 chodźeše na tamnišu Serbsku polytechnisku wyšu šulu. Dwaj jeho tehdyšej towaršej staj wčerawše předstajenje knihi „Die Seidau – Von der Gemeinde zum Stadtteil“ w Krječmarjec kniharni wopytałoj, mjez nimaj wuhotowar knihi Handrij Bjeńš.
Dny bywšeje swěčkarnje w Róžeńće su ličene. Twarski kompleks ...
Krótkopowěsće (15.11.24)
Mósćanska firma nominowana
Podstupim. Za lětuše Braniborske myto přichoda bu dohromady dwanaće předewzaćow nominowanych. Mjez kandidatami je firma ERIDES z Mósta. Zawod zhotowja meble za běrowy, hotele a hladanske domy regiona. Mějićel Martin Gründer je jón „na přichod nastajił, digitalizaciju procesow nastorčił a dźiwa kruće na naslědnosć“. Dobyćerjow prezentuja 22. nowembra w Berlinje.
Za muzeje a domizniske stwy
Budyšin. Dalekubłanje za akterow muzejow a domizniskich stwow wotměje ZARI, syć za serbsku rěč a regionalnu identitu, štwórtk, 28. nowembra w Stróžanskim Domje tysac hatow. Přizjewić móža so zajimcy hač do 22. nowembra pod (03591) 3163853. Na programje steja wodźenje po šulskim muzeju, prezentacija woprašowanja a referat zastupjerja iniciatiwy „Łužiska muzejowa krajina“.
Čěska pyta lawa
