Znowa awtomat wopor njeznatych
Swjedźeń a zelowa njedźela naraz
Pančicy-Kukow (SN/MWj). Pod kmótřistwom abatisy Gabriele Hesse a krajneho rady Udo Wićaza (CDU) wotmějetej so njedźelu, 17. awgusta 2025, klóšterski a swójbny swjedźeń Budyskeho wokrjesa a zelowa njedźela hromadźe w klóštrje Marijinej hwězdźe w Pančicach-Kukowje. Mjeztym zo běštej w zašłych lětach wobaj podawkaj na rozdźělnymaj terminomaj, su jej organizatorojo lětsa na samsnu njedźelu połožili. Přiwšěm chcedźa klóšter Marijina hwězda, Budyski wokrjes, gmejna Pančicy-Kukow, Křesćansko-socialny kubłanski skutk (CSB) a Sakski kuratorij za wjesnu kónčinu (SLK) jako wuhotowarjo wopytowarjow tež klětu z wosebitymi wjerškami zawjeselić. Tohodla woni towarstwa, kulturne cyłki, wikowarjow a dalšich zajimcow namołwjeja, so za wobdźělenje na klóšterskim swjedźenju požadać.
Matteo Hórnik hosći zahorił
Na sinfoniskim koncerće SLA mjez druhim serbski solowy gitarist wustupił
Budyšin (CRM/SN). Faworit publikuma dosć derje wopytaneho 2. sinfoniskeho koncerta Serbskeho ludoweho ansambla minjeny štwórtk na žurli Němsko-Serbskeho ludoweho dźiwadła běše bjezdwěla młody serbski solowy gitarist Matteo Hórnik. Tola tež w Serbach derje znata pianistka a komponistka Liana Bertók zdoby sej ze swojej sinfoniskej nowostku znowa wulki respekt kaž tež wjele připóznaća a přichilnosće. Zakónčeny bu koncert z woblubowanej sinfoniju čo. 2 finskeho načolneho sinfonikarja Jeana Sibeliusa.
Dźěćatko Kulturnu fabriku wopytało
Wojerecy (KD/SN). Wyši měšćanosta Torsten Ruban-Zeh, wjerchowka Katharina von Teschen a jednaćel Łužiskeje hale Dirk Rolka su pjatk nawječor Wojerowske adwentne wiki w tamnišim starym měsće oficialnje wotewrili. Tež Wojerowske dźěćatko je ze swojimaj přewodźerkomaj wiki w swojej pyšnej drasće wopytało a so hosći z pisanym prućikom dótkało. Na tute wašnje posrědkuje jim strowotu a zbožo do přichodneho lěta.
Šulerka Emma z Choćebuza je ze swojej wowku wosebje dźěćatka dla na wiki do Wojerec přijěła. Chce tute „potajnostne stworjenje“ rady jónu cyle zbliska dožiwić. Sydomlětna wuknje na zakładnej šuli serbsce a je so za wopyt prěni raz narodnu drastu přewodźerkow dźěćatka woblekła.
Hač do 22 hodź. su so minjenu sobotu w Chróšćanskej ...
Krótkopowěsće (17.12.24)
Za wjace sporta w pěstowarnjach
Budyšin/Miłoćicy. Budyski wokrjesny sportowy zwjazk a Křesćansko-socialny kubłanski skutk (CSB) ze sydłom w Miłoćicach stej kooperaciske zrěčenje podpisałoj. Jimaj dźe wo to, sport a pohib w kubłanišćach spěchować. K tomu słušeja sportowe zarjadowanja a kursy za pedagogiski personal. CSB wobhospodarja mjez Wojerecami a Pančicami-Kukowom dohromady dźesać pěstowarnjow.
Přihoty za festiwal po planje
Hochoza. Posedźenje přihotowanskeho wuběrka Domowiny za 15. mjezynarodny folklorny festiwal Łužica wčera w Hochozy je wujewiło, zo su tamniši partnerojo třěšnemu zwjazkej nadal poboku. Jeničce dwór bywšeho wjesnjanosty Fryca Wojta njeje „strowotnych přičin dla“ klětu pódla. Tuchwilu pytaja za alternatiwu, maja pak „hižo nuzowu wariantu“, kaž Pětr Brězan z wuběrka wuzběhny.
Hospodu škitać?
Z adwentnym programom zawjeselili
Dźěćatko na hodowničce zetkali
Wjacławske wiki wopytali
Budyšin (SN). Sakscy managerojo za nutřkowne města kaž tež zamołwići za měšćanski marketing su so minjenu póndźelu w Budyšinje na wuměnu nazhonjenjow zešli. Přeprosył běše Sakske zwjazkowe zjednoćenstwo za měšćanski marketing (BCSD) zhromadnje z Budyskim měšćanskim zarjadom. Město Budyšin je hakle wot lońšeho z čłonom zwjazka. Po tym zo je město loni wuspěšnje management nutřkowneho města etablěrował, chce wone přichodne lěto měšćanski marketing znowa wusměrić.
Policija (16.12.24)
Awtomat rozbuchnyli
Lutobč. Wulki wrjeskot je w nocy na njedźelu wobydlerjow w Lutobču ze spara torhnył. Něhdźe w 1.30 hodź. su njeznaći při twarjenju na Parkowej cigaretowy awtomat rozbuchnyli. Z kotrym srědkom su to činili, policija dotal wuslědźiła njeje. Při detonaciji je so bliski płót wobškodźił. Wěcnu škodu trochuja na 5 000 eurow. Hač su paduši cigarety abo pjenjezy pokradnyli a jeli haj kelko, dotal znate njeje. Tole je nětko wobstatk přepytowanjow, kotrež je kriminalna słužba Budyskeho policajskeho rewěra přewzała.
