Krótkopowěsće (12.12.24)
Na uniwersiće čitał
Drježdźany. W Drježdźanach zetkachu so wčera wječor předewšěm młodźi Serbja, zo bychu knihu „Znowa namakany přećel“ zeznali. Podpěrałoj stej zarjadowanje Zwjazk serbskich wuměłcow a Institut za slawistiku Drježdźanskeje Techniskeje uniwersity. Z knihi čitał je Enrico Hanke, jemu poboku bě wudawaćelka Lubina Hajduk-Veljkovićowa. Tomu přizamkny so rozmołwa.
„Sorbisch? Na klar“ přepytali
Drježdźany. Přirada kampanje „Sorbisch? Na klar.“ je so wčera w Drježdźanach zešła. Woni su so z ewaluaciju hladajo na skutkownosć kampanje zaběrali. Zwjeselace je, zo mjeztym wjac hač połojca wobydlerjow serbskeho sydlenskeho ruma „Sorbisch? Na klar.“ znaje – to je wuslědk naprašowanja eksterneje agentury. Kampanja je akceptancu serbšćiny w zjawnosći polěpšowała.
Móst bórze zaso wotewrjeny
Policija (11.12.24)
Na křižowanišću do pěška zrazył
Kamjenc. Póndźelu nawječor je na křižowanišću při Wojerowskej dróze w Kamjencu 59lětny šofer dróhu přeprěčaceho pěška přewidźał, jako chcyše ze swojim awtom nalěwo wotbočić. Při zražce bu 43lětny pěšk ćežko zranjeny. Wuchowanska mediciniska słužba jeho do chorownje dowjeze. Wěcowna škoda wučinja 500 eurow.
Poprjančki z dźěćimi wozdebili
Žane rozsudy, ale wěcowny dialog mjez radźićelemi
Pućujetaj po serbskej hudźbje
Budyšin. Pod hesłom „Pućowanja po hudźbnym swěće Serbow“ wuhotujetaj huslerjej Malte Hübner a Holm Birkholz sobotu, 14. decembra, w 19 hodź. koncert na žurli Budyskeho Serbskeho muzeja. W programje su „twórby klasiskich/romantiskich serbskich komponistow kaž tež jich „naslědnikow“ a swójske přinoški Hübnera, Birkholza a Petera Manfreda Wolfa.
Kantina přećehnje
Wojerecy. Kantina na Wojerowskim industrijnišću poskićuje zajutřišim posledni raz snědań a wobjed. Potom přećehnje na nowu městnosć do Łužiskeje kupjele. Wot 6. januara 2025 potom tam hłódnych hosći wita.
Zazběh adwenta w awli gymnazija
Budyšin (CRM/SN). Posledni koncert tutoho lěta na awli Schilleroweho gymnazija wuhotowachu sobotu do prěnjeje adwentneje njedźele jako přihot na hody. Bywši wjelelětny a zdobom renoměrowany organist, naš krajan Tomaš Žur z Baćonja, běše solist hodźinskeho koncerta. Wón dźěłaše dołho we hłownej katolskej cyrkwi w stolicy Němskeje a z tym tež cyłeho kraja, w katedrali swjateje Jadwigi w Berlinje. Na zarjadowanje powita jeho zasłužbna hudźbna pedagogowka Margitta Luttner.
Wospjet wobzamknjenje cofnyli
Wotpokazanje natwara wětrnikow we Łazu prawnisce problematiske
Łaz (AK/SN). Łazowska gmejnska rada zhladuje na zdobywanje energije z wětra dale kritisce. Wona je so přećiwo zasadnemu wobzamknjenju postajenja dohromady pjeć wětrnikow wuprajiła. Na swojim posedźenju wutoru wječor je 14 zapósłancow za zběhnjene wobzamknjenja hłosowało. Wjesnjanosta Thomas Leberecht (CDU) a radźićel Hagen Aust (CDU) hłosowaštaj přećiwo zběhnjenju. Po nowemberskim posedźenju je Łazowska gmejnska rada z tym zasadne wobzamknjenje wospjet cofnyła. Wobmyslenja a dwěle wobydlerjow su přewulke, napohlad jara wysokich připrawow wosrjedź lěsa njeje hladajo na wuwiwanje turizma w gmejnje spomóžne – tak přećiwnicy argumentowachu. Mnoho ludźi ma tež wobmyslenja wuskutkow na strowotu a kaž tež na domjacu ptačinu dla.
Plahowarja wulce počesćili
Pěskecy (SN/MWj). Swój dotal najwjetši wuspěch jako plahowar rasowych nuklow je minjeny kónc tydźenja Achim Weclich z Pěskec na 15. sakskej krajnej přehladce w Lipsku docpěł. Na njej je so wón z dwěmaj skupinomaj po štyrjoch zwěrjatach dołhowłosatych liškow wobdźělił. Jedna z jeho skupin docpě 387 dypkow, čehoždla sej Pěskečan štwórte městno cyłkowneho hódnoćenja wudoby. Dokelž dohromady šěsć plaketow sakskeho ratarskeho ministerstwa přepodachu, přijimaše Achim Weclich bronzowu. Nimo toho wudoby sej wón w Lipsku mjeztym hižo pjaty raz titul sakskeho mištra a z tym rjany pokal. Cyłkownje bě w Lipsku 4 700 skoćatow w 1 175 skupinach wustajenych. Zo je Achim Weclich tu štwórte městno wobsadźił, je wuspěch, kaž jón dotal hišće žadyn serbski plahowar nuklow docpěł njeje.
Wot 30. nowembra sem su někotre krasnje wobswětlene historiske ...
Krótkopowěsće (11.12.24)
Přećiwo ekstremizmej a rasizmej
Budyšin. Wučomnicy Budyskeho wokrjesa móža so hač dosrjedź januara wo „žołtu ruku“ požadać. Je to wubědźowanje přećiwo prawicarskemu ekstremizmej a rasizmej na dźěłowym městnje a zwonka njeho. Dźěłarnistwo IG twarstwo-agrar-wobswět pyta projekty, kotrež so kreatiwnje za wjace tolerancy a přećiwo diskriminaciji zasadźeja. Najkreatiwnišej ideji kiwa 1 000 eurow.
Rektor je dowěru senata zhubił
Rózbork. Senat policajskeje fachoweje wyšeje šule Rózbork je wčera z trěbnej dwutřećinowej wjetšinu za wotsadźenje amtěrowaceho rektora šule hłosował. Nětko rozsudźi nutřkowne ministerstwo wo tym, hač dyrbi Dirk Benkendorf zastojnstwo wopušćić. Dwaj wysokošulskaj wučerjej wumjetowaštaj jemu njeaktiwnosć a falowacu zamóžnosć při nawjedowanju šule. Dołhož pruwowanje traje, so rektor do ministerstwa wotrjaduje.
Zaso wjace pjenjez w móšni
