Krótkopowěsće (25.07.25)
Čitanska nóc w Drježdźanach
Drježdźany. We wobłuku Dołheje čitanskeje nocy w Nowym měsće je wčera wosom awtorkow a awtorow wurězki ze swójskich powědančkow a lyriku na łuce Drježdźanskeho Japanskeho pawiljona předstajiło. Mjez druhim recitowaštaj Lilly Vostry a René Seim basnje, Benedikt Dyrlich čitaše ze swojeje zběrki „Der Tiger im Pyjama – tiger w nócnej košli“.
Trójce a dosć
Praha. Senat, to je hornja komora čěskeho parlamenta, je wo přiwótřenju prawidłow za azyl a migraciju wothłosował. Mjez druhim su postajili, zo móže so wukrajnikej, kiž w běhu jednoho lěta tři přeńdźenja skući, dowolnosć přebywanja zběhnyć. Skućićel so tež hižo wo azyl požadać njemóže. Nowela, z kotrejž reaguje na migraciski pakt Europskeje unije, chcyła proces mjezynarodneho škita pospěšić a znjewužiwanju zadźěwać.
Narunaja zakuskowe wagony
„Debrička“ chce wjes porjeńšić
Z natočenjom piwa a wjesnym wubědźowanjom zahaja jutře wjesny swjedźeń składnostnje 800. róčnicy Serbskich Pazlic. Što ludźi wočakuje a štó swjedźeń přihotuje, wo tym je so Marian Wjeńka z předsydku wjesneho towarstwa
Debrička Elisu Nasdalinej rozmołwjał.
Knjeni Nasdalina, Serbske Pazlicy swjeća kónc tydźenja swoje 800lětne wobstaće. Je to swjedźeń jenož za wjes, kaž su jón we Wěteńcy swjećili, abo tež za druhich wopytowarjow?
E. Nasdalina: Naš wjesny swjedźeń je kóžde lěto za wšitkich, kotřiž chcedźa z nami tele dny přežiwić. Tomu je tež lětsa tak. Składnostnje jubileja smy swój program trochu wutwarili a swjećimy ze wšitkimi, kotřiž so k nam přidruža.
Što je na wašim wjesnym swjedźenju lětsa hinak hač zašłe lěta?
Stajnje mjez prěnimi byli
Zo bychu so ludźo před wohenjemi škitali, su před něhdźe połdra lětstotkom tež w Hornjej Łužicy wohnjowe wobory załožeć započeli. W našej lětnjej seriji chcemy někotre z nich předstajić a jich stawizny rozłožić. (8)
Wjacekróć wob lěto su w serbskich wsach wubědźowanja wohnjowych woborow. Nimale wšudźe wobdźěluje so mustwo wohnjoweje wobory ze Sulšec pola Kulowa. Dokelž wobstajnje pilnje zwučuja, wědźa dokładnje, hdźe swojich kameradow najlěpje zasadźuja. Tole wobkruća nawoda Sulšečanskeje wohnjoweje wobory, 35lětny hašenski mišter Aleksander Michałk. Mjeztym wón štwórte lěto tule funkciju wukonja.
Wón je so tež ze stawiznami wobory zaběrał. Załožili su cyłk w lěće 1934. Často běchu tež w Sulšecach zahubne wohenje kaž powodźenja. Tohodla trjebachu w tajkich padach wobsadku, kotraž wurjadnje ludźi wuchowa. Runje tak wažne pak bě tež škit a zachowanje skotu kaž tež materielnych wěcow. Wězo dyrbjachu mužojo tež derje woheń hašeć respektiwnje na předpisy kedźbować, zo njeby woheń scyła hakle wudyrił.
Mjeztym hižo 37. raz swjećachu minjeny kónc tydźenja při ...
Krótkopowěsće (24.07.25)
ZVON podróši jězdźenki
Budyšin. Spočatk awgusta zwyši Wobchadny zwjazk Hornja Łužica-Delnja Šleska (ZVON) płaćizny za nimale wšitke družiny jězdźenkow a to přerěznje wo sydom procentow. Podróšenje njepotrjechi tak mjenowane kubłanske tikety, jězdźenki za krótke čary a skupinske jězdźenki za šulerjow.
Jenički kandidat
Njeswačidło. Na lisćinje kandidatow za wólby Njeswačanskeho wjesnjanosty 7. septembra steji jeničke mjeno. Je to Martin Scholze ze susodneje Bóšičanskeje gmejny. Tam skutkuje wón hižo wjacore lěta z mandatom za rjemjesło Bóšicy w gmejnskej radźe. W lěće 1983 rodźeny Martin Scholze je samostatny předewzaćel.
Marka Sturma zasudźili
Adresu prošu njezabyć
Budyšin. Hnydom po wozjewjenju dowoloweje křižowki Serbskich Nowin minjeny pjatk su prěnje wuhódanja do redakcije dóšli. Při tym dyrbjachmy zwěsćić, zo někotři wotpósłarjo swoju adresu připisali njejsu. Tute dopisy při wulosowanju bohužel wobkedźbować njemóžemy. Tohodla njech wšitcy wotpósłarjo přepruwuja, hač su nam z wuhódanjom tež adresu zdźělili. Jeli nic, njech to prošu nachwataja.
Na wolejbulowy turněr
Wětrow. Wětrowski młodźinski klub přeprošuje njedźelu, 27. julija, na swój bičwolejbulowy turněr. Tam wubědźuja so mustwa z cyłeho Budyskeho wokrjesa, kaž organizatorojo připowěduja. Turněr započnje so w 10 hodź., wot 11.30 hodź. móža hrajerjo a přihladowarjo na zahrodźe kluba wobjedować a pozdźišo tež swačić. Zastup je darmotny. Na předwječoru turněra, potajkim sobotu, zahraja wot 18.30 hodź. hudźbu po słodźe wopytowarjow. Tež tam so wo napoje a jědźe staraja.
Roboter twarić wuknyć
Přihotuja so na domchowanku
Wjele towarstwow z Wojerec, wokoliny a cyłeje Sakskeje přihotuje so tuchwilu na Saksku krajnu domchowanku, kotraž so w septembrje we Wojerecach wotměje. Mjez nimi je Ćišćanska rejwanska skupina.
Ćisk (KD/SN). Kóždy druhi pjatk wječor Ćišćanska rejwanska skupina we wjesnym hosćencu „Zeleny wěnc“ zwučuje, tež w prózdninskim času. Žony a mužojo chcedźa 13. septembra na jednym z třoch jewišćow we wobłuku Sakskeje krajneje domchowanki žnjenske reje předstajić, praji čłonka předsydstwa towarstwa Gabriela Linakowa. K hudźbje dujerskeje kapały Horjany dožiwja přihladowarjo potom žně žita a lena.
Kultura we wohroženym lěsu
Hač do septembra wočakuja škitarjo wobswěta sudniski rozsud
Rowno (JoS/SN). Choćebuska wobswětowa skupina a zwjazkowe kontaktne městno za brunicu Zeleneje ligi stej njedźelu na lěćne kulturne zarjadowanje do lěsa pola Rownoho přeprosyłoj. Lěs tuchwilu wobswětowa skupina NABU wužiwa. Wochožanskeje jamy dla pak je wón wot wotbagrowanja wohroženy. Kaž sobustaw wobswětoweje skupiny René Šuster rozłoži, je lěs w priwatnym wobsydstwje. Wobsedźerjo su jón w lěće 2019 wobswětowej skupinje přenajeli. „Lěs wužiwamy za kulturne a kubłanske zarjadowanja. Naš cil je płoninu do přirodźe bliskeho měšaneho lěsa přetworić. Tohodla smy w zašłych lětach hižo pilnje lisćowe štomy sadźeli. 2021 je energijowy koncern LEAG próstwu wo wuswojenje zapodał. Tutej próstwje je Sakski wyši hórnistwowy zarjad w lěće 2024 přizwolił. Přećiwo tomu su wobsedźerjo lěsa skoržili. Ze skóržbu so nětko wyše zarjadniske sudnistwo w Budyšinje zaběra. Do awgusta drje sudnistwo wo tym njerozsudźi.“
Krótkopowěsće (23.07.25)
Witschas: Žane problemy z CSD
Budyšin. Budyski krajny rada Udo Witschas (CDU) je tukanje wokrjesneje radźićelki AfD, Nicole Scharpe, wotpokazał. Wona zwurazni, zo dyrbjeli dźěći a młodostnych před CSD škitać. Fetišowe kluby pak njejsu so dotal w Budyšinje wobdźělili a seksualne jednanja a podobne njepřistojne zadźerženje tež wobkedźbowali njejsu. Zašłej lěće su prawicarjo přećiwo CSD demonstrowali.
Kenclija ma noweho partnera
Malešecy. Prawizniska kenclija Hajka Kozela je kooperaciske zrěčenje z pólskej kencliju Olszewski & Dziarski z Waršawy podpisała. Nimo toho ma wona partnerow w Čěskej, Słowakskej, Ukrainje, Ruskej, Letiskej, Chorwatskej a Serbiskej. Mjezynarodna syć je zakład za zaměrne dźěło na dobro mandantow – tež w mjezy překročacych naležnosćach. To piše Kozel w nowinskej zdźělence. Kenclija wobdźěła mandaty we wšěch słowjanskich rěčach.
Zaso na wobjed do Bukec
Zetkanje oldtimerow z wikami za narunanki
Grodk (JoS/SN). Towarstwo MC Grodk je kaž kóžde lěto w lěću minjeny kónc tydźenja hižo 36. raz na zetkanje oldtimerow z wikami za narunanske dźěle přeprosyło. Stawizny zarjadowanja sahaja wróćo hač do časa NDR, hdźež běše wone tehdy hižo chětro popularne a woblubowane, nic jenož mjez wopytowarjemi, ale tež mjez wobdźělnikami. Prawidłownje přijědu woni z cyłeje Němskeje a w zašłych lětach tež z Pólskeje. Měrna a swójbna atmosfera njeje za wopytarjow jenički pozitiwny dypk. Tež přijomna městnosć direktnje při braniborsko-sakskej hranicy, hdźež bě jónu wuhlowa milinarnja Dubrawa (Trattendorf) stała, je dalša přičina za wopyt.
