Listonoš z wosebitym talentom
Krótkopowěsće (01.08.25)
Wo slědźerskim centrumje rěčeli
Berlin. Sakska statna ministerka Regina Kraushaar (CDU) je so wčera ze zwjazkowej ministerku za twarstwo Verenu Hubertz (SPD) zetkała. Jedna tema běše planowane stejnišćo Zwjazkoweho slědźerskeho centruma za klimaneutralne a nastupajo resursy eficientne twarjenje. W rozmołwje dźěše předewšěm wo to, kajku hódnotu by stejnišćo za Budyšin měło. Budyski krajny rada Udo Witschas je Kraushaar přewodźał.
Myta za dorost wupisane
Budyšin. Maćica Serbska wupisa lětsa zaso tři myta za dorost. Za gymnaziastki a gymnaziastow Delnjeje a Hornjeje Łužicy stej to myće Bogumiła Šwjele a Michała Hórnika a za studentki a studentow myto Arnošta Muki. Hač do 30. nowembra měli zajimče a zajimcy swoje dźěła zapodać. Dokładniše informacije su na webstronje Maćicy wozjewjene.
Leipner kritizuje policiju
Přihotuja wjesny swjedźeń
Pčołarić bjez medikamentow
Policija (31.07.25)
Z alkoholom w kreji znjezbožiła
Stróža. Wobchadne njezbožo z tójšto wěcnej škodu bě wutoru popołdnju w Stróži pola Rakec. Tam chcyše 36lětna wodźerka Forda z nabóčneje na hłownu dróhu zajěć. Při tym pak njewobkedźbowaše předjězbu 69lětneje šoferki Golfa. Při zražce drje so nichtó zranił njeje, wěcna škoda pak wučinja 20 000 eurow. Při přepytowanju njezboža policisća zwěsćichu, zo měješe zawinowarka 0,58 promilow alkohola w kreji.
Hač móst znowa natwarja?
Sudniskeho rozsuda dla ma Malešanski wjesnjanosta zaso nadźiju
Delnja Hórka (UM/SN). Před šěsć a poł lětami je Krajny zarjad rěčnych zawěrow Sakskeje (LTV) móst, po kotrymž sy z Malešanskeho wjesneho dźěla Delnja Hórka k znatemu wulkemu dubej přišoł, wottorhał. To bě 8. nowembra 2018. Mnozy tutón rozsud tehdy wótrje kritizowachu, dokelž su jón w ćichim wobzamknyli a tež wulce připowědźili njejsu. Mjeztym drje su so rozhorjene hłosy zaso změrowali. Přiwšěm sej wulki dźěl wobydlerjow dale přeje, zo dub jako symbol Delnjohórčanskich hatow bórze zaso po krótkim pućo docpěja.
Často při njezbožach zasadźeni
Zo bychu so ludźo před wohenjemi škitali, su před něhdźe połdra lětstotkom tež w Hornjej Łužicy wohnjowe wobory załožeć započeli. W našej lětnjej seriji chcemy někotre z nich předstajić a jich stawizny rozłožić. (10)
Ralbičanske wosebitosće su dźěći njedawno na prózdninskej ...
Krótkopowěsće (31.07.25)
Zarjadowanje polarizuje
Budyšin. Do zarjadowanja CSD so zjawna debata přiwótřa. Tak prosy wokrjesny zwjazk AfD w zjawnym lisće krajnemu radźe Udej Witschasej, zo ma wón riziko zarjadowanja znowa přepruwować. Wšako běchu wjacore zwjazki Antify připowědźili, zo do Budyšina přijědu. Na CSD wočakuja nimo tysacow demonstrantow tež prominencu strony Lěwicy a SPD, kotrejž namołwjatej so na zarjadowanju wobdźělić.
Pomoc firmam za wukubłanje
Drježdźany. Mějićelow małych zawodow abo specializowanych rjemjeslnikow, kotřiž wučomnika pytaja, ale wšě předpisane wobsahi wukubłanja njespjelnja, dale podpěruja. Tutu pomoc Sakska spěchuje: wukubłanje w zwjazku. Přizjewić móža so zajimcy wot 13. žnjenca online. Informacije namakaja pod www.sab.sachsen.de/richtlinie-berufliche-bildung-verbundausbildung.
Spěchuje tři łužiske projekty
