Krótkopowěsće (02.06.25)
Wjaceswójbny dom zapalili
Rakecy. Njeznaći skućićeljo su sobotu wjaceswójbny dom w Rakecach zapalili. Woheń běchu we wochěži domskeho w tam wotstajenym klankacym wozyčku zamiškrili. Wohnjowa wobora bě spěšnje na městnje, tak zo je wobydlerjow sčasom a bjez zranjenjow ewakuowała, informuje Zhorjelska policajska krajna direkcija. Po tuchwilnych dopóznaćach wučinja wěcna škoda 50 000 eurow.
Abraham nowy społnomócnjeny
Berlin. Zapósłanc zwjazkoweho sejma Knut Abraham (CDU) je społnomócnjeny za koordinaciju zhromadneho dźěła zwjazkoweho knježerstwa z Pólskej. Abraham, zastupowacy wólbny wokrjes Łobjo – Halštrow/Hornje Błóta – Łužica, hižo wjele lět dobre styki k susodnemu krajej pěstuje. Nowy nadawk jako społnomócnjeny wón hnydom přewozmje.
Dźěłowa skupina FUEN so zešła
Chwalbu a respekt organistej
Budyšin (CRM/SN). „Sym zbožowny, zo směm Tomaša Žura z Berlina znowa jako hosća na koncert witać“, tak cyrkwinski hudźbny direktor Michael Vetter minjenu sobotu w Budyskej cyrkwi swjateho Pětra. Pod hesłom „Wótče naš, kiž sy w njebjesach ...“ stejachu předewšěm twórby klasiskeje moderny na programje, tež ze serbskeho wobłuka. Tak je sej naš krajan kompoziciji Ulricha Pogody z Choćebuza a Budyšana Jana Cyža wuzwolił a jej do trochu šěršeho konteksta stajił.
Drastu zeznalia sej zaspěwali
Nowačk dobył
Kozarcy. Škotowarka a 30 škotowarjow je so wutoru na dalšim turněrje serbskich seniorow w Kozarcach wobdźěliło. Nimo Marka Kliemanta bě Siegfried Hörauf dalši nowačk. Wón turněr z nahladnymi 3 216 dypkami spontanje doby. Dalšej městnje wudobyštaj sej Achim Kral (2 510) a Achim Mejgl (2 272). Cyłkowne hódnoćenje nawjeduje Achim Kral před Měrkom Šmitom a Sonju Krječmarjowej. Přichodny turněr wotměje so kónc junija w Njeswačidle.
Přepruwuja woči
Njebjelčicy. W rumnosći młodźinskeje wohnjoweje wobory ma Hłownej dróze 9 w Njebjelčicach móža sej zajimcy póndźelu, 2. junija, wot 8 do 17 hodź. woči přepruwować dać. Tónle serwis poskićuje předewzaće Mirantus. Přepruwowanje płaći 69 eurow a dyrbi so na městnje zapłaćić. Zajimcy njech přizjewja so pod telefonowym čisłom 030 232578130.
W ateljeju so rozhladować
Prócuja so wo lěkarjow
Medicinske zastaranje za Hamorsku gmejnu dale wažne
Hamor (AK/SN). We wobłuku strukturneje změny chce Hamorska gmejna projekt lěkarskeho domu dale zwoprawdźić. Wo nowym strowotniskim centrumje su so njedawno wospjet ze statnym zawodom Sakski imobilijowy a twarski management wothłosowali. „Při tym dźěše wo někotre dypki doskónčneho stejnišća. Přichodne tydźenje su hišće změny w planach předwidźane“, rjekny Hamorski wjesnjanosta Hendryk Balko (Hamorske wolerske zjednoćenstwo) na zašłym posedźenju gmejnskeje rady.
Tak ma na přikład schodźišćo trochu mjeńše być hač bě dotal planowane. Dalša změna nastupa městnje za wotpadkowe sudobja a za kolesa. Wobě žanu třěchu njezmějetej. Tež koncept za zastaranje z ćopłotu změnja. Dom njepřizamknu k dalnoćopłoće, ale zatwarja do njeho ćopłotnu klumpu. Wo tym su so tež z architektom dorozumić dyrbjeli, dokelž so wšitke změny na wudawki za planowanje wuskutkuja. Po słowach wjesnjanosty so nadźijeja, zo Sakska natwarna banka spěchowanje přizwoli. „Bjez spěchowanja lěkarski dom twarić njemóžemy“, praji Hendryk Balko.
Je z dobrej tradiciju, zo so sobustawojo Serbskeje pčólnicy jónu ...
Motor zhromadnosće w Minakale
Minakał (SN/MWj). Hdyž so w Minakale wo towaršnostnym žiwjenju, techniskim postupje a wobydlerskim angažemenće rěči, jewi so mjeno Günthera Schustera. Hižo wjacore lětdźesatki wón žiwjenje w swojej wsy a wokolinje njesprócniwje sobu postaja. Za to je jeho krajny rada Udo Witschas (CDU) z wopismom „Čestnohamtski měsaca meja 2025“ wuznamjenił, kaž krajnoradny zarjad w nowinskim wozjewjenju zdźěli.
Skića pisany program w Budyšinje
Krótkopowěsće (30.05.25)
Fabritius zaso społnomócnjeny
Berlin. Bernd Fabritius (CSU) bu wot zwjazkoweho knježerstwa srjedu znowa do zastojnstwa społnomócnjeneho za wusydlencow a narodne mjeńšiny powołany. 60lětny Němc rumunskeho pochada je tutu funkciju hižo wot 2018 do 2022 wukonjał. Natalie Pawlik (SPD), kotraž běše 2022 naslědnica Fabritiusa, je wot njedawneho nowa statna ministerka za migraciju, ćěkancow a integraciju.
Myto filmowemu festiwalej
Berlin. Zwjazkowa załožba za předźěłanje diktatury SED wuznamjeni filmowy festiwal Nysa z wosebitym mytom Karla Wilhelma Frickeho. We wopodstatnjeju mjez druhim rěka, zo „skrući festiwal wotewrjenosć zwonka metropolow a skutkuje w zmysle wotewrjeneje Europy“. Swjatočne přepodaće myta wotměje so 12. junija w Berlinje.
Čěsku seriju „přeněmča“
