Njewšědny wobraz skićeše so nimo jěducym wutoru wječor w Čornym ...
Krótkopowěsće (08.05.25)
Mjenowy serwis rozšěrili
Budyšin. Posłužba „Delnjoserbske mjena“ w rěčnym portalu dolnoserbski.de dale rozšěrjeja. Wotnětka namakaš tam 50 dalšich etymologiskich wujasnjenjow za woznamy wjesnych mjenow. Dale su w portalu 500 delnjoserbskich eksonymow wozjewili. Tak móžeš nětko za něhdźe 2 000 městnostnymi mjenami, 2 500 swójbnymi mjenami a za wjace hač 100 předmjenami rešeršować.
Mjetarjo dale njeporaženi
Zürich. Němske narodne mustwo mjetarjow z trenarjom Alfreðom Gíslasonom docpě přećiwo Šwicarskej njerozsudne 32:32. Z tym su w kwalifikaciji hižo 25. raz za sobu njeporaženi. Wubranka DHB zaruči sej tak zdobom skupinske dobyće.
Paris SG finale docpěli
Paris. Francoski koparski mišter Paris Saint-Germain je finale champions league docpěł. Mustwo přesadźi so we wróćohrě połfinala 2:1 přećiwo jendźelskemu towarstwu FC Arsenal. Finale wotměje so 31. meje w Mnichowje.
Wurunane zežiwjenje tež pola nuklow wažne
Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow prócuja. K tomu přinošować chce naša serija z pokiwami z weterinarneje mediciny. (56)
Čłowjek njeplahuje nukle jenož, zo by hdys a hdys njedźelu pječenku na blidźe měł. Dźensa je nukl runje tak kaž kóčka abo psyk jedne z najwoblubowanišich domjacych zwěrjatow w Němskej. Wosebje małe nukle abo tajke z wosebje mjechkimi kosmami abo dalšimi lesnymi kajkosćemi su nimale hižo pleńčatko za dźěći. ale tež za dorosćenych.
Powšitkownje wšak zda so nukl jara spomóžne domjace zwěrjo być, kotrež nima wysoke naroki a so lochce a tunje zastarać hodźi.
Tola nukle wobsedźa wěste wosebitosće natwara ćěła, kiž žadaja sebi dobru kompetencu a wědu wobsedźerja. Požiwanski system je wot spočatka hač do kónca hinaši hač čłowječi a rozeznawa so tež wot kóčki a psa.
Dźensa chcemy fokus na klamu nuklow złožić.
Swjeća dźaknu Božu mšu
Róžant. Dobrowólni wohnjowi wobornicy zarjadniskeho zwjazka Při Klóšterskej wodźe kaž tež susodne wohnjowe wobory swjeća pjatk, 9. meje, w 19 hodź. w Róžeńće dźaknu Božu mšu składnostnje swjedźenja swjateho Floriana. Na nju wšitkich wobornikow kaž tež dalšich hosći wutrobnje přeprošuja.
„Milenku“ w juliju přepodadźa
Rowno (AK/SN). Nowa Rownjanska pěstowarnja „Milenka“ ma hač do kónca meje hotowa być. 7. julija chcedźa ju oficialnje přepodać. Tole zdźěli Slepjanski twarski zamołwity Steffen Seidlich wčera na posedźenju gmejnskeje rady. Tuchwilu wukonjeja poslednje dźěła wokoło sanitarnych instalacijow, tepjenja a elektriki. Nowotwar bě trěbny, dokelž je dotalna pěstowarnja brunicowej jamje přebliska.
Pjenježne połoženje napjate
Rozsud wo spěchowanju sociokulturneho centruma wotstorčili
Běła Woda (AK/SN). Přichod Běłowodźanskeho sociokulturneho centruma Telux, kotryž wot lěta 2017 wobsteji, je njewěsty. Tamniše towarstwo za mobilne młodźinske dźěło a sociokulturu dźěła a planuje bjez wěstoty. Towarstwo drje nadźěła 143 000 eurow dochodow wob lěto a dóstanje 120 000 eurow spěchowanja wot Kulturneho ruma Hornja Łužica-Delnja Šleska, ale podźěl města we wobjimje 44 000 eurow njejsu za lětsa přizwolili. Rozsud wo tym je měšćanska rada na swojim zašłym posedźenju wotstorčiła. „To je na škodu centruma. Dyrbjeli nanajspěšnišo wurjadne posedźenje zwołać“, praji radźićel Robert Seidel. Zdobom měli woni nuznje financowanje za 2026 zaručić.
W Lutobču serwis zesylnjeja
Před dobrym lětom je Grimmaske předewzaće TechnikCenter zawod Femtech w Lutobču w Radworskej gmejnje přewzało. Mjeztym je so to abo tamne změniło a druhe wostało.
Lutobč (UM/SN). Što su sej wunamakarjo a inženjerojo wumyslili, zo bychu ratarjam jich dźěło wolóžili, móžeš w Lutobčanskej firmje TechnikCenter Grimma wobdźiwać. Syčomłóćawy, traktory a dalše mašiny a jězdźidła tam wuhladaš. Hižo za čas NDR bě wokrjesny zawod za ratarsku techniku partner prodrustwow, hladajo na ratarsku techniku. 1993 nasta z toho předewzaće Femtech. Dobre lěto steji nětko TechnikCenter na firmowych tafličkach.
W 1,2 hektaraj wulkej rostlinarni Hamorskeho zahrodniskeho ...
Z Łužicy k hwězdam – a to serbsce
Astrocentrum Łužica ma mjeztym serbske zjawnostne dźěło. A kak wo swětnišću a jeho wuslědźenju rjenje serbuješ, pokaza młody wědomostnik zajimcam we Wojerowskim domje Domowiny.
Wojerecy (SN/mb). „Najlěpši rěčny kurs mojeho žiwjenja“ je dźensa 27lětny Jan Winša z Lubija tři lěta na Drježdźanskej Techniskej uniwersiće dožiwił – serbšćinu pola Lubiny Hajduk-Veljkovićoweje. Doktorand na Instituće za jadrowu a dźělčkowu fyziku přednošowaše wčera w „Rěčnej swětłowni“ županki Gabriele Linakoweje pod hesłom „Z Łužicy k hwězdam“ wo natwarje Astrocentruma Łužica a prašenjach kosmosa. Rěčna motiwatorka Marija Šołćic je młodeho muža přeprosyła.
Krótkopowěsće (07.05.25)
Z Wojerec do Njechornja
Wojerecy. Zhromadnje z Budyskej županku poda so župa „Handrij Zejler“ Wojerecy w awgusće na kubłansku jězbu do domu Měrćina Nowaka Njechorńskeho. Na wčerawšim župnym předsydstwje su tež dalše terminy rozjimali: Přichodny planuja 27. meje, w 19.30 hodź. na Wojerowskim hrodźe. Tema budźe serbski wječor „stawizny, drasty a spěwanje“ z Cyžec mandźelskimaj z Noweje Jaseńcy.
Nowy zwjazk Lětopisa wušoł
Budyšin. Ludowe nakładnistwo Domowina je w nadawku Serbskeho instituta nowy zwjazk časopisa za sorabistiku a přirunowace mjeńšinowe slědźenje „Lětopis“ wudało. Zběrku wědomostnych přinoškow lońšeho lěta we wobjimje 203 stronow móža sej zajimcy za 20 eurow w Smolerjec kniharni kupić abo skazać.
Wo přichodźe sorabistiki rěčeli
