Z njeličomnymi wałpornymi wohenjemi je Hornja Łužica srjedu ...
Rady tež serbsce po měsće wodźi
Budyšin (SN/MiP). W Budyšinje znaje wuměnkarka Margita Měršowa kóždy kućik. To njezadźiwa, wšako je so tu narodźiła a tež w dalšim žiwjenju wona město wopušćiła njeje. Ani po złoženju matury na tehdyšej Budyskej Serbskej rozšěrjenej wyšej šuli njeje studija dla ródne město wopušćić trjebała, wšako běše so za fachowy studij na tehdyšej inženjerskej šuli rozsudźiła.
Krótkopowěsće (02.05.25)
Dr. Pětr Brězan njeboh
Chrósćicy. W starobje 92 lět je wčera rano w Chróšćanskej starowni swjateje Ludmile dr. Pětr Brězan zemrěł, bywši prěni předsyda „Bratrowstwa“ Kulowskich Serbow po jeho znowazałoženju. Horliwy Serb běše 75 króć křižer a skutkowaše hišće w rentnarskej starobje jako skótny lěkar z ćěłom a dušu. Mjez druhim nawjedowaše wotrjad na weterinarne naležnosće w sakskim knježerstwje.
Jurij Nuk zemrěł
Budyšin. Horliwy sportowc a bywši wučer Jurij Nuk je zawčerawšim w starobje 90 lět zemrěł. Wón bě wjele lět čłon Serbskeho Sokoła a je so tež hišće we wysokej starobje nad 80 lětami na wubědźowanjach za běhanje wobdźělał. Dźesatki tysacy kilometrow je wón naběhał a sej wšo akribisce do knižki zapisował. Tež jako něhdyši wučer ma swoje zasłužby a rady bě za Serbske Nowiny přinoški pisał.
Serbstwo tema na BTU Choćebuz
Lětsa trójce na wjeršk do Chrósćic sej dojěć
Ze swjedźenskimi dnjemi w juniju woswjeća w Chrósćicach 800lětnu róčnicu prěnjeho naspomnjenja
Před 800 lětami bu gmejna Chrósćicy prěni króć pisomnje naspomnjena. To je přičina za swjedźeń, kiž změje wotpowědnje historiskemu podawkej wosebitu hódnotu w stawiznach gmejny a wosady. Před něhdźe lětomaj je wjesnjanosta Marko Kliman (CDU) na posedźenju gmejnskeje rady iniciatiwu za tajki swjedźeń zahajił. Milenka Rječcyna je so z komunalnym politikarjom rozmołwjała.
Štó su hłowni organizatorojo swjedźenja?
Wobornicy štomiki sadźili
Wobraz na papjerje dale móžny
Pančicy-Kukow (SN/MWj). Hižo dlěši čas su připowědźili, zo w městach a gmejnach wot 1. meje nowe rjadowanja płaća, jeli něchtó nowy personalny wupokaz trjeba. Na to maja so wobydlerjo tež w zarjadniskim zwjazku Při Klóšterskej wodźe přihotować, praji jeho předsyda Stefan Anders.
Wjele prašenjow njerozrisanych
Gmejnska rada wo předaću tamnišeho knježeho dwora wuradźowała
Njeswačidło (JK/SN). Njeswačanski knježi dwór ma bohate a wotměnjawe stawizny. Nětko móhł so nowy wotrězk započinać. Na minjenym posedźenju gmejnskeje rady su tutón objekt na kromje wsy tematizowali. Na njedawnym terminje gmejnskeje rady po twarskim dworje a jeho garažach prašachu so wobdźělnicy, što činić z twarjenjemi. Gmejnscy radźićeljo měnja, zo njeje kubło hižo trěbne a zo maja so naprawy za posudźowanje objekta kaž tež jeho móžne bórzomne předaće přihotować.
Přeprošuja na mejemjetanje
Hač do rańšich hodźin stražowali
Tež lětsa so do wałporneje nocy zaso mnozy młodostni na serbskich wsach kaž w Radworju, we Wotrowje, w Chrósćicach abo w Serbskich Pazlicach zhromadźichu, zo bychu swoje hromady chodojtypalenja stražowali.
Radwor (VaŽ/SN). W poslednich dnjach apryla je kruta tradicija, swójsku hromadu za chodojtypalenje wjacore nocy wobstražować, zo njemóhł nichtó z druhich wsow hromadu dočasa wotpalić. W Radworju rozprawjeja młodostni wo měrnych nocach. „Něhdy běchu časćišo pady, při kotrychž bu hromada hižo do poprawneho termina zapalena“, powěda Filip Kolca. Dźensa so to lědma hišće stawa. „Wjetšina młodźiny nima prosće žadyn lóšt, sej ekstra něhdźe dojěć a druhim hromadu wotpalić“, wón powěda.
Tež w Žuricach stražowachu wot 26. apryla. Tež tam młodostni wječor zhromadnje při wohenju sedźachu a so wuměnjachu. Přetož štóž zahe ze zběranjom hałzow započnje, dyrbi tež zahe stražować započeć. „Ručež prěnje hałzy na hromadźe leža, započinamy stražować“, skupina rozprawja.
