Trjebaja maćernorěčnu wosobu

Bukecy. Starši něhdyšeje Witaj-skupiny w Bukecach a Bukečanska bjesada pytaja nuznje maćernorěčnu wosobu, kotraž by po póndźelach abo wutorach mjez 16 a 17 hodź. šěsć dźěći w starobje mjez třomi a sydom lětami pěstoniła. Próca so z honorarom zapłaći. Zajimcy njech přizjewja so pod telefoniskim čisłom 01525 /749130.

Michał Chěžka zemrěł

Budyšin. Serbski hudźbnik a dirigent Michał Chěžka je zašłu njedźelu w starobje 64 lět po dlěšej chorosći zemrěł. Rodźeny Budyšan je mjez druhim w 1980ych lětach jako orchestrowy asistent Serbskeho ludoweho ansambla skutkował. W 1990ych lětach je wón 1. serbsku kulturnu brigadu nawjedował a tamniši smyčkowy orchester Collegium musicum załožił.

Dan Brown a Praski turizm

„Posłuchaj lěkarja, prjed hač jeho ­trjebaš!“, serbske přisłowo namołwja.

Tuž wěnuje so student mediciny ­Pětr Dźisławk znatym a mjenje znatym chorosćam, zo by je ­čitarjam trochu ­bliže rozłožował (64).

W zašłym přinošku sym wam předstajił natwar a funkciju wutroby, centrale krejneho wobtoka. Schorjenja tutoho elementarneho organa tworja zhromadnje ze schorjenjemi wobtoka smjertnu přičinu čisło jedyn w Němskej. Štóž je ćežko na wutrobu schorjeł, ma so husto z wulkimi wobmjezowanjemi we wšědnym ­žiwjenju bědźić.

Budyšin. W druhim tydźenju zymskich prózdnin poskićuje Muzej Budyšin wotměnjawy program a małych a wulkich wopytowarjow do swojeho domu přeprošuje. Mjez druhim zaběraja so z prašenjom, kak běchu ryćerjo něhdy žiwi. Za to móžeš w dźěłarni klankow kreatiwny być a sej póstnisku masku paslić. Muzejowaj pedagogaj Sophie Pratsch a Ulrich Schollmeyer staj pisany prózdninski program zestajiłoj. Wonaj powjedźetaj přichodne dny po muzeju, powědataj wo zmužitych rjekach, wo bajkach bratrow Grimm a předstajitaj, na kotre zwuki móžeš w muzeju słuchać. W zwisku z wosebitej wustajeńcu Jutty Měrćinoweje nasta wulka dźěłarnja klankow a tež klankodźiwadłowa hra wo swěće ryćerjow změja w muzeju w poskitku. Na kóždy pad so zadani, w druhim prózdninskim tydźenja Budyski měšćanski muzej wopytać. Nadrobny program nadeńdu zajimcy internetnje pod . Pod telefonowym čisłom 03591 534933 njech so woni do ­toho přizjewja. Dźěći maja darmotny ­zastup, dorosćeni płaća sydom eurow, potuńšene dwaj euraj.

Nowa wyša měšćanostka Běłeje Wody Katja Dietrich je po swojim wuzwolenju prěnich sto dnjow w zastojnstwje. W tym času dyrbješe hižo mnohe ­wužadanja zmištrować.

Běła Woda (AK/SN). Město Běła Woda zasadźuje so za profijowy lodosport a za přichod Łužiskich liškow. Tole podšmórny wyša měšćanostka Katja Dietrich (SPD) w swojej bilancy po prěnich sto dnjach w zastojnstwje. „Wažne je wobswětlenje a wobhrodźe ponowić. Jenož hdyž tele žadanja spjelnimy, dóstanu ­liški licencu za sezonu 2025/2026“, wona rjekny. 28. februara so měšćanska rada na wurjadnym posedźenju z tutej temu zaběra. Tuchwilu město płaćizny za ­lodowu halu znowa kalkuluje a dyrbi při tym wužiwanske časy, popłatki, płaćizny miliny kaž tež wody wobkedźbować. ­„Lodowa arena njeje za to wupołožena, zo mamy ekstra milinowy ličak za pro­fijow. Tež to dyrbimy wobkedźbować ­a změnić“, praji Katja Dietrich. Dotalna ­kalkulacija płaćiznow pochadźa z časa do korony.