Pjeć nowačkow witali
Zymska přestawka je nimo
Stróža (SN/MWj). Po kóždolětnej přestawce za hladanje a wudźeržowanje wopytowarski centrum Dom tysac hatow biosferoweho rezerwata Hornjołužiska hola a haty w Stróži pola Hućiny wot februara zaso swoje durje za wopytowarki a wopytowarjow wočini. Kaž zamołwita za zjawnostne dźěło Meike Biskop w nowinskim wozjewjenju zdźěli, wabja lětsa znowa z wulkej paletu zarjadowanjow.
W Stróži njeje jenož zaso multimedialna trajna wustajeńca widźeć, kotraž wo biosferowym rezerwaće ze swojej zwěrinu a rostlinami kaž tež wo tradicionalnym hatarstwje informuje. W běhu lěta chcedźa nimo toho tři wosebite přehladki zestajić a planuja wjace hač 50 zjawnych zarjadowanjow, mjez druhim přednoški, akciske dny a poskitki za swójby. Wšitkim, kotřiž chcedźa wobstajnje wustajeńcy abo wječorne zarjadowanja w Stróži wopytać, poručeja, sej zastupny lisćik za cyłe lěto kupić. Jón dóstanu zajimcy za 15 eurow, potuńšene za dźesać eurow.
W Njebjelčanskej Bjesadźe probuja čłonki a čłonojo ...
Ze žiwjenja Richarda Zahrodnika
W Šunowskim wobchodźe „Mały narodny róžk“ poskića Erika ...
Krótkopowěsće (01.02.24)
Busowi šoferojo stawkuja
Budyšin. Na připowědźenym busowym stawku dźěłarnistwa Ver.di chcedźa so jutře tež přistajeni předewzaćow Regionalny bus Hornja Łužica tzwr a wobchadna towaršnosć Wojerecy zwr wobdźělić. Tuž dóńdźe w Budyskim wokrjesu k wobmjezowanjam přez wupad jězbow. Dokładny přehlad wo jězbach, kotrež wupadnu, nańdu zajimcy na internetnej stronje www.regionalbus-oberlausitz.de.
Změjemy dualne wysoke šule
Drježdźany. Sakski krajny sejm je wčera wječor zakoń wo dalewuwiću powołanskeje akademije Sakskeje na dualnu wysoku šulu Sakska (DHSN) schwalił. Z tym ma akademija hač do kónca lěta wuměnjenja za wuspěšny start dualneje wysokeje šule Sakskeje wot 1. meje 2025 wutworić. Wědomostne ministerstwo ju při tym partnersce přewodźa.
Direktor wuwjazany
Wuradźuja hakle w měrcu zaso
Łaz (AK/SN). Za 6. februara planowane posedźenje Łazowskeje gmejnskeje rady wupadnje. Kaž gmejnske zarjadnistwo zdźěli, su termin wotprajili, dokelž žane předłohi zarjadnistwa za wobzamknjenje njepředleža a dokelž tež hewak žane temy njejsu, wo kotrychž měli radźićeljo wuradźować. Po słowach wjesnjanosty Thomasa Leberechta (CDU) zaleži to na pobrachowacym přidźěle zarjadnistwow, ale tež na tym, zo su w twarskim a porjadowym zarjedźe gmejny wjacori sobudźěłaćerjo chori.
Hižo w januaru so žane posedźenje gmejnskeje rady wotměło njeje. Prěnje wuradźowanje planuja nětko za 12. měrca. Hłowne temy budu zasadny rozsud wo ponowjenju pomnika za padłych wojakow we Wulkich Ždźarach a twarske plany za Mortkow a Šćeńcu.
Najrjeńše poprjancy mytowali
Stipendije za kurs čěšćiny
Budyšin. Štóž ma zajim za rěčny kurs čěšćiny wot 18. julija hač do 15. awgusta 2024 w Praze abo wot 11. awgusta hač do 2. septembra 2024 w Čěskich Budějovicach, njech w Rěčnym centrumje WITAJ hač do 15. měrca swoje přizjewjenske podłožki woteda (Póstowe naměsto 2, 02625 Budyšin, e-mail ). Wotpowědny formular a dalše informacije su na internetnej stronje přistupne.
Awtorka čita swoje basnje
Budyšin. „innen bröckelt die unerhörte schicht“ rěka nowa zběrka basnjow, kotruž je Měrana Cušcyna zestajiła. Z pomocu Kulturneje załožby Swobodneho stata Sakskeje staj ju Jayne-Ann Igel a Jan Kuhlbrodt w Lipšćanskim Poetenladen wudałoj. Zběrku předstaji awtorka štwórtk, 1. februara, w 19 hodź. w Budyskej Smolerjec kniharni.
Policija (31.01.24)
Hólc wjewjerčku wuchował
Mužakow. Zo móžeš so w nimale kóždej naležnosći na policiju wobroćić, je póndźelu po wšěm zdaću hólc w Mužakowje wědźał a tak najskerje wjewjerčce žiwjenje wuchował. Hólčec wobydlerskemu policistej zdźěli, zo je w měšćanskim parku wjewjerčka zranjena, a jeho k njej wjedźeše. Policist zranjenja spózna a informowaše Załožbu hrabje Pücklera. Jeje sobudźěłaćerjo dowjezechu štyrinohateho pacienta do Běłowodźanskeho zwěrjenca, hdźež so dale wo njeho starachu.
