Kleplowane dźěła a cynowe figury
Njeswačidło (ML/SN). Filigrane wudźěłki kleplowarkow kružka Smochčanskeho kubłanišća swj. Bena kaž tež cynowe figury móže wopytowar wot minjeneje njedźele w hodownej wustajeńcy w Njeswačanskim domizniskim muzeju wobdźiwać. Čłonki kleplowanskeho kružka pod nawodom Sigridy Bähr z Małeho Wjelkowa su swoje twórby za 48. wosebitu wustajeńcu w Njeswačidle předstajili. Při zachodźe do wustajenišća strowi božodźěsćowy štom, na kotrymž wisaja kleplowane hwěžki, jandźeljo a druhe hodowne symbole, wopytowarjow do spodobneje přehladki.
Hižo wot 16. lětstotka su mustrowe knihi za kleplowanje znate. Nitki wjerća a křižuja so tak, zo přez kleplowanje canki nastanu. Z nimi najprjedy šaty a dalše tekstilne wudźěłki pyšachu. Pozdźišo kleplowarki tež mjeńše pyšne twórby, kaž našijniki, broše a wjetše knefle zhotowjachu. Znata spěchowarka kleplowanja bě Barbara Uthmann w Rudnych horach. Wona je kleplowanje zawjedła jako přidatnu zasłužbu za zežiwjenje chudych swójbow hórnikow. A z tym je tam samostatna hospodarska hałžka nastała.
Při pólskim rownišću so modlili
Skupina w Budyšinje bydlacych Polakow hlada rownišćo za swojich krajanow. Tradicionalnje wokoło swjedźenja Wšěch swjatych a Chudych dušow modla so woni – tule ze swojim měšnikom Marcinom Ogórekom – za 33 woporow, zahinjenych muži, žony a dźěći w Druhej swětowej wójnje. Wopomnišćo ze šěreho zornowca z pólskim worjołom na Michałskim kěrchowje postajichu w 1970tych lětach.
Foto: Jolanta B.-Rječcyna
Krótkopowěsće (17.11.22)
Za škit a podpěru delnjoněmčiny
Podstupim. Braniborski kabinet je wutoru rozprawje ministerstwa za kulturu a wědomosć přihłosował, pruwować zakonjedawarske předewzaće za škit delnjoněmčiny. Z pruwowanskeje rozprawy wuchadźa, zo je zakoń móžny puć k škitej a podpěrje delnjoněmskeje rěče w Braniborskej, a tam su ćežišća za to podate. Rozprawu nětko krajnemu sejmej k dalšemu wobdźěłanju posrědkuja.
Dosć kandidatow nadal njeje
Budyšin. Doba za zapodaće kandidaturow ze Sakskeje za přichodnu wólbnu periodu załožboweje rady je hač do srjedy, 30. nowembra, podlěšena. Zwjazkowe předsydstwo Domowiny je we wokolnym wothłosowanju namjet prezidija sćěhowało. Wólby su we wobłuku wurjadneho posedźenja zwjazkoweho předsydstwa 13. januara 2023 předwidźane.
Maja Rusku za „teroristiski“ stat
Policija (15.11.22)
Elektrokolesy pokradnyli
Kamjenc. Policija registruje we wuchodnej Sakskej dźeń a wjace padustwow elektrokolesow. Tak su njeznaći w nocy na njedźelu na Sewjernej w Kamjencu pedelec w hódnoće něhdźe 3 800 eurow spakosćili. W Zhorjelcu zhubi so w samsnej nocy e-bike w hódnoće 1 600 eurow z wjaceswójbneho domu.
Pomocnu akciju podpěrali
Zo njebychu wjesnu taflu zaso kradnyć móhli
Trjebin (CK/SN). Pjeć metrow wysoka je nowa wjesna tafla Miłoraza. Z tutej njewšědnej naprawu reaguje Trjebinska gmejna na to, zo buchu w jeje wjesnym dźělu hižo wjacekróć wjesne tafle pokradnjene.
Ke kermuši zaso raz rejwać móhli
SLA koncertuje na česć Nagela
Budyšin. „Pěseń moja, pozběhń so“ je hesło komorneho koncerta na česć Jana Pawoła Nagela jutře, srjedu, w 17 hodź. na žurli Budyskeho Serbskeho ludoweho ansambla. Składnostnje 25. posmjertnin Nagela, jednoho z najwuznamnišich serbskich komponistow 20. lětstotka, zetkataj so pianistka Liana Bertókowa a tenor Pětr Cyž, zo byštaj zhromadnje na komponista spominałoj. Wuchadźišćo je Nagelowa awtobiografija „Dźěćatstwo w Złyčinje“, wušła 1993 w LND. W komornym programje so lubozne wopisowanja Nagela swójskich kaž tež twórbow hudźbnych rowjenkow a pućrubarjow hudźbnje wobrubja.
Radźićeljo wuradźuja
Chrósćicy. Přichodne posedźenje Chróšćanskeje gmejnskeje rady wotměje so štwórtk, 17. nowembra, w 19 hodź. w gmejnskim a kulturnym centrumje. W zjawnym dźělu póńdźe mjez druhim wo dalše planowanje narunanskeho twara gratownje Chróšćanskeje dobrowólneje wohnjoweje wobory.
Pytaja sobuskutkowacych
Paletu wukubłanja předstajili
Budyšin (CS/SN). Zajimcow za słužbu pola sakskeje policije je po wšěm zdaću dosć. To pokaza minjenu sobotu dźeń wotewrjenych duri na Wysokej šuli sakskeje policije w Budyšinje cyle wočiwidnje. Předewšěm młodźi ludźo přichadźachu ke kampusej na Kantowej, zo bychu za kulisy wukubłanskeho centruma pohladnyli. Zaměr organizatorow bě, cyłu šěrokosć wukubłanja a dalekubłanja pola policije předstajić.
