Najnowše frizury a trendy předstajili
Kóždy čłowjek dyrbi w mjeńšich abo wjetšich wotstawkach k frizerej chodźić. Zo móhli frizerki a frizerojo swojich kupcow derje posłužować, so
wo najnowšich trendach wobhonjeja. Jedna składnosć bě njedźelu we Wojerecach.
Wojerecy (KD/SN). Zjednoćenstwo frizerkow a frizerow Budyskeho wokrjesa je předwčerawšim we Wojerowskej Łužiskej hali swojim čłonam najnowše frizury za žony a muži předstajiło a jim nowe trendy rozłožiło. Něhdźe 150 zastupjerjow frizerskich salonow wot Wósporka hač do Ottendorfa a wot Załomja hač do Halštrowskeje Hole stej wyša mišterka Szilvia Schiffel a jednaćelka Budyskeje rjemjeslniskeje komory Sabine Gotscha- Schock witałoj. Frizury předstajili su sobudźěłaćerki Wojerowskeho salona „Haarschneider“.
Wohnjowych wobornikow z Chrósćic, Nuknicy, Hórkow, Bóšic, ...
Hornčerske wiki ludźi přiwabili
Spjaty jězor njeje „rjedźernja rěki“
Na 15. Grodkowskim dnju wody a přirodoškita bě zajim wopytowarjow minjenu sobotu zaso wulki. W srjedźišću steještej přichodny wobběh wody we Łužicy a kak budźe Sprjewja zaso čista. Z tym so zakładny dokument NABU zaběra. Wo nim ma najprjedy zjawnosć diskutować, doniž jón měšćanscy zapósłancy njeschwala.
Grodk (JoS/SN). Regionalny zwjazk Grodk NABU je za swoje wěcowne dźěło znaty. „Dny wody a přirodoškita“ to přeco zaso wobswědčuja. Zajimowani wopytowarjo wobsahi wudospołnjeja abo so dokładnišo za nami prašeja. Dawno je jasne, zo Sprjewja wot dźensa na jutře čista njebudźe. To domoródnych mjerza, ale runje tak kolesowarjow a turistow. Žiwjenska kwalita ludźi, wobswět a mnohota družin fawny a flory podłu Sprjewje su negatiwnje wobwliwowane. Žołte błóto železohydroksida poćežuje towarstwowu dźěławosć kanutow, płachtakowarjow a wudźerjow. Dospołny škódny wliw, tak NABU, móža jenož pomjeńšić, hdyž železohydroksid z wody wotstronjeja. Tak, kak to hižo w kónčinje Rulec młyn, Nowe Město nad Sprjewju, Nowa Wjes z naprawami praktikuja.
Krótkopowěsće (19.09.23)
Znowa wo elektrifikaciji rěčeli
Berlin. Wospjet zetkachu so zastupjerjo łužiskeje politiki wčera w zwjazkowym ministerstwje za wobchad, zo bychu wo dalšim postupowanju při elektrifikaciji čary Drježdźany–Zhorjelc wuradźowali. Konkretne wuslědki drje přeco hišće njepředleža, ale politikarjo, mjez nimi Budyski krajny rada Udo Wićaz (CDU) , su so na dalši časowy plan dojednali. Z rozsudom liča w nalěću 2024.
Z čahom po cyłej Europje
Drježdźany. Druhi raz wulosuje sakske ministerstwo za Europu lětsa tikety za tak mjenowany „Program Interrail“ pod titulom #saxorail. Z tutymi zmóžnja młodym dorosćenym w starobje 18 do 27 lět sydom dnjow dołho bjezpłatnje na wosebitych čarach po cyłej Europje jězdźić. W horncu maja lětsa 700 tiketow, wo kotrež móža so zajimcy online hišće hač do 15. oktobra požadać.
Syły Čechow na Dnjach NATO
Městna hišće swobodne
Rěčne kupy bliže zeznali
Štwórta kolesowanska jězba po třoch wosadach
Smochćicy (SN/MWj). Wjele noweho nazhonili a zajimawych ludźi zeznali abo znowa zetkali su sobotu wobdźělnicy štwórteje a poslednjeje kolesowanskeje jězby we wobłuku tuchwilneje wosebiteje wustajeńcy Budyskeho Serbskeho muzeja „Čej’ da sy“. Pod wupruwowanym nawodom Tadeja Šimana, organizatora a redaktora k wustajeńcy wušłeje knihi ze samsnym titlom, wjedźeše něhdźe 30 kilometrow dołha čara po nabožnych a rěčnych kupach Baćońskeje, Zdźěrjanskeje a Radworskeje wosady.
Žony raz cyle mjez sobu byli
Młodźinski klub kino organizował
Stara šewcownja zaso přistupna
Wojerecy (KD/SN). W pod pomnikoškitom stejacym twarjenju na Wojerowskej Dołhej hasy 1 je historiska šewcownja wot njedawna zaso časćišo přistupna. To zdźěli Peter Biernath, čłon předsydstwa Wojerowskeho Kulturneho zwjazka, kiž ma w samsnym domje swoje sydło. Bywši jednaćel předewzaća Hans Sachs tzwr Werner Ulbrich chce na wěstych dnjach a k wosebitym składnosćam zajimcow po dźěłarni wodźić.
