Nowe serbske whatsapp-stickery za Android­ a Apple wobohaćeja prezencu našeje rěče w načasnych nowych formach zhromadneho žiwjenja – a to w hornjo-delnjoserbskej kooperaciji.

Njebjelčicy (SN/MiR). Skupina čitarjow němskeje nowiny taz přebywa tónle tydźeń we Łužicy. Nawoda skupiny a redaktor Thomas Gerlach znaje wosebitosće regiona, předewšěm tež jeje serbske kónčiny. „Mam runje Serbow a jich žiwjenske wašnje za wažny aspekt při tworjenju mosta do słowjanskeho swěta, kotryž bě a je w mnohich krajach zapadneje Europy njeznaty“, wón rjekny. Něhdyši Njebjelčanski wjesnjanosta Tomaš Čornak rysowaše wuwiće wsy z časa NDR a poda informacije wo móžnym wuwiću. Pućowacy su sej mjez druhim pěstowarnju, cyrkej a wjesny wobchod wobhladali. Elke­ Altmann je jim energijowy koncept za wjes zbližiła. A projektowy koordinator Krabatoweho towarstwa Jens Tiekenheinrich wabješe za lětuši Krabatowy tydźeń. Přičiny za to, zo su so čitarjo taz na jězbu sem podali, běchu wšelake. Šwicarku Beatrice Matzenauer zajimowaše w prěnim rjedźe wotmołwa na prašenje: „Što je tomu wjedło, zo zhubja starše demokratiske politiske strony čłonow a wolerjow?“ Wolfgang Esch z Duisburga rjekny: „Wěm wo tym, zo su Serbja připóznata narodna mjeńšina.

W jědnaćich šmóratko drišćało

Budyšin. Proboweho alarma po cyłej Němskej dla su dźensa na warnowanskim dnju tež we Łužicy šmóratka drišćeli a sireny wuli. Warnował je Zwjazkowy zarjad za škit ludnosće a pomoc w katastrofach w 11 hodź. ludnosć přez system Cell Broadcast. Probowy alarm tohorunja po rozhłosowych a telewizijnych sćelakach kaž tež měšćanskich informaciskich taflach rozšěrjachu.

Spěchowanje přepodał

Wojerecy. Dohromady nimale 15 milionow eurow spěchowanja ze srědkow za změnu strukturow je sakski minister za regionalne wuwiće Thomas Schmidt (CDU) wčera we Wojerecach přepodał. Z tutych nałožuja 8,2 milionaj za projekt přetwara a rozšěrjenja něhdyšeje młodźinskeje klubownje na nowy Nowoměšćanski forum. Dalši projekt: „Komunalna energijowa centrala“, dóstanje 6,5 milionow eurow.

Serbšćinarjo so zetkaja

Najebać suchotu a horcotu rostu we łužiskich lěsach hižo hriby. Tónle krasny ­prawak je čitar blisko Radworja nadešoł. Ale tež z tamnych kónčin Hornjeje ­Łužicy rozprawja ludźo wo swojich namakankach. Wot dźensnišeho su temperatury niše hač minjene dny, a tuž su jara dobre wuměnjenja, zo móža so hriby ­derje wuwić. ­Jelizo změjemy nětko hdys a hdys hišće něšto spadkow, móžemy so na wuspěšnu hribowu sezony wjeselić. Foto: Handrij Baumgärtel