Maja wjele potenciala
Poručeja Kulowej dołhodobny koncept za kolesowarjow a pućowarjow
Kulow (AK/SN). Město Kulow měło swójski koncept kolesowanskich pućow wuwić. Tole poruči Claudija Steglichowa, zamołwita sobudźěłaćerka za projekt kolesowanskich pućow w regionalnym managemenće Leaderoweho regiona Hornjołužiska hola a haty (OHTL) na zašłym posedźenju měšćanskeje rady. „Móžemy was podpěrać a wam pomhać a ze swojeho wobstatka trěbne daty a fakty přinošować. Kulow ma wjele potenciala za pućowarjow a kolesowarjow“, wona podšmórny.
Schód k Sprjewi trjeba nowu murju
Budyšin (UM/SN). Z Mosta měra k Přibrjóžnemu pućej při Sprjewi wjeducy schód w Budyšinje dyrbi so nuznje ponowić. Tohodla su čłonojo měšćanskeje rady na swojim posedźenju do lětnjeje přestawki njeplanowane wudawki we wobjimje 182 000 eurow „za twarske ponowjenje a porjedźenje murje podłu schoda“ wobzamknyli.
Prěnje plany za to nastachu hižo w lěće 2019. Kaž z předłohi, kotruž je zarjad za wysoko- a hłubokotwar zestajił, wuchadźa, njemóžeše so město dołhi čas dojednać wo nakupje ležownosće, kotraž je za tute dźěła trěbna. Mjeztym tele dojednanje předleži.
Hižo w lěće 2017 běchu zwěsćili, zo je zepěranska murja podłu schoda w zdźěla jara špatnym stawje. „Dźěle murje z přirodnych kamjenjow su so hižo sypnyli, na wjacorych městnach kamjenje hižo hromadźe njedźerža, škałby su wupłokane, dale su widźeć brjuchi. Nimo toho rostliny muri přidatnje zeškodźeja“, zarjad za wysoko-a hłubokotwar w swojim posudku tehdy naliči. Njedostatkow drje mjeztym mjenje njeje.
Hladajo na wotžnjate žitnišća abo hižo přeworane šćernišća ...
Krótkopowěsće (28.07.23)
Jězdźenki wot awgusta dróše
Budyšin. „Rozrost wudawkow nastupajo personal, ćěriwa, narunadła a wudźeržowanje zwiskow“ je Zaměrowemu wobchadnemu zwjazkej Hornja Łužica-Delnja Šleska (ZVON) z přičinu, jězdźenki wot 1. awgusta zdźěla podróšić. Potrjechene bilety za jednotliwca płaća potom znajmjeńša 10 a maksimalnje 80 centow wjace. Přerěznje powjetša so płaćizny wo 8 procentow.
Na FUEN-kongres
Flensburg. Federalistiska unija europskich narodnych skupin (FUEN) wotměje wot 7. do 10. septembra 2023 swój 67. kongres. Tónkróć zetkaja so zastupjerjo mjeńšinow w madźarskim měsće Pécs, kotremuž Němcy Fünfkirchen a Chorwaća Pečuh rěkaja. Zajimcy móža so hišće hač do 4. awgusta přizjewić a wuradźowanja live a po live-streamje sćěhować.
Testowa čara přepodata
Klub swjeći z bajowej postawu
Za 3. Black Mountain Party sej Krabata jako hesło wupytali
Čorny Chołmc (SiR/SN). Na Kubicec hórce w Čornym Chołmcu su minjene dny třeću Black Mountain Party z połnej paru přihotowali. Do toho mjenowachu tele swjedźenje Highland Party. Mjeztym pak je we wjesnym młodźinskim klubje nowa generacija ceptar přewzała. „Loni smy dźesać nowych čłonow přiwzali, lětsa dotal pjeć dalšich młodostnych“, powěda Agnes Budar z nawodnistwa kluba. Stajnje po chodojtypalenju 30. apryla nowych čłonow do kluba oficialnje witaja.
Dorost je nětko na městnje dotalnych staršich čłonow towarstwa stupił a chce swójske ideje zwoprawdźić. Dalša čłonka předsydstwa Klara Sandig a předsyda Nico Jurisch pak přiznajetaj: „Do našeho časa su wotpowědnje hesłam swjedźenjow rjane wěcy natwarili, na přikład wulku łódź piratow. To w tutej formje jako towarstwo hižo njezdokonjamy.“ To pak njewoznamjenja, zo su swjedźenja nětko špatniše, wone so jenož trochu hinak přewjeduja. Hudźba, reje a wjeselo steja dale w srjedźišću.
Policija (27.07.23)
Šofer po njezbožu zemrěł
Nowe Poršicy. Wo wobchadnym njezbožu, kotrež je so předwčerawšim na statnej dróze S 111 w Nowych Poršicach stało (SN wčera rozprawjachu), je policija přidatne informacije wozjewiła, kotrež wčera hakle po skónčenju redakciskeho časa dóńdźechu. 73lětny wodźer Audija, kiž bě zražku z nakładnym awtom zawinił, je wčera rano w chorowni zemrěł.
Stara so sobu wo wjesne žiwjenje
Wot spočatka měrca 1992 wuchadźeja Serbske Nowiny jako wječornik. A wot toho časa je pomocnicy w mnohich wjetšich a mjeńšich wsach wšědnje čitarjam do domu noša. Najwjetši čas tuž našich pilnych roznošowarjow w lětnjej seriji předstajić (10).
Wulke wjeselo knježeše 1981 pola Wawrijec we Łusču, jako so jim mała Christina narodźi. Rady dopomina so dźensa 42lětna na rjany čas dźěćatstwa, kotryž měješe z młódšej sotru a młódšimaj bratromaj. Staršej – mać dźěłaše w dejnym kombinaće w Hrańcy a nan bě wušikny wodźer nakładnych awtow – kubłaštaj swoje dźěći w dobrym nabožnym a narodnym zmyslenju.
Christina chodźeše na Horje do pěstowarnje a jako šěsćlětna wjeseleše so w Chróšćanskej zakładnej šuli „Jurij Chěžka“ nad cokorowej titu. Wosebity zajim pokaza za matematiku. Po wuspěšnym złoženju pruwowanjow nawukny po 10. lětniku powołanje kucharki w Smochčanskim Domje biskopa Bena. W lěće 2000 wobsta swoje wukubłanske pruwowanje a jako wuwučena kucharka bórze po tym Smochćicy wopušći, zo by z dobrej jědźu k derjeměću pacientow Kamjenskeje chorownje swj. Jana přinošowała.
We wobłuku intensiwneho lětnjeho kursa serbšćiny su sej ...
Insektam tyjace rostliny sadźeć
Iniciatiwa Zazelenerjo města je we wobłuku projekta „1 000 štomow za Budyšin“ informaciski wječor wuhotowała. W połnje wobsadźenym ekumeniskim tachantskim wobchodźe sprjewineho města wěnowachu so „kmanemu posadźenju na dobro insektow“.
