Krótkopowěsće (13.07.23)
Nochcetaj w Bórkowach wostać
Bórkowy. Wučerjej, kotrajž běštaj prawicarske podawki na šuli „Mina Witkojc“ w Bórkowach wozjewiłoj (SN rozprawjachu), chcetaj kubłanišćo w Błótach wopušćić. To staj powěsćerni dpa wobkrućiłoj. Přičina je, zo staj njepřećelskosćam z prawicarskeje sceny wustajenaj. Tak bě srjedu dokoławokoło šule třiceći nalěpkow z jeju wobličom a namołwu widźeć, zo njech so zminjetaj do Berlina.
Planuja kooperaciju z UEFA
Flensburg. Federalistiska unija europskich narodnych mjeńšin (FUEN) planuje, swoju klětušu Europeadu z paralelnje so wotměwacym Europskim koparskim mišterstwom muži w zhromadnej kampani zwjazać. „Njeje pak hišće jasne, na kotre wašnje“, praji zjawnostna rěčnica FUEN Merle Bornemann a doda: „Za kampanju smy projektne městno wupisali.“
Milan Kundera njeboh
Policija (12.07.23)
Spinadło přićahnyć zabył
Ćichońca. 52lětny parkowaše swój Toyota předwčerawšim na Wojerowskej dróze w Ćichońcy, zaby pak spinadło přićahnyć. Wosobowe awto kuleše so přez dróhu a zrazy na priwatnu ležownosć. Při tym skóncowa wone wjacore rostliny, listowy kašćik a fasadu dwójneho domu. Škodu trochuja na něhdźe 7 000 eurow.
Radźićeljo wuradźuja
Z busom a železnicu k lěkarjej
Přiručka za kolesowarjow wušła
Ćopłotu chcedźa zaručić
Přichodne zastaranje sej hišće raz wot fachowcow rozjasnić dali
Njeswačidło (JK/SN). Na posedźenju Njeswačanskeje gmejnskeje rady w juniju njejsu so radźićeljo na zrěčenje ze zastaraćelom ćopłoty za bydlenja ryćerkubła, sportowu halu a dom sportowcow dojednać móhli. Tohodla běchu sej na wčerawše posedźenje hišće raz fachowcow přeprosyli, zo byštaj jim jasnje lěpšiny a perspektiwy tepjenja z wšelakimi surowiznami za přijomnu płaćiznu rozjasniłoj.
Wočakuja zaso wjesne wjetowanje
Sulšecy (AK/SN). Do Sulšečanskeho wjesneho swjedźenja knježi we wsy stajnje trochu napjatosće. Spěwar a moderator Heiko Harig so kóžde lěto z wjesnym předstejićerjom Jurjom Brösanom sadźi. „Potom je jenož hodźina chwile nadawk spjelnić“, rozprawjataj předsyda Sulšečanskeje Halštrowskeje młodźiny Józef Bělk a předsyda wjesneho kluba Frank Kral. „Jónu dyrbješe w běhu hodźiny 30 mopedow typa Simson na swjedźenišćo přijěć. Dalši raz bě rjećaz bowow wot Čorneho Halštrowa hač na swjedźenišćo trěbny.“ Přěhrali Sulšečenjo sadźenje hišće ženje njejsu. To ma tež k lětušemu wjesnemu swjedźenjej wot 14. do 16. julija tak wostać.
Přihoty traja stajnje wjacore měsacy. Terminy z hudźbnikami, DJjemi a dalšimi maja so dołhodobnje wotrěčeć. „EWAG nam nuzowy milinowy agregat přewostaji. Tón trjebamy, zo by naša jewišćowa technika bjezporočnje fungowała“, praji Józef Bělk. Wjesny klub, wjesna rada, wohnjowa wobora a Halštrowska młodźina wjesny swjedźeń hromadźe organizuja. Mnozy z 290 wobydlerjow wsy sobu pomhaja. Mjez druhim natwarja stan a jón wupyša.
Wot meje móžeš dźakowano web-kamerje zaso baćony w jich hnězdźe ...
Połne městno zdźeržeć
Zły Komorow/Budyšin (SN/MiP). Serbska trikolora zmawowaše so tydźenja štwórtk před wokrjesnym zarjadnistwom wokrjesa Hornje Błóta-Łužica w Złym Komorowje. Tudyša społnomócnjena za serbske naležnosće Hanka Rjelcyna běše na konferencu Braniborskich hłownohamtskich zamołwitych za serbske naležnosće přeprosyła. Nimo wšitkich zastupjerjow serbskich wokrjesow kaž tež města Choćebuz běštaj tež krajny rada Siegurd Heinze (njestronjan) a statny sekretar za wědomosć a kulturu Tobias Dünow (SPD) přišłoj. Dünow je zdobom tež zamołwity za serbske naležnosće kraja Braniborskeje. „Dźěło serbskich społnomócnjenych je nic jenož hladajo na praktiske prašenja mjeńšinoweho škita na městnje jara wažne, wone tež mócnje k tomu přinošuje, zo je hłós Serbow w Braniborskej dźensa prezentniši hač hdy prjedy“, wón na zarjadowanju wuzběhny.
Čestnohamtscy wjeski wobohaćeja(1)
Cyłkownje 18 towarstwow je so w zwisku z wubědźowanjom Leaderoweje kónčiny Hornjołužiska hola a haty „Podpěra regionalneho dźěła“ wuznamjeniło. W swojej lětnjej seriji wěnuje so wječornik dobyćerjam a chce towarstwa a jich zaměry předstajić.
