Kwalita wody jara dobra
Ćisk (AK/SN). Po wobšěrnym ponowjenju a rozšěrjenju su minjeny pjatk Ćišćansku wodarnju Wojerowskich zastaranskich zawodow VBH oficialnje přepodali. Město dotal 8 600 produkuja tam nětko 11 500 kubiknych metrow wody wob dźeń. Tak zastaruje zawod wjace hač 40 000 ludźi we Wojerecach a wokolinje, nimo toho tójšto přemysłowych a industrijowych zawodow. „Je to prěni zwoprawdźeny projekt změny strukturow w našim měsće“, wuzběhny jednaćel VBH Wolf-Thomas Hendrich. Hromadźe z dalšimi hosćimi wotkry wón wulki pisany grafiti Běłowodźanskeho wuměłca Renéja Krunera. Wobraz předstaji, kak wažna woda za žiwjenje je.
Z wjesnym swjedźenjom je Chelnjanska wohnjowa wobora sobotu swoje ...
Krótkopowěsće (03.07.23)
Jubilej woswjećili
Choćebuz. Braniborska techniska uniwersita Choćebuz-Zły Komorow swjeći tele dny 10lětne wobstaće. Na campusu w Choćebuzu su zamołwići zawčerawšim swjedźeń zarjadowali, na kotrymž wobdźěli so braniborski ministerski prezident Dietmar Woidke (SPD). Dalše swjedźenske zarjadowanje je přichodny kónc tydźenja w Złym Komorowje předwidźane.
List přećiwo Wagenknecht
Drježdźany. Wšitcy zapósłancy sakskeje Lěwicy chcedźa w padźe załoženja noweje strony Sahry Wagenknecht dale Lěwicy swěrni wostać. To su wšitcy čłonojo frakcije w sakskim krajnym sejmje, štyrjo zapósłancy w zwjazkowym sejmje a zapósłanča w europskim parlamenće w zhromadnym lisće zwuraznili. Zdobom kritizuja towaršow, „kotřiž z resursami strony přećiwo swójskej stronje dźěłaja.“
Nowe jězbne předpisy
Płokać a přichod molować
Serbski muzej ma tójšto prózdninskich poskitkow přihotowane
Budyšin (SN/MWj). Cyłu sep prózdninskich poskitkow ma Budyski Serbski muzej w lětnich prózdninach za dźěći wot pjeć do wosom lět přihotowanu. Tak chcedźa so 11. julija na slědy Krabata podać. Wo zabawne muzejowe dopołdnjo postaraja so napjate stawizny a baje wokoło dušneho serbskeho kuzłarja Krabata, Čorneho młynka a Awgusta Sylneho. Kotra z třoch wosobow je najsylniša, wujasni so hakle na kóncu! Mali kuzłarjo pasla sej kuzłarski kij za doma. Dalši termin je 17. awgust, kaž muzej w nowinskim wozjewjenju informuje.
„Budyšin we wobrazach“ rěka hesło poskitka 13. julija. Wobdźělnicy podadźa so na puć, zo bychu Budyšin z wočomaj wuměłcow widźeli. Wuhotowani z twórbami znatych symbolow Budyšina zbliža sej wuměłcow a motiwy. Jako mała dopomnjenka nastawa swójske wuměłstwo na póštowych kartach. Zetkanje je w Serbskim muzeju.
Policija (30.06.23)
Tójšto škody načinili
Wojerecy. Po wšěm zdaću přewjele mocy a přemało rozuma mějachu njeznaći, kotřiž su minjene dny na terenje při Wojerowskej Bonhoefferowej zachadźeli. Wandalojo skóncowachu tam wjacore nadróžne latarnje, wokno kaž tež blidotenisowu platu z betona. Nimo toho wjacore sćěny z barbu pomórachu. Wěcnu škodu trochuje policija na něhdźe 14 000 eurow. Dalše přepytowanja přewza kriminalna słužba Wojerowskeho rewěra.
Wobornicy a hercy z jubilejom
Miłoraz (JoS/SN). Kulojtej jubilejej su minjeny kónc tydźenja w starym a nowym Miłorazu swjećili. W starym Miłorazu zhladowaše dobrowólna wohnjowa wobora na stolětne wobstaće. Dokelž ma so wjes brunicy dla zhubić, dowjezechu historisku sykawu na jeje nowe městno noweho Miłoraza. Tam budźe tradicija Miłoraskich wobornikow takrjec dale wjedźena.
Jako swjećachu wobornicy 1973 swoju 50. róčnicu wobstaća, załožichu hrajny ćah, kotryž je nětko tohorunja na 50 lět skutkowanja zhladował. Mjez sobuzałožerjemi bě tehdy Günter Šprjejc. Kaž wón wě, wobsteješe tajki hrajny ćah hižo za čas Prěnjeje a Druheje swětoweje wójny. Někotři z tehdyšich hudźbnikow chcychu nowy hrajny ćah wutworić, wšako tež instrumenty hišće mějachu. Pozdźišo pak mnozy ze staršich čłonow zaso wustupichu, nochcyjo so hudźbnemu reglementej tehdyšich mócnarjow podrjadować. Přiwšěm hudźbny ćah dale eksistowaše. Wot Slepjanskeje zakładneje šule přewza wón samo dźěłowe zjednoćenstwo za hudźbu, tak zo bě tež wo dorost postarane.
16 ludźi přewažnje z Bukečanskeje wosady zetka so wčera na ...
Krótkopowěsće (30.06.23)
Znowa wjace bjezdźěłnych
Budyšin. We wuchodnej Sakskej je bjezdźěłnosć w juniju wo 224 snadnje na 19 244 wosobow rozrostła. Wo tym je Budyska wotnožka agentury za dźěło dźensa informowała. Zwyšena ličba bjezdźěłnych ma hłownje dwě přičinje. Jónu su jobcentery nimale lěto za dohladowanje ćeknjenych z Ukrainy přisłušne, jich ličba je so w juniju hišće raz zwyšiła. Nimo toho so dźěłodawarjo z nowopřistajenjemi dale wróćo zdźerža.
Změja podpěru za projekt
Drježdźany. Budyski powołanskošulski centrum w Schillerowych zelenišćach słuša we wobłuku programa Pegasus k 22 kubłanišćam, kotrež chcedźa lětsa z 25 projektami „pomnik adoptować“. Jich sakske ministerstwo za kultus z 250 do 500 eurami podpěra. Budyski projekt měri so na „Ludźi w Budyšinje – stawizny židowskich swójbow“, židowske pohrjebnišćo w Budyšinje“.
Russell Crowe w Čěskej
41 młodźatow ma nětko rynce
Njeswačidło (SN/MWj). Wosebite dźěłowe městno wysoko w powětře měještaj wčera sobudźěłaćerka spěchowanskeho towarstwa Njeswačanskeje ptakoškitneje stacije Katrin Hoffmann a jeje pomocnik Stefan Meinert. Wonaj staj 41 młodych baćonow na 15 městnach mjez Kulowom, Budyšinom a Kamjencom wopjeršćeniłoj, zdźěli koordinatorka přirodneje centrale Budyskeho wokrjesa Cornelia Kobalz.
Jednotne měnjenje trěbne
Delanscy radźićeljo so na termin k wujasnjenju stejišća dojednali
Róžant (JK/SN). Hižo loni, jako prěni raz wo projekće fotowoltaikoweje připrawy pola Šunowa rěčachu, wjacori čłonojo gmejnskeje rady Ralbicy-Róžant napominachu, sej wutworić jasne měnjenje a stejišćo k projektej. Wšojedne, kak so potrjecheni wobydlerjo k projektej wupraja, poslednje słowo ma a změje gmejnska rada.
Na jeje minjenym posedźenju namołwještaj Józef Woko (Swobodne wolerske zjednoćenstwo Delany) a Eduard Luhmann (CDU) znowa swojich kolegow a wosebje wjesnjanostu Hubertusa Ryćerja (njestronjan) skónčnje namakać chwile, zo bychu so dojednali na jedne měnjenje k projektej. Tež hdyž njeje předewzaće UKA, kotrež připrawu planuje, hišće oficialnu próstwu za natwar zapodało, je nuznje trěbne měć jasne stejišćo k tomu.
