Suchota zawostaja slědy
Slepo (AK/SN). Měsacy wot nalěća 2018 hač dosrjedź 2021 běchu w gmejnach Slepo, Trjebin a Dźěwin jara suche. „Staw dnowneje wody je wjedra dla spadnył. Hakle wot srjedź 2021 bě na někotrych wotrězkach lochke wolóženje zwěsćić. Přez wotwódnjenje hižo tak a tak zawinowane zniženje dnowneje wody je suchota zesylniła“, podšmórny projektowy nawoda za wodowy monitoring w Freibergskim inženjerskim běrowje GUB Tobias Radach póndźelu w Slepom. Z koleginu Janinu Slesaczek a kolegu Robertom Zimmermannom předstaji wón wuslědki wodoweho monitoringa 2017–2021. Něhdźe 30 zajimowanych wobydlerjow z třoch gmejnow w Serbskim kulturnym centrumje napjeće připosłuchaše. Inženjerski běrow přewjeduje wodowy monitoring w nadawku LEAG. Při tym měrja pegelowe stawy dnowneje wody a wobhladaja sej nimo toho powjeršnu wodu, wjedro a spadki.
Dary towarstwowe žiwjenje skrućeja
Kaž ćopły dešć je za město Běłu Wodu kóžde lěto spěchowanje, kotrež přewostaja energijowy koncern LEAG. Z toho profituja najwšelakoriše towarstwa za swoje projekty.
Běła Woda (AK/SN). Z dohromady 60 000 eurami podpěruje energijowy koncern LEAG w tymle lěće towarstwowe žiwjenje za powšitkownowužitne zaměry. Měšćanska rada je wčera rozsudźiła, kak srědki rozdźěla. 12 000 eurow dóstanu towarstwa we wobłuku młodźinskeje pomocy, 7 200 eurow we wobłuku dobroćelstwa, 10 800 eurow we wobłuku kultury a 30 000 eurow w sportowym wobłuku. „Hač do 31. měrca móžachu towarstwa swoje próstwy wo spěchowanje w měšćanskim zarjedźe zapodać“, rozłoži wyši měšćanosta Torsten Pötzsch (Klartext). Kotre z tychle próstwow wobkedźbuja, su syć za młodźinske dźěło, měšćanske towarstwo a sportowy zwjazk města namjetowali. Tak derje kaž lětsa rozdźělenje srědkow hišće ženje njebě, wyši měšćanosta wuzběhny.
W šěsć padach hłosowanski lisćik falował
Pobrachowacy hłosowanski lisćik w podłožkach za listowe wólby w Kamjencu je k tomu dowjedło, zo předleži wokrjesnej wólbnej nawodnicy Budyskeho wokrjesa pohóršk.
Budyšin/Kamjenc (SN/at). Horca faza do rozsudneho koła wólbow krajneho rady tutu njedźelu we wokrjesu Budyšin traje. Mnozy ludźo su swoje požadane podłožki za listowe wólby dospołnje dóstali. Pola někotrych pak něšto falowaše. „Pola mnje hłosowanski lisćik připołoženy njebě“, rozprawja Kamjenčanka Gabi Matschke. Jeje formelne hóršenje město přiwzało njeje. „Ja móžu so starać. Hdyž pak to staršich, tak njehibićiwych potrjechi a woni tohodla wolić njemóža, to bych za zlě měła“, powěda wona.
Krótkopowěsće (30.06.22)
Darmotny test wobmjezowany
Berlin. Třeći wukaz Zwjazkoweho ministerstwa za strowotu nastupajo postajenja testowanja na koronu je wot dźensnišeho płaćiwy. Prawo na darmotny test ma wotnětka jeničce „skupina wulnerabnych wobydlerjow“, kotřiž so rozdźělnych přičin dla šćěpić dać njemóža. Wjetšina ludźi móže so nadal dobrowólnje testować dać, popłatk wučinja tři eura.
Wójny dla wjace bjezdźěłnych
Nürnberg/Kamjenica. Po informacijach Zwjazkoweje agentury za dźěło je so ličba bjezdźěłnych w juniju jasnje powyšiła. Kwota bjezdźěłnosće postupi wo tři dźesaćiny na 5,2 procentaj. Jako přičinu mjenuje agentura „zapřijeće ćěkancow z Ukrainy do statistiki“. W Sakskej je aktualnje něhdźe 116 000 wobydlerjow bjez powołanskich dochodow, kwota powyši so na 5,5 procentow (+0,3 proc.).
Protest wulkopósłanca
Policija (29.06.22)
Rubježnika lepili
Běła Woda. 45lětny muž chcyše předwčerawšim w Běłej Wodźe kupnicu wurubić. Při kasy wućahny wón na pistolu podobny nastroj a sobudźěłaćerce hrožeše. Žona so wustróži a njereagowaše. Na to muž z awtom ćekny. Dźakowano dobreho wopisowanja swědkow wuhladachu jeho pozdźišo při hraničnym přechodźe w Mužakowje a jeho zajachu. Dalšich rubježnych deliktow dla předležeše přećiwo 45lětnemu hižo přikaz zajeća.
To jenož gmejnje njesmjerdźi
Přetwar Ralbičanskeje kormjernje swini pokazuje wjacore njedostatki
Ralbicy (JK(SN). Na gmejnu Ralbicy-Róžant je přišła z Budyskeho krajnoradneho zarjada próstwa wo stejišćo k tekturje nastupajo kormjernju swini w Ralbicach. Tektura wopřija změny hižo wuprajeneje twarskeje dowolnosće bjez toho, zo je twarska naprawa zakónčena.
Nowe poskitki na nowym dworje
Předstaja serbske nałožki
Rozdźělne měnjenja wo ponowjenju
Chrósćicy (MG/SN). Wosadna rada a wosadne předstejićerstwo Chróšćanskeje wosady stej wčera na druhe informaciske zarjadowanje k nutřkownej renowaciji Chróšćanskeje cyrkwje přeprosyłoj. Jako přihot běchu njedźelu po kemšach informaciski list rozdźělili. Něšto wjac hač 50 zajimcow je na wječork přichwatało. Jim farar Měrćin Deleńk a architekt Marko Dźisławk rozłožištaj, što měło so čehodla na kóždy pad wobnowić a kotre namjety a planowanja hižo eksistuja.
Něšto činić měli na přikład za wołtar a wołtarne blido, za wudospołnjenje wobłoženja wokoło chórow, za wobswětlenje, lěpšu akustiku, sakristiju a za sporjadkowanje schodow we wołtarnišću. Wuraznje farar Deleńk podšmórny: „Ale plany njejsu železny zakoń a nic do cementa late! Nic wšo, štož sej přejemy, budźe so hodźeć přesadźić, ale bjez plana njepóńdźe.“ Za lěpše znazornjenje bě architekt spřihotował kompjuterowy 3D-wobraz jako model ze wšelakich perspektiwow.
