Z wobnowjenej internetnej stronu iniciatiwy a projekty lěpje splesć

Zhorjelc (AK/SN). Zhorjelski wokrjes chce iniciatiwy za demokratiju přichodnje sylnišo splesć. Jich projekt „Partnerstwo za demokratiju“ ma nětko wobnowjenu internetnu prezentaciju , kaž nowinska rěčnica Franziska Glaubitz zdźěli. „Nowa webstrona mnohe nowe móžnosće skića a spjelni zdobom nadawk jako platforma informacijow a splećenja.“

Budyšin (JBo/SN). Ličba nowych schorjenjow na koronu w Budyskim wokrjesu dale sylnje stupa. Tež poćeženje klinikow dale přiběra. Tučasnje hladaja w nich cyłkownje 89 ludźi, 18 z nich na intensiwnych stacijach. Z 48 pacientami – jědnaće z nich na intensiwnej staciji – maja w Budyšinje a Biskopicach najwjace pacientow. Tohodla njejsu wot jutřišeho w Budyšinje a Biskopicach kaž tež w Radebergu žane wopyty wjac móžne. Aktualneje situacije dla je Budyski wo­krjes dalše wob­mjezowanja korony dla wukazał. Wot jutřišeho su zetkanja w zjawnym a priwatnym rumje jenož hišće hač do maksimalnje dźesać ludźi dowolene. Wuwzate z toho su dźěći hač do 14 lět, šćěpjeni a wustrowjeni. Sakska planuje wot póndźele, 8. nowembra, zawjesć 2-G-rjadowanje. Wokrjes Budyšin tole wot­po­ka­­zu­je, wuchadźa z medijoweje zdźělenki. „Fa­worizujemy powšitkownu winowatosć so testować dać za wšitke wosoby njewotwisnje wot statusa šćěpjenja abo wustrowjenja“. Doskónčnje wo dalšich wobmjezowanjach korony rozsudźi swobodny stat jutře. Kaž Budyski krajnoradny zarjad zdźěli, wostanje wón wot přichodneje póndźele, 8.

Dalše smjertne pady

Budyšin/Zhorjelc. Štyri dalše wosoby su w Zhorjelskim wokrjesu w zwisku z koronawirusom zemrěli, 343 nowo­natyknjenych su wčera tu zwěsćili. Incidenca zwyši so po dźensnišej informaciji RKI na 376,4. Tež w Budyskim wokrjesu bě wčera nowy smjertny pad. Dohro­mady bě tu wčera 653 nowoinfekcijow, RKI poda dźensa incidencu 429,9. Wo­krjes Budyšin steji na 15. městnje němskich městow z najwjetšej incidencu.

Kulturne spěchowanje EU

Bonn. Na wobnowjenej internetnej stronje „Europa fördert Kultur“ móža so zajimcy wo třinaće spěchowanskich programach Europskeje unije informować, kotrež tež kulturne projekty podpěraja. Kontaktowe městno za němske zarjad­nišća je „Creative Europe Desk KULTUR“ (CED KULTUR) w Bonnje, kotrež próstwustajerkam a -stajerjam pomoc skići.

Dwě hodźinje wo Serbach

Heusweiler. Pod hesłom „Witajće k nam! Zu Besuch in der Lausitz“ je tuchwilu dlěje hač dwě hodźinje trajacy podcast na internetnej stronje přistupny. Stawizny Serbow powěda tam Feliks Ričel. Je to 130. wu­daće podcasta w zamołwitosći Nicka Kaßnera z Heusweilera (Posarska).

Tobołku pokradnyli

Kamjenc. Z njewšědnym padustwom zaběra so policija w Kamjencu. We wobchodźe na Cyrkwinskej hasy je so předwčerawšim připołdnju tobołka z rumnosće za sobudźěłaćerjow zhubiła. Po informacijach policije bě w tobołce móšeń z wupokazami, kartami a něhdźe 800 eurami. We wobchodźe běštej w tym času dwě žonje. Něhdźe dwě hodźinje pozdźišo wuhladachu samsnu tobołku w druhim wobchodźe. Pjenjezy pak w njej hižo njeběchu. Nětko pyta policija swědkow, kotřiž su předwčerawšim na Kamjenskej Cyrkwinskej hasy snano něšto podhladneho wobkedźbowali.

Bjez dowolnosće a zawěsćenja

Wojerecy. Hnydom wjacore delikty skućił je šofer Volvowa, kotrehož policisća předwčerawšim we Wojerecach kontrolowachu. 46lětny sprěnja scyła žanu jězbnu dowolnosć njeměješe. Zdruha jeho jězdźidło přizjewjene a střeća tež zawěsćene njebě. Dale jěć Wojerowčan wězo njesmědźeše.