Wosebita krjepjeńčka w cyrkwi
Hłosaj přećiwo demokratiji
Wjetšina čłonow financneho wuběrka so za projekty wuprajiła
Budyšin (CS/SN). Financny wuběrk města Budyšina wuradźowaše wutoru wo třoch projektach we wobłuku spěchowanskeho programa zwjazkoweho knježerstwa „Demokratiju pěstować“. Krajny zwjazk Dźěłaćerskeho dobroćelstwa chce idejowu konferencu młodźiny wuhotować. 200 młodostnych ma so w pjeć dźělach města zetkać, zo bychu na neutralnym městnje diskutowali a ideje za dobru zhromadnosć w měsće wuwiwali. Projekt dyrbjeli dorosćeni moderěrować, zo by so komunikacija mjez młodostnymi a politiku kaž tež zarjadnistwom města polěpšiła. Za projekt su wo 20 000 eurow prosyli. Wjetšina čłonow wuběrka, mjenujcy pjećo, je so za próstwu wuprajiła, dwaj přećiwo njej. Přećiwnej hłosaj běštaj z frakcije AfD. Sieghard Albert wupraji swoje njezrozumjenje, runje w tuchwilnym času pjenjezy wudawać za něšto, štož ma so organizować, a nic za něšto, štož hižo je. Wón namjetowaše pjenjezy druhdźe zasadźić. Financny měšćanosta dr. Robert Böhmer pak wujasni, zo „njeje móžno srědki hinak wužiwać hač za poprawny wotmysł.
Při zajězdźe na Brězanec/Ješkec dwór w Kopšinje steji wot ...
Restawruja Wenusowu hrjadku
Přihódny wokomik
Za zažne spóznawanje ducy po wuchodnej Sakskej
Budyšin/Pěrno (SN/bn). „Mammamobil“ je tajke něšto kaž radiologiska praksa a zdobom labor na kolesach. Jězdźidła wudospołnjeja stacionarne přepytowanja hrudźe k zažnemu spóznawanju nadroweho raka, kotrež žonam w starobje 50 do 69 lět we wobłuku wot zwjazkoweho knježerstwa wobzamknjeneho programa na zakładźe europskich směrnicow wot 2002 kóžde druhe lěto poskićeja.
We wuchodnej Sakskej dojědźe sej mobil mjez druhim do Niskeje, Běłeje Wody a Žitawy. Dźensa kónči so třiměsačny přebytk na Budyskim Třělnišću, wot póndźele změja pacientki we Wjelećinje móžnosć so přepytować dać. Wotpowědne přeprošenja je zamołwita centrala w Kamjenicy hižo rozesłała. W padźe, zo tajke dóšło njeje, móža so žony na stronje www.mammotermin.de přizjewić. Na portalu nimo toho wuzběhuja, zo njeje tak mjenowany mamografiski screening winowatostny, přiwšěm přepytowanja doraznje doporučeja.
Wjacorych njeskutkow dla chłostany
Budyske hamtske sudnistwo je 21lětneho z města zasudźiło, kiž bě před něhdźe lětom na póstničce Serbskeho gymnazija Budyšin w Šunowje na bijeńcy ze serbskimi młodostnymi wobdźěleny. Při tym zrani šulerja, kotrehož dyrbjachu medicinsce zastarać.
Budyšin (SN/bn). Po wusudźe sudnistwa dyrbi skućićel 21 měsacow do jastwa. Přičina pak njeje dopokazane ćělne zranjenje. „Prawje je, zo je sudnistwo wobskorženemu chłostanje předewšěm njedodźerženja wobstejacych pruwowanskich naprawow (Bewährungsauflagen) dla napołožiło“, direktor juristiskeje instancy Markus Kadenbach na naprašowanje Serbskich Nowin podšmórny. Pokutu běchu jemu wjacorych deliktow dla – mjez druhim bě policistow a zastojnikow hłowneho cłownistwa skřiwdźił a jězdźidło zastojnikow wobškodźił – po procesu w nowembrje 2020 wuprajili.
Krótkopowěsće (05.03.21)
Dalše podhlady mutacije dla
Budyšin. Wokrjes Budyšin informowaše wčera wo dalšich 55 natyknjenjach z koronawirusom a wo 15 smjertnych padach, z kotrychž bě dwanaće z februara. Wot wokrjesa zwěsćena incidenca wučinješe 99. W laborach zwěsćichu 65 podhladow na wirusowu mutaciju. W Zhorjelskim wokrjesu bě 36 nowych infekcijow a jedyn smjertny pad. Tam mějachu wčera incidencu 73,60.
List krajnemu biskopej
Choćebuz. Spěchowanske towarstwo za serbsku rěč w cyrkwi je wčera w lisće sakskemu krajnemu biskopej Tobiasej Bilzej swoju starosć wo aktualnym konflikće nastupajo Hodźijsku wosadu strukturneje změny dla zdźěliło. Zo měł Serbski wosadny zwjazk nětko w naležnosći skoržić, „nimamy za přistojne wobchadźenje mjez bratrami a sotrami“, w lisće rěka.
Prawopisna kontrola
Kameradski duch sylnić
Wohnjowa wobora w Slepom dóstanje nowu gratownju
Slepo (AK/SN). Na Slepjanskej přemysłowej přestrjeni do směra na Grodk ma nowa gratownja nastać. Lětsa w oktobru hišće chcedźa za nju platu betonować, klětu w decembru 2022 ma depot hotowy być. Tomu je so wutoru gmejnska rada wuznała a jednohłósnje dalše postupowanje wobzamknyła. Cyłkowne kóšty za planowanje a twar postajichu na maksimalnje 2,5 milionow eurow, kotrež maja Sakska, wokrjes Zhorjelc, gmejna Slepo a energijowy koncern LEAG zwjesć. „Z nowej gratownju polěpšimy wuměnjenja za wukubłanje, wuwučowanje a dalekubłanje. Dotalny depot je přestarjeny“, potwjerdźi nawoda wobory Detlef Slabina. Wjesnjanosta Jörg Funda (CDU) rěčeše wo wažnym mězniku. Jednohłósne wobzamknjenje jeho zwjeseli. „Nastorčimy tak najwjetše twarske předewzaće w Slepom po wotewrjenju tudyšeho Němsko-serbskeho šulskeho centruma.“
