Sobudźěłaćerjo nadróžneje mištrownje z Budyšina wurězuja ...
Ptačokwasne pječwo nam nichtó wzać njemóže
Sněh so dźe a zyma je. Wonkowne wuměnjenja za woblubowany ludowy nałožk ptačeho kwasa we Łužicy poprawom trjechja. Lěto 2021 pak je hinaše. Kaž hižo wulki dźěl minjeneho lěta škitne naprawy koronapandemije dla naše žiwjenje dale postajeja. Zjawne zarjadowanja žane njejsu, dźěćace přebywarnje su zawrjene hač na nuzowe zastaranje tych dźěći, kotrychž starši dźěłaja w tak mjenowanych za system relewantnych powołanjach. Mamy sej nós a hubu z nahubnikom škitać a strašne wiry wot našich slinowkow wotdźeržować. Sroka a hawron z tajkim škitom pak stej jeno ćežko předstajomnej.
25. januar jako dźeń ptačeho kwasa wězo budźe. Bohužel njemóža starši, wowki a dźědojo swojich najmłódšich lětsa w ptačokwasnym ćahu pěstowarnje abo zakładneje šule dožiwić. Runje tak njeje žaneje šansy, na jednej z hišće wobstejacych łužiskich žurlow tradicionalny program Serbskeho ludoweho ansambla dožiwić, ani za dorosćenych ani za dźěći nic, byrnjež titul lětušeho dźěćaceho ptačokwasneho programa „Kiž je z wětrom přišoł“ nas dosć wćipnych činił.
Jako měšćanosta so tež za serbske naležnosće zajimował
Kaž lědma štó je něhdyši Grodkowski měšćanosta Egon Wochatz politiske rozsudy w swojim domizniskim měsće kaž tohorunja we wokrjesu Sprjewja-Nysa sobu zamołwjał. Loni 14. decembra je wón 84lětny zemrěł.
W dosć ćežkim popřewrótowym času je Wochatz jako měšćanosta rizika wotwažował a poskićace so šansy wužiwał, zo by swoje město doprědka přinjesł. Zahe je při tym wosebity wuznam serbskeje rěče a kultury jako znamjo jónkrótnosće we Łužicy spóznał. Najebać mnohe hospodarske ćeže w 1990tych lětach so wón jara za to zasadźeše, zo w šulach a pěstowarnjach serbšćinu spěchuja. To je w aprylu 2001 k tomu wjedło, zo wutworichu přiradu za serbske naležnosće města Grodka a wokoliny. Tam su zajimy serbskeho žiwjenja znosyli a rozjimali. Gremijej přisłušachu předsydki a předsydźa Domowinskich skupin, drastoweho towarstwa Grodkowski serbski kwasny ćah, wučerki serbšćiny. Na posedźenja bě zjawnosć přeco přeprošena.
Krótkopowěsće (13.01.21)
Incidenca něhdźe konstantna
Budyšin/Zhorjelc. We wokrjesu Budyšin su wčera 164 dalšich z koronawirusom natyknjenych zwěsćili. W chorownjach lěkuja 237 pacientow, 34 z nich na intensiwnej staciji. Štyrjo schorjeni su wčera zemrěli. Incidenca w Budyskim wokrjesu wučinja 480,33. W Zhorjelskim maja tuchwilu 3 011 natyknjenych (+ 124), jědnaće wosobow je zemrěło. Incidenca tam je 436,44.
Statne zrěčenje podpisałoj
Drježdźany/Magdeburg. Ministerskaj prezidentaj Sakskeje a Saksko-Anhaltskeje Michael Kretschmer a Reiner Haseloff (wobaj CDU) staj wčera nowe statne zrěčenje za MDR podpisałoj. Durinski premier Bodo Ramelow (Lěwica) bě jemu hižo do hód přihłosował. Nětko móža mjez druhim nowu rozhłosowu radu zestajeć, jeli parlamenty zrěčenje schwala, zdźěli powěsćernja dpa.
Płomjo znowa online
Policija (12.01.21)
Zhromadźenje dowolene było
Holešow. Njedźelu dopołdnja běchu so na wjacorych městnach zwjazkoweje dróhi B 96 ludźo zhromadźili. W Budyskim policajskim rewěrje zličichu něhdźe 40 wosobow. Pjatnaćo su so we Wuhančicach-Koblicy zhromadźili. Jeničce w Holešowje a Žitawje bě tajka zhromadźizna dowolena. Na žanym městnje pak njezwěsćichu zastojnicy někajke zranjenje postajenjow korony dla.
Pomhaja potrěbnym
Kamjenc. Poskitki Kamjenskeje tafle wužiwa tuchwilu něhdźe 30 zhromadźenstwow potrěbnych. Wšědnje wot 14 hodź. móža sej jednotliwcy kaž tež cyłe swójby na Garnizonskim naměsće 4 a zežiwidła a wšědnu potrjebu wobstarać. Čestnohamtscy sobudźěłaćerjo a w jednoeurowym jobje dźěłacy so wo to staraja, zo su wšitke twory za potrěbnych sčasom spřihotowane. Wotranja woni tam twory rjaduja a za tym hladaja, zo su wosebje sad a zelenina čerstwe.
Informaciski dźeń
Žitawa/Zhorjelc. Wysoka šula Žitawa/Zhorjelc poskići 14. januara online-zarjadowanje za prašenja nastupajo studij. Zajimcy móža so wot 9 hodź. při domjacym ličaku na wysokošulskim informaciskim dnju wobdźělić a so wo wobšěrnym po- skitku studijnych móžnosćow wobhonić. Zdobom informuja jich wo wólnočasnych a dalšich poskitkach w Hornjej Łužicy.
Dopisy z myslemi do přichoda
Klub zachowarjow němskeje rěče Budyšin/Hornja Łužica bě loni w septembrje šulerjow 5. do 12. lětnika Budyskeho wokrjesa pod hesłom „Dopisy do přichoda“ k wubědźowanju namołwił.
Budyšin (SN/MiR). Kaž čłon předsydstwa kluba Reinhard Pappai zdźěli, bě hač do kónca nowembra 42 tajkich listow dóšło. Jědnaće dobyćerjow pochadźa ze wšelakich kónčin Budyskeho wokrjesa. Jury kluba bě dopisy w štyrjoch kategorijach wuhódnoćiła. „Nažel njemóžachmy aktualnych wobmjezowanjow korony dla zjawnje planowane zarjadowanje a wuznamjenjenje w decembrje přewjesć. Tuž nětko z pomocu medijow wuslědk wozjewjamy“, wón pisa.
Šoferojo, kedźbu!
Torhaja bywši hotel
Karbonowe niće za industriju
Prěni projekt strukturneje změny we łužiskim rewěrje na zakładźe zakonja wo sylnjenju struktury Zwjazka je přizwoleny. W Hamorje wusměrjeja slědźenski projekt „InnoCarbEnergy“ nětko na produkciju karbonowych nićow.
Krynhelecy (AK/SN). Hamorski wjesnjanosta Achim Junker (CDU) je na wčerawšim posedźenju gmejnskeje rady w kulturnym domje w Krynhelecach (Kringelsdorf) zwěsćił: „Powěsć sakskeho statneho ministerstwa za regionalne wu- wiće, zo bu spěchowanje studije za slědźenski projekt TU Kamjenica přizwoleny, nas jara zwjesela.“
