Jenož mało dopomina dźensa hišće na lěhwo w Narću, w kotrymž běchu nacionalsocialisća francoskich wojakow zajeli a kotrež běše po lěće 1945 přebytk za wuhnatych wójny. Nětko strach hrozy, zo so lacaretna baraka zwottorha. Na platformje change.org zběraja podpisma přećiwo tomu.Narć (SN/MiR). Namołwu Němsko-francoskeho zjednoćenstwa za pedagogiske a kulturelne zhromadne dźěło (REVE) z 13. februara 2024 so na peticiji wobdźělić, je dotal nimale 1 200 ludźi podpisało, mjez nimi tež Serbja. Přichodny zaměr akcije je 1 500 podpismow docpěć. Předsyda REVE dr. Christian Raum ma ležownosć za njewšědnu europsku městnosć dopomnjeća we Łužicy. W swojej argumentaciji za digitalnu akciju wón připowědźene wottorhanje jasnje wotpokazuje. Porno tomu namołwja wón, ležownosć na městnosć měra a zetkawanja wutwarić.

SJ Njebjelčicy –ST Módro-běli Njeswačidło0:1 (0:0)Zestawa domjacych: N. Hahn – C. Reinelt, R. Hanuza, F. Domš (89. G. Čornak), J. Matješk, A. Korjeńk, T. Čornak (62. D. Wagner), P. Hrjehor, N. Rudolf, G. Hermann (89. J. Lehmann), S. Rachela (65. S. Schulze)Hra bě spočatnje wurunana. Bě jasne, zo přećiwnik jara ćělnje hraje a derje zakituje. W 13. min. pochłosta sudnik Józefa Matješka po hraću z ruku ze žołtej kartku. Jenož 13 mjeńšin pozdźišo dóńdźe k podobnej situaciji. Matješk dótkny po njezbožownym duelu w powětře hrajny nastroj znowa z ruku a bu na to ze žołto-čerwjenej kartu z hrajnišća stajeny. Naje­bać falowaceho nazhoniteho a dobreho srjedźopólneho hrajerja hraješe Njebjelčanske mustwo dale dobru kopańcu. Cyłk trenarja Daniela Pohlinga móžeše sej dobre ofensiwne akcije wuhrać a bě w defensiwje stabilny. Hač k połčasej wosta při 0:0 .

Na dworje Lipšćanskeje uniwersity steja sej pro-israelscy a pro-palestinscy demonstranća napřećo. Wjacori studenća su wčera popołdnju audimax, wulku čitarnju uniwersity wobsadźili a přećiwo postupowanju Israela w Gazaskim pasmje protestowali. Policija je wjacorych wobdźělnikow wotwjedła. Tež na druhich uniwersitach Němskeje dochadźa k demonstracijam. Nastork ­běchu protesty na ­wjacorych uniwersitach USA, kotrež bě policija zdźěla namócnje skónčiła. Foto: dpa/Jan Woitas

19 porow młodostnych je so sobotu na Kubicec horje w Čornym Chołmcu na mejemjetanju wobdźěliło. Holcy běchu so serbsku Wojerowsku narodnu drastu woblekli. Někotre dachu sej za to nowu drastu zhotowić abo mějachu swójske abo wot drastoweho towarstwa. Pod přewodom Grodkowskeje dujerskeje kapały ćehnjechu młodostni na Kubicec horu. Jako meja padny bě Nico ­Jurisch najspěšniši. Wón sej Marie Sophie Stephan za mejsku kralownu wuzwoli. Foto: Achim Nowak

Hózk (SN/BŠe). Žně hromaka su so we Łužicy přerěznje wo dwaj tydźenjej prjedy zahajili hač dotal. Přičina toho běchu ćopłe temperatury kónc apryla a spočatk meje. „Tuž móžachmy na polach wokoło Hózka hromak hižo srjedź apryla žnjeć, hewak je to kónc apryla abo spočatk meje“, ratar Michał Domanja rozprawja.Zymne temperatury wokoło 23. apryla, při čimž spadnychu temperatury daloko pod nulu, su rostliny derje znjesli. Za tón čas su pak w Hózku jasnje mjenje woblubowaneje zeleniny žnjeli. „Hromak je přestał rosć“, 88lětny rozkładźe. Na třoch hektarach tam wokoło wjeski hromak plahuja. Na hrjadkach připrawja sobudźěłaćerjo foliju. Při ćopłych temperaturach kładu ju na běłu stronu, tak zo słónco ćopłotu reflektuje. Při zymnych temperaturach foliju na čornu stronu wobroća, tak zo słónco hrjadki wohrěwa. Z kwalitu su jara spokojom. Tež lětsa maja w Hózku zaso dosć swěrnych pomocnikow, kotřiž při žnjach sadu a zeleniny pomhaja. Tak móža spušćomnje wudźěłki kupcam na wikach abo tež Budyskim hosć ...

9.5. – 15.5.2024Budyski filmowy ­palast:Garfield – Eine Extra Portion Abenteuer w 3 D: wšědnje 16:00 Garfield – Eine Extra Portion Abenteuer: wšědnje 15:00 (nimo pó a srj), 17:20 a 20:00 | štw a nj 12:40 The Fall Guy: wšědnje 17:10 a 20 (nimo srj) | srj 19:30 | pj a so 22:40 Challengers – ­Rivalen: wšědnje 20:15 Planet der ­Affen: New Kingdom: wšědnje 14:10 (nimo srj), 17:00 a 19:45 | pj a so 22:10 Beautiful Wedding: wšědnje 16:00 a 20:20 | pj a so 23:00 Arthur der Große: wšědnje 18:10 | štw a nj 12:20 | štw, pj, so a nj 14:40 Civil War: wšědnje 18:00 Sneak Preview: pó 20:00 Chantal im Märchenland: wšědnje 17:20 a 20:30 (nimo nj a srj) | štw, pj, so a wu 14:30 | nj a srj 20:15 What Happens Later: nj 17:00 Abigail: pj a so 22.50 Das Geheimnis von la ­Mancha: wšědnje 14:00 (nimo pó a srj) | štw a nj 12:00 Spy x Family Code: White: pj a so 23:00 Godzilla x Kong: The New Empire: wu 19:45 | pj a so 22:20 Max und die Wilde 7 – Die ­Geister-Oma: štw 12:00 | nj 12:40 | štw, pj, so a srj 14:00 ...

Šulerjo 3. lětnika Budyskeje Serbskeje zakładneje šule pobychu dźensa na wotewrjenju 25. sakskich lěsnych hrow za dźěći a młodźinu. Hamstki šef w kultusowym ministerstwje Wilfried Kühner a statny sekretar za wobswět dr. Gerd Lippold postrowištaj dźěći w Stróži při Domje tysac hatow. Wobaj rozłožištaj jim wažnu funkciju lěsa. Po tym podachu so šulerjo we wosom skupinach k wjacorym stacijam. Tam zhonichu na zabawne wašnje wo wulkej hódnoće lěsa jako žiwjenski rum za čłowjeka a zwěrinu, wo škodach w lěsu, kotrež čłowjek zawinuje, a wo dźěle lěsnych dźěłaćerjow. Foto: SN/Bojan Benić

Marek Krawc rozprawja wo aktualnje rozjimanych temach w ČěskejPraha. We wšelakich wabjenskich filmach wo Praze pokazachu nimo znatych twarjenjow dźensa skerje wosebity lift, tak mjenowany paternoster, kiž je w radnicy na Mariánskim naměsće. W běhu zašłych lět sta so tutón lift z woblubo­wanej atrakciju hłownje mjez wukraj­nymi turistami. Nawal wopytowarjow pak paternosterej njetyješe, tohodla ­rozsudźichu zamołwići, jón zawrěć. Loni w aprylu mějachu posledni turisća ­móžnosć, sej technisku zajimawostku dokładnišo wobhladać. Nětko pak ma ­zaso jězdźić. Turistiska agentura Prague City Tourism chce so wo paternoster ­starać a samo wodźenja organizować. Jězba ma 250 krónow (10 eurow) płaćić. W Praze jězdźa wjacore paternostery ­kaž na přikład w twarjenju Čěskeho rozhłosa.