Přihotuja zetkanje prezidentow
Washington (dpa/SN). USA a Ruska hotuja so na dalše zetkanje prezidentow Donalda Trumpa a Wladimira Putina nastupajo wójnu w Ukrainje. Wonkowny minister USA Marco Rubio bě ze swojim ruskim kolegu Sergejom Lawrowom telefonował, zo by zetkanje w Budapesće přihotował. Madźarski wonkowny minister Péter Szijjártó připowědźi, zo je wón na wopyt do Washingtona přeprošeny. Tež tam chcedźa zetkanje přihotować.
Němska prezentniša
Reykjavik (dpa/SN). Wohroženja ze stron Ruskeje dla chce Němska swoju prezencu w Islandskej zesylnić. Zakitowanski minister Boris Pistorius (SPD) je na swojim wopyće na kupje w dalokim sewjeru wotpowědny dokument podpisał, kotryž ma zakład za dalše zhromadne dźěło być. Islandska, kiž je w NATO partnerka Němskeje, je swojeho geografiskeho połoženja dla wažny strategiski dypk: Je móst do USA a Kanady a twori zdobom wrota do Arktiki.
Sarkozy do jastwa
Woclowa industrija w Sakskej tči – runje tak kaž druhdźe – w ...
Scheel nastupi
Přeslědźa zašłosć
EU reformuje jězbnu dowolnosć
Wjac hač połojca za komuny
Rozdźělenje pjenjez wosebiteho zamóženja w Sakskej jasne
Drježdźany (dpa/SN). Swobodny stat Sakska a komuny su so na to dojednali, kak chcedźa pjenjezy z wosebiteho zamóženja Zwjazka za infrastrukturu a neutralitu klimy rozdźělić. Dohromady 4,8 miliardow eurow staja Zwjazk za dobu dwanaće lět k dispoziciji. Partnerojo su sej přezjedni, zo chcedźa znajmjeńša 60 procentow cyłkowneje sumy pjenjez za inwesticije do komunalneje infrastruktury a předewzaća w zajimje komunow inwestować, zdźěli finančne ministerstwo. Dźesać procentow – to je 483,8 milionow eurow – chcedźa za dalši wutwar krajneje šule za wohnjowu woboru a škit před katastrofami w Narću, za masterplan za juhozapadnu Saksku, za projekty digitalizacije kaž tež za podpěru sakskeho požadanja wo wuhotowanje olympiskich hrow w lěće 2040 nałožować. Komuny dóstanu 2,8 miliardow eurow, zo bychu swoje móžnosće inwestowanja zawěsćili. Z 1,5 miliardami eurow chce kraj dohromady něhdźe 30 procentow pjenjez za swójske projekty wužiwać.
Awta na prěnje městno
To a tamne (21.10.25)
Při rozkorje před nakupnišćom w měsće Lemgo w Porynsko-Westfalskej je młodostny swoje žiwjenje přisadźił. Po zwadźe na parkowanišću a při kasy bě muž młodostneho z wótrym objektom zranił. 33lětnemu nětko wumjetuja, zo je młodostneho na smjerć zranił. Statne rěčnistwo w Detmoldźe a policija w Bielefeldźe pad přepytujetej.
Jimi Blue Ochsenknecht je telewizijne wubědźowanje „Promi Big Brother“ dobył. Publikum wuzwoli 33lětneho, kiž je mjez druhim z filmow „Die wilden Kerle“ znaty, jako dobyćerja. W finalu přesadźi so wón přećiwo designerej Haraldej Glööcklerej a doby dohromady 100 000 eurow. W live-wusyłanju sćelaka Sat1 wón po wozjewjenju swojeho dobyća płaćo přizna, zo je z wusyłanjom dopokazać chcył, zo je wón dobry čłowjek, na kotrehož móžeš so spušćeć.
Na korjenje spominać a přichod twarić: Myto Domowiny 2025
Na swjatočnym zarjadowanju je předsyda Domowiny Dawid Statnik pjatk wječor w Budyskim Serbskim domje angažowanym Serbam Myto Domowiny, Myto Domowiny za dorost a Čestne znamješko přepodał.
Budyšin (LS/SN). W swojich dźaknych słowach nawjaza předsyda Domowiny Dawid Statnik na citat serbskeho molerja Měrćina Nowaka-Njechorńskeho: „Nochcu być wuměłc jenož za wuměłstwo a wuměłstwa dla, nic serbski moler, chcu jenož słužownik serbskeho ludu być a wo nim swědčić. To je moje dźěło, mój nadawk!“
Nabožinske kubłanje wjaza
Berlin (B/SN). Mjezynarodna studija uniwersity w Münsteru je w Němskej, Kanadźe, Italskej, Finskej a Madźarskej posrědkowanje nabožiny pruwowała. Profesorka Christel Gärtner: „Najwažnišu rólu hraja při tym swójbni a cyrkej. Hdyž dźěći a młodostni cyrkej jako rum dožiwjeja, w kotrymž so eksistencielne prašenja wobjednawaja, móže trajna wjazba nastać. Potom cyrkej jako spiritualnu domiznu ze swojimi ritualemi rady wužiwaja.“
Swjata hora Yaripo
Brasilia (B/SN). Narodna skupina Yanomami na sewjeru Brazilskeje zhladuje na 1 000lětne stawizny. Hora Yaripo leži srjedź dešćoweho lěsa Amaconasa w narodnym parku, na kotrejž su po měnjenju Yanomami jich předchadnicy žiwi. Wobydlerjo su wusko z přirodu zwjazani a wěrja, zo ma wšitko dušu. Tajke spirituelno-nabožne zhladowanje mjenuja animizm.
Židam ćeknyć pomhał
