Nowember je měsac spominanja, po­přestaća a zastawanja. W předposlednim měsacu lěta jasnje začuwamy, kak přiroda swój wegetaciski cyklus zakónči.

Swoje žiwjenje dospołnje zhubił, ale tola barbu wobchował je lěs na titulnym wobrazu časopisa, křidoćišću wuměłče Antje Meichsner. Tola do nowembra słušeja tež wjesołe swjedźenje kaž kermuše a schadźowanka. W Rozhledźe předstaja nam dr. Lubina Malinkowa stawizny serbskeje swjedźenskeje kultury a misionskich swjedźenjow. Wozjewjamy pak w tutym čisle jenož prěni dźěl, na pokročowanje w decembrje dyrbiće so sćerpnyć.

Na slědy słowjanskeho etnomuzikologi a čěskeho molerja Luvíka Kuby poda so Jurij Łušćanski, a spomina z tym na jeho 70. posmjertniny. Wostańmy na polu hudźby: Wo tym, kak spřistupnjenje Bjarnata Krawcowych spěwow w zběrkach za wysoki, srjedźny a hłuboki hłós postupuje, informuje Ronald Hein.

W rubrice „Na wopominanje“ spominamy na dweju njeboheju hudźbnikow: na komponista Ulricha Pogodu a na Slepjanskeho ludoweho herca Kita Krawca.

Wodorunje: 3 Beutel serbsce, 6 muske huso, 7 tak wjele, 8 pruhi słónca na škleńčanym předmjeće, 11 dźěl nohi, 14 sportowe towarstwo, 15 kćějaca rostlina, 16 italske město při zaliwje ze samsnym mjenom

Padorunje: 1 wolijowy koncern, 2 přećiwo, 3 reakcija na prašenje, 4 płonina, 5 sylny wichor, 9 francoska rěka, 10 spěšnje, 12 wobydler Baltikuma, 13 drohotny kamjeń