Zazběh martrowneho tydźenja twori lětsa zdobom přechod wot ...
pjatk, 27. měrca 2026
spisane wot: Bianka Šeferowa
Zazběh martrowneho tydźenja twori lětsa zdobom přechod wot zymskeho na lětni čas. W nocy wot jutřišeje soboty na bołmončku přestaja so časniki rano w 2 hodź. wo hodźinu doprědka. Zo njeby so rumočasowy kontinuum tohodla sypnył, nawróći so „zhubjeny čas“ w nocy na poslednju njedźelu lětušeho oktobra. Fotomontaža: SN/Bojan benić
Wozdebjenje jutrownych jejkow drje je najwoblubowaniši serbski ...
pjatk, 13. měrca 2026
spisane wot: Serbske Nowiny
Wozdebjenje jutrownych jejkow drje je najwoblubowaniši serbski nałožk nalěća. Mjez institucijemi, kotrež w tym zwisku prawidłownje dźěłarnički poskićuja, je tež Budyski Serbski muzej. Trajnu wustajeńcu wudospołnjeja tam wotnětka mytowane kolekcije lětušeho wubědźowanja wo najrjeńše serbske jutrowne jejko a kompaktny wobłuk „Jutry w Serbach“. Foto: Maćij Bulank
Křižowka (13.03.26)
pjatk, 13. měrca 2026
spisane wot: Mikławš Krawc
Wodorunje: 3 starobny pjenjez, 6 ruski jězor, 7 swjedźenska jědź na turistiskej łódźi, 8 prjedawši korčmar w Róžeńće, 11 stat we wuchodnej Africe, 14 nic staće, 15 drasta Japančanki, 16 sudobjo
Padorunje: 1 němski fyzikar (Ernst), 2 nic město, 3 mjeno wosadnicy w Ralbicach, 4 načolna skupina, 5 směr wuwića, 9 wubědźowanska čara awta w Italskej, 10 žónske předmjeno, 12 drohotny płun, 13 dźělčk materije
Hižo dlěje hač pjeć lětdźesatkow zahorja wuchodoněmska koryfeja ...
pjatk, 06. měrca 2026
spisane wot: Serbske Nowiny
Hižo dlěje hač pjeć lětdźesatkow zahorja wuchodoněmska koryfeja Engerling fanow ze swojej kóždychžkuli šibrinkow so wzdawaceje měšeńcy bluesa, boogieja a rocka. Jutře, sobotu, koncertuje skupina na jewišću Biskopičanskeho East Cluba. Kaž je za band z wašnjom, smědźa so wopytowarjo na znajmjeńša hodźinje trajacu best-of-show wjeselić. Foto: Kurt Eder
Křižowka (06.03.26)
pjatk, 06. měrca 2026
spisane wot: Mikławš Krawc
Wodorunje: 3 poschod, 6 hrib, 7 dźěl kolesowanja, 8 njeroda, 10 wulka hra škota, 13 egyptowska połkupa, 15 klima, 16 kupy w Pacifiku
Padorunje: 1 muske předmjeno (Zátopek), 2 sydło knježićela, 3 koparski klub w Choćebuzu, 4 jědź ze syrym mjasom, 5 funkcija w Domowinje, 9 kupa Balearow, 11 kupowanski center, 13 francoski modowy car, 14 motorske NDR
Skupina Trio al-Andalus z hudźbnicomaj a hudźbnikom syriskeho, ...
pjatk, 27. februara 2026
spisane wot: Serbske Nowiny
Skupina Trio al-Andalus z hudźbnicomaj a hudźbnikom syriskeho, španiskeho a němskeho pochada, předstaji jutře, sobotu, program „Štož nas zwjazuje“ na žurli Budyskeho Serbskeho muzeja. Na raz čućiwe, raz přewšo temperamentne wašnje wjedźe trójka „klasiske“ zynki, arabske tradicije a iberiske rytmy hromadu, při čimž so ani jazza ani folklory njeboji. Foto: Amac Garbe
Zazběh sezony na Erlichtec dworje
pjatk, 27. februara 2026
spisane wot: Serbske Nowiny
Byrnjež so nalěćo hišće cyle tak błyšćo kaž na wobrazu njepokazało, zahaja jutře, sobotu, sezonu na Rěčičanskim Erlichtec dworje. Za to bu wosebita wustajeńca w přisłušacej kulturnej bróžni spřihotowana, popołdnju maja wopytowarjo nimo toho móžnosć, so wot najrjeńšich nalětnich kwětkowych buketach wobkuzłać dać a sej někotryžkuli z kwěćelow – snano jako dar – kupić. Foto: ArTour Rietschen GmbH
Małej křižowce (27.02.26)
pjatk, 27. februara 2026
spisane wot: Mikławš Krawc
1 znata wokolina, 2 mórski rak, 3 zymski zjaw, 4 pospyt bjez wuspěcha, 5 pjatk pólsce, 6 rozjimanje, 7 nic dialog, 8 w Praze je Serbski ..., 9 hłowne město, 10 wokomiki, 11 najwjetši z wopicow (l=ll), 12 sportowa družina
„Krabat – Čorna magija do pěska rysowana“ rěka inscenacija ...
pjatk, 20. februara 2026
spisane wot: Serbske Nowiny
„Krabat – Čorna magija do pěska rysowana“ rěka inscenacija režisera Dimitrija Sacharowa, kotruž ćěleso Die Sandartisten zajutřišim, njedźelu, premjernje we Wojerowskej Łužiskej hali předstaji. Scenarij Ronnyja Krappmanna po drje najznaćišej serbskej powěsći přetworja „najlěpši pěskowi wuměłcy Europy“ do w kóždym zmysle słowa jónkrótnych wobrazow. Foto: Robert Jentzsch
Słowa tworić (20.02.26)
pjatk, 20. februara 2026
spisane wot: Mikławš Krawc
Wot wupokazaneho čisła nalěwo abo naprawo dyrbiće słowo zestajeć.
