Z wudaća: pjatk, 06 septembera 2019
pjatk, 06 septembera 2019 14:00

Wutwarja mobilnu syć

Berlin (dpa/SN). Z přidatnym wutwarom mobilneje syće profituja přichodnje wužiwarjo handyjow wosebje we wjesnych kónčinach. Zwjazk je wotpowědne zrěčenje z předewzaćemi Telekom, Vodafone, Telefónica a 1&1 Drillisch wotzamknył. Tež zwjazkowy minister za wobchad Andreas Scheuer (CSU) rěči wo ofensiwje. Loni w lěću su so předewzaća a Zwjazk na wutwar dojednali. Hač do kónca lěta 2021 ma tuž 99 procentow domjacnosćow w Němskej spěšny mobilny zwisk k dispoziciji měć. Wotpowědne dojednanje bu wčera podpisane.

Zrudźacy rekord wozjewili

Wiesbaden (dpa/SN). Młodźinske zarjady w Němskej wozjewjeja zrudźacy rekord. Loni su pola něhdźe 50 400 dźěći a młodostnych zwěsćili, zo je jich derjeměće wohrožene. To zdźěla Zwjazkowy statistiski zarjad we Wiesbadenje, kotryž wot lěta 2012 statistiku zestaja. Loni běchu młodźinske zarjady 24 900 padow jako akutne zastopnjowali, štož bě 15 procentow wjace hač lěto do toho. W dalšich 25 500 padach njebě wohroženje wuzamknjene. W 53 000 padach zwěsćichu, zo njejsu dźěći wohrožene, swójby pak přiwšěm podpěru trjebaja.

Merkel žada sej kónc namocy

wozjewjene w: Politika
pjatk, 06 septembera 2019 14:00

W Alpachpo puću

fota: elias bětkaElias Bětka z Drježdźan bě sej w aprylu ze swojim kumplom spektakularny són spjelnił. Z wulkim ekwipmentom podaštaj so ekstremnaj sportowcaj na kolesu z Drježdźan do Alpow. ­Jeju­ cil: we wšěch sydom krajach Alpow na naj­wjetšu horu krosno­wać. W dźens­­nišim a při­chodny­maj wudaćomaj Młodźiny móže­će čitać, hač je so jimaj to pora­dźiło!

D ypkownje 1. apryla šwiknychmoj so na koleso

 a po­dachmoj so do směra na Čěsku. Tamniša lochka hórska krajina bě nam sćoplenje za wulke předewzaće. Při Děčínskim Sněžniku prěni raz pytnych­moj, zo njebudźe z ćežkim kolesom runje lochko wulke hory přeprěčić. Přez Čěsku jěć bě dobry spočatk: rjana krajina a přijomni domoródni. Nimo trójneje pany na kolesu běchmoj poměrnje spěšnje w Aw­striskej. Něhdźe 120 kilometrow wob dźeń jědźechmoj.

Prěnje małe přesmyki dyrbjachmoj tam přeprěčić, ­prjed hač dźěše do słowjenskeho městačka Mojstrana. To bě wucha­dźišćo za postup na naju prěni wjeršk Triglav.

wozjewjene w: Předźenak
Hurrikan „Dorian“ je na Bahamaskich kupach wulke škody zawostajił. Znajmjeńša 30 ludźi je žiwjenje přisadźiło, móhło pak wo wjele wjace być, kaž Bahamaski premierminister­ Hubert Minnis wčera zdźěli. Wuchowanscy pomocnicy su bjez přestawki­ zasadźeni, pytajo za zhubjenymi ludźimi. Foto: picture alliance/Al Diaz

wozjewjene w: Politika
pjatk, 06 septembera 2019 14:00

Indoneska – kraj połny překwapjenkow

Wabjace hoberske žołmy a jasna ­woda­

Wid na Kelingking ­Beach –

kupa Nusa Penida

Přestawka

na pućowanju

k wulkanej

Rochony – hoberske ­elegantne­ čorne mórske zwěrjataDowol ze serbskej přećelku Juliju a Paolu z Ekuadora

Z přećelkomaj

na Nusy Perida

Hižo dołho mějach Indonesku na swojej lisćinje krajow, kotrež chcych na kóždy pad raz wopytać. Najznaćiša kupa Indoneskeje drje je Bali – rjany to dowolowy cil a zdobom tež mój startowy dypk za 30dnjowske pućowanje po kraju. Indoneska je chětro wulki kraj z mnohich kupow, a tón chcych sebi hromadźe ze serbskej přećelku Juliju kaž tež Paolu z Ekuadora wotkryć.

wozjewjene w: Předźenak
pjatk, 06 septembera 2019 14:00

Pokiwy (06.09.19)

Na holanske zetkanje

Komorow. 57. króć je tónle kónc tydźenja w Komorowje pola Klukša holanske zetkanje. Po natočenju piwa su wobydlerjo tež z wokolnych wsow dźensa wot 21 hodź. na reje z Dr. Tastu přeprošeni. Jutře wot 10 hodź. přewjedu sportowy swjedźeń wo pokale wjesnjanosty, wječor budźe wulka party. Njedźelu zapiskaja Wulkodubrawscy muzikanća k rańšemu piwku a wot 14 hodź. zahraje Express Partyband. Přizamknje so žortny program.

Na nazymske wiki

Stróža. Na dworje Stróžanskeho Domu tysac hatow wotměja so jutře wot 10 do 17 hodź. lětuše nazymske wiki. Ně­hdźe 80 wikowarjow tam swoje regionalne produkty poskića. Wjeselić móža so hosćo tež na kulinariske speciality a wotměnjawy kulturny program, a to wosebje tež za dźěći. W 13.15 hodź. prezentuja w stanje „stare rasy domjaceho skotu“ a wot 14.30 hodź. předstaji na samsnym městnje Smjerdźečanska rejwanska skupina kulturny program.

Mišterske twórby w cyrkwi

wozjewjene w: Pokiwy
pjatk, 06 septembera 2019 14:00

Spokojnosć přiběra

Mainz (dpa/SN). Wobydlerjo Němskeje z toho wuchadźeja, zo budźe koalicija CDU a SPD najebać kontrowersy hač k přichodnym wólbam zwjazkoweho sejma nazymu 2021 dale knježić. Kaž z wčera wozjewjeneho politbarometra telewizije ZDF wuchadźa, wěri do toho 72 procentow hłosakmanych. 73 procentow naprašowanych ma za spomóžne, zo Angela Merkel (CDU) hač k přichodnym wólbam zwjazkowa kanclerka wostanje. Tež připóznaće dźěła koalicije jasnje přiběra. Bychu-li ludźo njedźelu nowy zwjazkowy sejm wolić měli, by koalicija CDU/CSU a Zelenych jasnu wjetšinu hłosow­ nažnjała. Unija by na 28 procentow přišła, Zeleni na 24, SPD na 15, AfD na 13, FDP na šěsć a Lěwica na sydom procentow.

wozjewjene w: Politika
pjatk, 06 septembera 2019 14:00

Demokratiju začuwali

Sydlišćo Smyha na Ukrainje a gmejna Njebjelčicy we Łužicy chcetej přećelske zwiski nawjazać. Prěnje kroki tomu kročeše zašłe dny skupina wopytowarjow z 992 kilometrow zdaleneho sydlišća w zapadoukrainskim regionje Riwne­ we wobłuku štyridnjowskeho přebytka w tudyšej gmejnje.

wozjewjene w: Kubłanje
pjatk, 06 septembera 2019 14:00

Za mjenje wotpadkow

Berlin (dpa/SN) Zwjazkowe wobswětowe ministerstwo je wobzamknyło, tak mjenowane kumštne tity za nošenje při kasach wobchodow zakazać. Cyle lochke titki za sad a zeleninu njejsu potrjechene.

W Němskej přetrjebuje jedna wosoba wob lěto přerěznje dwaceći titow, wuswětla zwjazkowa wobswětowa ministerka Svenja Schulze (SPD) w rozprawje. Zakazać měli tuž tity, z kotrymiž kupcy we wobchodźe swoje twory pjelnja. Kaž z naćiska zakonja wuchadźa, kotryž powěsćerni dpa předleži, drje su dotalne naprawy pomhali, mnóstwo plastikowych titow pomjeńšić, wobswětowe zwjazki pak z dalšeho polěpšenja hižo njewuchadźeja. Tež dale a bóle wužiwane papjerjane tity wjele lěpšu ekobilancu njewuskutkuja, kaž přirodoškitny zwjazk Nabu kritizuje.

wozjewjene w: Politika
pjatk, 06 septembera 2019 14:00

Wutoru chce swój team předstajić

Brüssel (dpa/SN). Team přichodneje prezidentki komisije EU Ursule von der Leyen so pomałku formuje. „Wjeselu so zestajeć wuwaženy kolegij, kotryž chcu wutoru zjawnosći předstajić“, zdźěli wona wčera na internetnej platformje Twitter.

Komisija EU namjetuje zhromadne zakonje a je dohladuje. Kóždy čłonski kraj je z jednej wosobu w gremiju zastupjeny. Prezidentka wuzwoli je z personalnych namjetow narodnych knježerstwow a rozdźěla wotpowědne nadawki. Skónčnje pak rozsudźa Europski parlament a komisarow postaji.

Nowa komisija ma 1. nowembra dźěłać započeć. Wulka Britaniska njeje hladajo na brexit nikoho nominowała. Krizy italskeho knježerstwa dla su předstajenje gremija wo někotre dny přestorčili.

wozjewjene w: Politika
pjatk, 06 septembera 2019 14:00

Zarjad dyrbi swój job činić!

Přećiwo wšěm prognozam bě Marko Šiman minjenu wólbnu njedźelu swój direktny mandat zapósłanca Sakskeho krajneho sejma zakitował. Wčera je wón nowinarjow wo regionalnych ćežišćach swojeho přichodneho skutkowanja we wólbnym wokrjesu informował.

Budyšin (SN/at). W serbskim wobłuku steji za Marka Šimana na prěnim městnje našu maćeršćinu zachować. Do toho saha runje tak „njeluba tema šulerskeho transporta za dźěći do serbskich šulow. To mamy doskónčnje rozrisać“, je sej zapósłanc CDU předewzał a doda, zo měrja so jeho prócowanja dale na powšitkowne problemy šulerskeho transporta.

„Za zwoprawdźenje koncepta Witaj trjebamy nowe nastorki, kak rěč dźěćom spřistupnjamy. Šulski zarjad dyrbi swój job činić!“ Šiman žane zrozumjenje za to nima, zo šulerjo po šěsć lětach wučby jendźelšćiny rěč dosć derje wob­knježa. Zo pak w samsnym času při wuknjenju serbšćiny runje tajki niwow njedocpě­waja, „njemóžu akceptować“. Wón zwěsća tu „wuwiće, kotrež w statnym zajimje njeje“.

wozjewjene w: Politika

nawěšk

nowostki LND