Kamjenc (SN/MiR). Fête de la musique w Kamjencu je wulce přiwabliwy podawk. Lěto wob lěto jězdźa na njón ludźo z cyłeho regiona a samo z Drježdźanskich a Zhorjelskich kónčin. Lětsa budźe tomu 20. króć, zo maja hudźbnicy, spěwarjo a rejwarjo składnosć, sebje a swoju hudźbu, reju abo spěw na jewišću předstajić. „Zarjadowanje njeje za profijow myslene. Naši starojo su lajscy wuměłcy ze swojimi poskitkami a talentami“, měni zamołwity za marketing w měsće Kamjencu Dawid Kliman. Tak njezměja tež lětsa žane oficialne wotewrjenje a žanoho headlinera, ale mysla skerje na to, poskićić na přikład dopołdniše piwko z dujerskej hudźbu. Wšako je lětuši 21. junij – tón dźeń wotměwa so Fête de la musique jako mjezynarodny projekt po cyłym swěće – runje njedźela. Wuměnjenja za dlěši swjedźeń su tuž date.
Smjertne njezbožo
Olbersdorf. Na Bertsdorfskej dróze w Olbersdorfje sta so wčera smjertne njezbožo. Mužej w starobje 46 a 76 lět staj z rjećazowej piłu štom podrězałoj. Při tym so zdónk na njeju kuli a wobeju pohrjeba. Wohnjowi wobornicy mužow wuswobodźichu. Sanitetarjo dowjezechu jeju do bliskeje chorownje. Wottam transportowachu staršeho z helikopterom do dalšeje kliniki, hdźež wón na sćěhi ćežkich zranjenjow krótko na to zemrě. Kriminalna policija přepytuje, kak bě k njezbožu dóšło.
Chrósćicy. Wot dźensnišeho předawa Chróšćanski časnikar Njek zastupne lisćiki za koncert chóra Lipa sobotu, 8. februara, w Haslowje. Je to mjeztym třeći tak mjenowany Lipa@přećeljo-koncert. Spěwarjo zanjesu wjacehłósne sadźby ze swojeho serbskeho šlagroweho a popoweho repertoira. Wjacorych Lipjanow dožiwiće jako solistow z přewodom instrumentalneje skupiny. Nimo toho změja spěwarjo hudźbne žorćiki spřihotowane. Jako swojich „přećelow“ su sej Lipjenjo tónkróć přeprosyli jazzowu skupinu NIMO, kotraž je mnohim z folklorneho festiwala znata. Wo dobru naladu po koncerće postara so skupina Con-takt, kotraž zahudźi k rejam.
Wo knize diskutować
16.–22.1.2020 Budyski filmowy palast: Knives Out – Mord ist Familiensache: pj, so, wu a srj 20:00 | so tež 22:45 Star Wars: Der Aufstieg Skywalkers wšědnje 19:30 (nimo štw a srj) | pj a so tež 22:30 Als Hitler das rosa Kaninchen stahl: so, nj, wu a srj 17:15 | nj tež 12:00 Die Eiskönigin 2: wšědnje 17:00 (nimo srj) | so a wu tež 14:00 Spione Undercover: so, nj a pó 14:15 | nj tež 12:00 Der kleine Rabe Socke 3: nj 12:15 Das perfekte Geheimnis: wšědnje 19:30 (nimo srj) Jumanji: The Next Level w 3D: pja a so 22:30 Jumanji: The Next Level wšědnje 17:15 (nimo nj a pó) Systemsprenger: nj 12:00 Cats: nj 12:30 Joker: pj 22:45 Vier verzauberte Schwestern: so, nj a wu 14:45 | pj a pó 17:15 |srj 17:00 1917: wšědnje 16:45 a 20:00 (nimo srj) | pj a so tež 22:45 | so a nj tež 14:30 | srj tež 19:30 Bad Boys for Life: wšědnje 17:00 a 19:45 (nimo srj) | pj a so tež 22:30 | so, nj a wu tež 14:15 | srj tež 19:30 Petterson und Findus – Findus zieht um: nj 15:00 Lindenberg! Mach dein Ding: wšědnje 16:45 (nimo štw, nj a srj) a 20:00 (nimo štw a srj) | štw 17:00 a 20:00 | pj a so tež 22:45 | so, nj a wu tež 14:00 | srj 16:30 a 20:00 Kino ekstra: Le Mans 66 – Gegen jede Chance: pó 0:30, 17:15 a 20:15
Antonia Mertsching z frakcije Lěwicy je jenička nowa zapósłanča Sakskeho krajneho sejma z Hornjeje Łužicy, kotraž nima mandat AfD. Póndźelu wopyta wona Domowinu, a tam je Axel Arlt z njej porěčał.
Što je Was pohnuło Domowinu wopytać?
A. Mertsching: Jako zapósłanča noweje frakcije Lěwicy bydlu w Běłej Wodźe, kotraž serbskemu sydlenskemu rumej přisłuša. Prěnjotnje pochadźam z małeje delnjołužiskeje wsy Radochlice (Rettchensdorf) pola Stareje Darbnje (Altdöbern). W Hornjej Łužicy serbstwo bóle spóznawam. W nowym krajnym sejmje njejsu Serbja hižo tak strony přesahujcy zastupjeni, jeničce w frakciji CDU dwaj. Hdyž w swójskej frakciji nikoho wjace nimamy, da chcu so ja ze serbskimi naležnosć zaběrać.
Kajke je tuchwilne zrozumjenje nastupajo Serbow we wašej frakciji?
A. Mertsching: Wěmy, zo su woni wulka skupina ludźi na wuchodźe Sakskeje, kotraž ma lědma hišće swójske zastupnistwo w krajnym parlamenće. Wo tym rozmyslujemy, tohodla sym Domowinu wopytała.
Nastate połoženje pak je wuslědk drje demokratiskeho, ale ranjaceho rozsuda zjězda Lěwicy loni w Lipsku.
Lubijska nudlowa fabrika bě mnohe lěta skerje njewobkedźbowana. To ma so nětko chětro změnić.
Lubijska nudlowa fabrika njeje někajki industrijny twar zańdźenych dnjow. Zhromadnje ze susodnym „nudlowym parnikom“ – swětosławnym Domom Schminke – tworješe wona jónu architektonisku a krajinu tworjacu jednotu. Měnjate časy pak su so wo to postarali, zo so to jedne wot tamneho dźeń a bóle zdalowaše, nic rumnostnje, ale předewšěm we hłowach Lubijčanow. Stawaše-li so Dom Schminke jedyn ze štyrjoch najwuznamnišich bydlenskich domow moderny na swěće, stawaše so fabrika dale a bóle ze šěrym klocom bjez wobliča, z industrijnej pusćinu mjez mnohimi. Hač do 1992 běchu w fabrice nudle zhotowjeli. Samsne lěto tam zarjadowane wučbne twarske kubłanišćo přesta lěta 2010 dźěłać. Wot toho časa je prěnjotnje jako „Loeser & Richter“ znaty kompleks prózdny stał.
Zamołwići Zapadołužiskeho koparskeho zwjazka su w Hlinowcu hrajnu dobu wólnočasneje ligi w lěće 2019 wuhódnoćili a so zdobom na nowu přihotowali. 17 sportowcam rozłoži nawoda stafle Siegmund Heidrich wuslědki minjeneje sezony. Na wulkim polu stachu so Kulowscy koparjo z mištrom, w pokalu pak dyrbjachu so woni HZ Rakecam/Šćeńcy kłonić. W stafli za małe hrajnišćo wubědźowachu so tři mustwa. Cyłk z Łutow wopokaza so jako najwuspěšniši. Tutu ligu chcedźa tež lětsa dale wjesć a wabja za to mustwa z teritorija Zapadołužiskeho koparskeho zwjazka.
Negatiwnje hódnoćił je Heidrich wulku kopicu přesunjenych hrow. Tak dyrbjachu mustwa na kóncu sezony jendźelske tydźenje zapołožić, zo bychu sezonu dypkownje zakónčili. Tež ličba žołtych kartow je w běhu zašłych lět rozrostła. Přitomni pak běchu sej přezjedni, zo njejsu hry njefairne. Mustwa zasadźeja wukubłanych sudnikow, kotřiž konformnje sudźa a foule tež chłostaja.
Tabulki dorosta Zapadołužiskeho koparskeho zwjazka
młodźina F, wokrjesna liga-stafla 1
1. ST 1896 Wulka Dubrawa 9 8 :0 25
2. Zeleno-běli Bukecy 9 8 :1 24
3. FSV Budissa Budyšin 9 7 :1 22
4. ST Horni kraj Sprjewja 9 6 :3 18
5. Motor Kumwałd 9 5 :4 15
6. TSV Wóspork/Hrodźišćo 9 4 :5 12
7. ST Horni kraj Sprjewja II 9 3 :6 9
8. HZ TSV 1859 Wjernarjecy/FV Concordia Sohland 9 2 :7 6
9. Zeleno-běli Bukecy II 9 1 :8 3
10. ST 1922 Radwor II 9 0 :9 0
młodźina F, wokrjesna liga-stafla 2
1. ST Huska 8 7 :1 21
1. Póst Germania Budyšin 8 7 :1 21
3. ST Huska II 8 6 :2 18
4. FSV Budissa Budyšin II 8 5 :4 13
5. TSV Połčnica 1920 8 4 :5 10
6. TSV 90 Wjazońca 8 3 :5 9
7. Biskopičanske KT 08 8 2 :5 7
7. SG Frankenthal 8 2 :5 7
9. Postup Großharthau 8 0 :8 0
młodźina F, wokrjesna liga-stafla 3
1. TSV Połčnica 1920 9 9 :0 27
2. SC 1911 Großröhrsdorf 9 8 :2 22
3. HZ FV Ottendorf-Okrilla II/Hermsdorfske ST 9 7 :3 19
4. Lomnitzer SV 9 6 :4 16
5. ST Kinspork/Łužnica 9 5 :5 13
6. SG Großnaundorf 9 4 :6 10
7. ST Kinspork/Łužnica II 9 3 :6 9
8. Liegau-Augustusbad II 9 4 :7 8
9. FV Ottendorf-Okrilla 05 9 3 :8 5
10. Arnsdorfske KT 9 1 :9 1
młodźina F, wokrjesna liga-stafla 4
1. Jednota Kamjenc 9 9 :1 25
2. Hlinowski SC 9 9 :2 23
3. FSV Bretnig-Hauswalde 9 8 :2 22
4. Sokoł Ralbicy/Hórki 9 5 :4 15
4. SJ Chrósćicy 9 5 :4 15
6. SV Bischheim-Häslich 9 3 :6 8
6. ST Marijina hwězda 9 3 :6 8
8. SJ Njebjelčicy 9 3 :8 5
9. HZ Natwar Němske Pazlicy/ST Běła/Cunnersdorf 9 2 :8 4
9. TSV Połčnica II 9 2 :8 4
młodźina F, wokrjesna liga-stafla 5
1. ST Lubuš 9 9 :0 27