Do piwoweje zahrody prasnył
Němske Pazlicy. Na trochu hinaše wašnje do korčmy załožił je w nocy na srjedu 24lětny wodźer VWja w Němskich Pazlicach. Přijěwši z Pěskečanskeho směra z přewulkej spěšnosću do wsy wón w lěwej křiwicy swój Polo hižo pod kontrolu njeměješe a přerazy płót piwoweje zahrody wjesneho hosćenca. Młody muž a jeho 19lětna sobujěduca so při njezbožu ćežko zraništaj, tak zo dyrbjachu jeju do chorownje dowjezć. Skóncowane jězdźidło hišće w nocy z piwoweje zahrody zběhnychu a wotwlečechu. Pola 24lětneho šofera naměrichu 0,45 promilow alkohola w kreji.
„Nowa swoboda – Dopomnjenki na přewrót 1989/90“ rěka nowa, w Ludowym nakładnistwje Domowina wušła kniha dr. Cordule Ratajczakoweje. Bosćan Nawka je so z awtorku wo přihotach, pozadkach a wo procesu nastaća publikacije rozmołwjał.
Knjeni Ratajczakowa – maće nowostku skónčnje w rukomaj. Kniha wšak njeje Waša prěnja, je to přiwšěm wosebite začuće?
C. Ratajczakowa: Nimam hišće dosć wulkeho wotstawka, zo móhła naležnosć prawje hódnoćić. Štož móžu rjec, je, zo tójšto dźěła za mnu leži. Na jednym boku je kniha wuslědk projekta, kotryž sym wotzamknyła, abo hinak prajene: kotryž je z blida. Na tamnym boku so wězo wjeselu, zo je kniha nětko hotowa. Tajke „dźěćo“ potom woprawdźe w rukomaj dźeržeć móc je cyle wosebite začuće.
Dźens tydźenja planowana knižna premjera bu tuchwilu płaćiwych strowotniskich předpisow korony dla wotprajena. Pobrachuje Wam tajke něšto kaž „oficialne“ zakónčenje projekta?
Aktualna tabulka regionalneje ligi
1. Viktoria Berlin 11 26 : 9 33
2. VSG Altglienicke 11 29 : 14 25
3. BSG Chemija Lipsk 13 25 : 12 24
4. FC Carl Zeiss Jena 12 24 : 16 21
5. Berlinski AK 12 25 : 21 20
6. Lok Lipsk 12 20 : 17 19
7. BFC Dynamo 11 26 : 17 18
8. FC Energija Choćebuz 13 18 : 19 18
9. Kamjeničanski FC 13 20 : 17 17
10. SV Babelsberg 03 13 18 : 20 17
11. Union Fürstenwalde 11 22 : 20 16
12. SV Lichtenberg 47 13 15 : 20 16
13. FSV 63 Luckenwalde 13 14 : 22 15
14. Hertha BSC II 11 12 : 15 14
15. Germania Halberstadt 13 12 : 18 11
16. VfB Auerbach 12 18 : 26 11
17. ZFC Meuselwitz 13 14 : 22 11
18. FSV Optik Rathenow 13 15 : 25 11
19. Tennis Borussia Berlin 10 15 : 20 9
20. Biskopičanske KT 08 12 12 : 30 7
FC Energija Choćebuz – FSV Luckenwalde 1:1 (0:0)
Zestawa hosći: Stahl – Jaroš, Rahn, Koch, Hoppe, Gladrow (83. N. Geisler), Eisenhuth (F. Geisler), Kujović (40. Frick), Hofmann, Crnički (61. Stettin), Brügmann
Časy, w kotrychž su koparske mustwa strachoćiwje do wulkeho Choćebuskeho Stadiona přećelstwa přijěli, su dawno nimo. Wulke a dołhe doby to běchu, jako so wottam hišće cyłki kaž FC Bayern abo dalši zwjazkowi ligisća bjez dypkow zaso na dompuć nastajichu. Nětko nazymu 2020 so samo małke towarstwa kaž FSV Luckenwalde njeboja do Choćebuza jěć.