Z wudaća: srjeda, 22 septembera 2021

Serbska pop-opera „Carpe noctem – Njeskónčna nóc“: inteligentny scenarij, pisana sep spěwow a dosć přeswědčiwy wukon

Čim wjace ludźi so na zhromadny projekt zwaži, ćim wjetši je strach, zo so něšto nimokuli. Wšo dohromady je wjace hač 50 sobuskutkowacych serbsku pop-operu „Carpe noctem – Njeskónčna nóc“, zwoprawdźiło, tele runjewon njesnadne riziko wědomje na so wzawši a jemu naposledk wuspěšnje woči wutrěwši. Hrimotacy aplaws a trójna „Sława“ publikuma na stajnje wupředatej žurli wjacezaměroweje hale „Jednota“ w Chrósćicach běštej jenož hladajo na to wšo druhe hač njezasłuženej. Dołhe přihoty, njewěste wuměnjenja, wobćežowace planowanja a proby, sćerpnosć wšitkich wobdźělenych a zawěsće tež tu a tam nastata šědźiwa włóska su so wudanili.

Kopańca, wokrjesna klasa, stafla III

čoło tabulki

1. Sokoł Ralbicy/Hórki II  3  8 :2 9

2. HZ Jězorina Lubuš II/

Wětnica-Hola  3  7 :4 7

3. Natwar Němske Pazlicy II  3  10 :4 6

4. HZ Łaz/Běły Chołmc II  2  5 :4 4

5. HZ Hory II/Bluń  3  8 :8 4

6. HZ Halštrow/Hlinowc II  2  7 :6 3

7. Módro-běli Njeswačidło  3  8 :8 3

8. Mały Wosyk/Pančicy II  3 2 :4  2

9. ST Porchow II  2 2 : 5 1

10. HZ Běła/Cunnersdorf/

Němske Pazlicy III 1 2 : 3 0

11. SJ Njebjelčicy II 3 3 : 14 0

Sokoł Ralbicy/Hórki II – SJ Njebjelčicy II 4:1 (3:0)

Za domjacych zasadźeni: Bjeńš – Kobalc, Materna, Lulak, K. Matka, M. Matka, Budar, Schulze, Kocor, Hrjehor, M. Kurjat, Jakubaš, Zimmermann, Lešawa

Za hosći zasadźeni: Wićaz – Reinelt, Deleńk, Šram, Kral, Hübenthal, Čornak, Mjechela, Malaschkin, Rudolf, Cyž, Zeller, Rösiger

Po tym zo bě druhe koparske mustwo Sokoła Ralbicy/Hórki hižo rezerwu ST Marijineje Hwězdy/Mały Wosyk a druhe zastupnistwo z Němskich Pazlic porazyło, poradźi so jemu njedźelu připołdnju přećiwo druhemu zastupnistwu z Njebjelčic dalše dobyće.

Wot spočatka mějachu Sokoljo hru pod kontrolu a spěšnje z 2:0 nawjedowachu. Po tym zo bě škitar André Šram bul w šěsnatce na ruku dóstał, Pascal Budar jědnatku jara wěsće přetwori (4.). Jenož pjeć mjeńšin pozdźišo posłuži Budar Měrćina Kurjata z rjanej přihrawku. A tón na to lesćiwje kulowatu kožu z 13 metrow do klětki přećiwnika prasny. Hdys a hdys jewjachu so Njebjelčenjo po spěšnych konterach tež raz w šěsnatce hosćićela, před wrotami pak jim nimale přeco čuwy zaprajichu.

HZ Mały Wosyk/Pančicy II – ST Nadrózna Hrabowka 2:3 (2:3)

Zestawa domjacych: Matik – Brězan, Šołta, Jehnichen, Lukas Hoge, Khan (46. J. Cyž), Čornak, K. Pakoßnick, Lugge, Clausen (72. Al Hayali), J. Pakoßnick (75. Luis Hoge)

Koparski pokal ma, kaž je znate, wosebite za­ko­nje. Při najrjeńšim wje­drje witaše Hrajne zjednoćenstwo Mały Wosyk/Pančicy II wokrjesneho ligista z Nadrózneje Hrabowki. Róla­ faworita běše jasna, byrnjež hosćo jězbu z per­sonelnymi problemami nastupili.