Z wudaća: wutora, 23 nowembera 2021

wutora, 23 nowembera 2021 13:00

Merz: Wulka podpěra na bazy

Berlin (dpa/SN). Bywši předsyda frakcije CDU/CSU w zwjazkowym sejmje Friedrich Merz wopodstatnja swoju třeću kandidaturu za předsydu CDU w běhu třoch lět z wulkej podpěru na bazy strony. „Haj, to ma něšto iracionalne na sebi“, rjekny wón wčera wječor na prěnim kole předstajenja požadarjow za předsydstwo strony. Jutře chce so Norbert Röttgen čłonam CDU předstajić, štwórtk jako posledni Helge Braun.

USA warnuja před Němskej

Washington (dpa/SN). Wonkowne ministerstwo USA warnuje razneho rozpřestrěća koronawirusa dla před jězbami do Němskeje. To je konsekwenca po nowym posudku strowotniskeho zarjada nastupajo połoženje w kraju. Zarjad namołwja wšitkich wobydlerjow USA, so jězbow do Němskeje wzdać. Podobne warnowanje płaći za dalše wot pandemije po­trjechene kraje, kaž Belgisku, Chorwatsku, Madźarsku, Awstrisku a Nižozemsku.

W Israelu nětko dźěći šćěpja

wozjewjene w: Politika
wutora, 23 nowembera 2021 13:00

Powěsć z Brjesta

Po prezidentskich wólbach w Běłoruskej a raznych demonstracijach přećiwo Aleksanderej Lukašenkej je nimale lěto zašło. Kraj pak wostawa we wizěru zjawnych medijow, a to hłownje w Němskej, Pólskej, Litawskej, hač do najwyšich gremijow w Brüsselu, OSZE a hač do hłowneho sydła UNO w New Yorku. Nětko knježi nowa rozhorjenosć nawala ćěkancow na běłorusko-pólsku hranicu dla, kotřiž spytaja so přez nju na teritorij ­Europskeje unije předrěć. Za tym tči běłoruski „mócnar“ Lukašenko. Spochi so wospjetowaše, zo wjedźe Lukašenko hybridnu wójnu přećiwo EU a zo ma Němska wšitke srědki přećiwo tomu zasadźeć. Lukašenko da tysacy ćěkancow ­nastupić, zo by sej z tutej žiwej masu wunuzował legitimaciju jako prezident a tak připóznaće Europskeje unije za prawosć poslednich prezidentskich wólbow w Běłoruskej. Žada sej, zo ma EU sankcije přećiwo Běłoruskej cofnyć.

wozjewjene w: Politika
wutora, 23 nowembera 2021 13:00

Sakska planuje nowe naprawy

Drježdźany (dpa/SN). Sakska ministerka za strowotnistwo Petra Köpping (SPD) a nutřkowny minister Roland Wöller (CDU) chcyštaj dźensa popołdnju wo dalšich naprawach hladajo na tuchwilnu ­koronapandemiju w swobodnym staće informować. Wöller chcyše wosebje kontrole we wobłuku wot wčera płaćiweho nuzoweho wukaza wuhódnoćić. Minis­terski prezident Michael Kretschmer (CDU) bě minjeny pjatk při předstajenju wukaza tež konsekwentne kontrole připowědźił. Pandemija sej to prosće žada.

Sakska je dale z wotstawkom wot pandemije najbóle potrjecheny zwjazkowy kraj. Tydźenska incidenca bliži so mjeztym hódnoće 1 000. Dźensa ležeše wona po informacijach Roberta Kochoweho instituta pola 969,9. Po cyłej Němskej wučinješe incidenca dźensa rano 399,8, po wčerawšim nowym rekordźe 386,5.

W běhu dnja chcychu we wjacorych zwjazkowych krajach wo dalšich naprawach přećiwo koronawirusej wuradźować, mjez druhim wo winowatostnym šćěpjenju.

wozjewjene w: Politika
wutora, 23 nowembera 2021 13:00

Sylnemu přećiwnikej podleželi

Łužiske lodohokejowe liški – EC Kassel Huskies 1:3 (0:0, 1:0, 0:3)

Aktualna tabulka DEL2     

1. EC Bad Nauheim 16 36 60 : 42 +18

2. Lawy Frankfurt 15 35 61 : 31 +30

3. LL Drježdźany 16 32 59 : 47 +12

4. Ravensburg  15 29 54 : 47 +7

5. Sokoły Heilbronn 17 23 55 : 56 -1

6. LP Crimmitschau 13 22 38 : 33 +5

7. Bayreuth Tigers 15 22 47 : 44 +3

8. ESV Kaufbeuren 15 19 51 : 57 -6

9. Tölzske lawy 16 19 50 : 69 -19

10. Łužiske liški 15 18 45 : 46 -1

11. EC Kassel Huskies 15 17 44 : 50 -6

12. EV Landshut 13 15 44 : 44 0

13. EHC Freiburg 14 13 36 : 53 -17

14. Wjelki Selb 11 9 29 : 54 -25


Štyrnaty hrajny dźeń w druhej najwyšej lodohokejowej lize Němskeje podle­žachu Łužiske liški mustwu EC Kassel Huskies z 1:3. Te bě hižo tři hry dobyło, štož Běłowodźenjo na lodźe wězo tež pytnychu. Hosćo wukonjachu wot wšeho spo­čatka wjele ćišća a předrěchu so zas a zaso na wrota Tobiasa Ančički, kiž pak domjacych ze swojimi paradami w hrě dźeržeše. Wón na stronje Liškow a Jerry Kuhn w rjadach hosći běštaj najlěp­šej hrajerjej w prěnjej třećinje. Wobaj wotwobaraštaj wjacore dobre šansy, tak zo najprjedy raz žane wrota njepadnychu.

wozjewjene w: Sport
wutora, 23 nowembera 2021 13:00

Z Mytom Gryphiusa počesćeny

Düsseldorf (AB/SN). W Düsseldorfskim Domje Gerharta Hauptmanna su minjeny pjatk Traianej Popej Traianej Myto Andreasa Gryphiusa 2020 přepodali. Wuzna­mjenjenje bu rumunsko-něm­skemu basnikej a nakładnikej z Ludwigsburga hižo před lětom spožčene, korony dla pak móžachu je jemu hakle lětsa zjawnje a swjatočnje přepodać.

Na přepodaću hódnoćachu njeličomne zasłužby wo mjezy a rěče překročacu literarnu wuměnu 1952 w rumunskim Braşovje rodźeneho a wot lěta 1990 w Ludwigsburgu bydlaceho a skutkowaceho spisowaćela a předewzaćela. W srjedźišću jeho tworjenja a wudawanja nakładnistwa Pop steja temy a edicije, zwjazowace južne a wuchodne literarne krajiny Europy ze zapadom.

wozjewjene w: Kultura
wutora, 23 nowembera 2021 13:00

Někotre hry byli, wjetšina pak wupadnyła

Dwaj respektiwnje jedyn dźeń do za­wrěća sportnišćow su někotre koparske mustwa na krajnej runinje hišće raz móžnosć wužili a winowatostne dypkowe hry přewjedli. Wjetšina koparskich partijow pak je znowa wupadnyła.

Regionalna liga muži

Halberstadt – Babelsberg 1:1 (0:0)

Altglienicke – Luckenwalde  2:1 (1:1)

Kamjeničanski FC – Auerbach 5:1 (3:0)

Eilenburg – Lichtenberg  4:4 (1:1)

Choćebuz – Hertha BSC II 2:2 (1:1)

Meuselwitz – Tasmania Berlin 1:0 (1:0)

Fürstenwalde – Rathenow 0:0 (0:0)

Borussia Berlin – Jena 4:1 (1:0)

Lok Lipsk – Chemija Lipsk 1:0 (0:0)

1. Berlinski AK 17 32 : 14 41

2. BFC Dynamo 17 41 : 16 39

3. Lok Lipsk 18 39 : 16 36

4. VSG Altglienicke 18 33 : 19 35

5. FC Energija Choćebuz 17 41 : 15 32

6. FC Carl Zeiss Jena 17 31 : 17 31

7. FSV 63 Luckenwalde 18 28 : 13 29

8. Kamjeničanski FC 18 30 : 20 28

9. SV Babelsberg 17 26 : 20 28

10. Tennis Borussia Berlin 18 26 : 26 27

11. BSG Chemija Lipsk 18 17 : 21 22

12. SV Lichtenberg 47 17 23 : 27 19

13. Hertha BSC II 18 22 : 30 18

14. Germania Halberstadt 18 24 : 36 18

15. ZFC Meuselwitz 18 19 : 30 17

16. SV Tasmania Berlin 18 16 : 40 16

17. Union Fürstenwalde 18 26 : 49 13

18. FC Eilenburg 17 17 : 38 12

19. VfB Auerbach 17 20 : 48 12

20. Optik Rathenow 18 17 : 33 11

regionalna liga žonow

Vikt. Berlin – Hohen Neuendorf  2:0 (0:0)

Jena II – Biskopičanske KT  wupad

RB Lipsk II – Union Berlin  1:4 (1:0)

Lipsk-juh – Podstupim II  wupad

Babelsberg – SFC Stern  2:0 (0:0)

Phoenix Lipsk – Erfurt wupad

1. Viktoria Berlin 8 27 : 6 22

2. Turbina Podstupim II 9 32 : 10 21

wozjewjene w: Sport
wutora, 23 nowembera 2021 13:00

Lute překwapjenki

Lipsk (SN). Druha kniha ze serije „Dolina při rěce“ z pjera Lubiny Hajduk-Veljko­vićoweje je wušła: „Lute překwapjenki“ na was čakaja. Što pyta operowy zajac ­Cantaruzo w lěsu? Hač Ferdi zaso puć domoj­ namaka? A štó tam wo pomoc woła? Na dalše pjeć zajimawych stawi­znow wokoło małych přećelow z lěsa móžeće so wjeselić a k tomu wězo na nowe hódančka.

Serbsko-němsku a serbsko-jendźelsku nowostku namakaće na Amazon, w Smolerjec kniharni a wšudźe, hdźež su serbske knihi na předań.

wozjewjene w: Kultura
wutora, 23 nowembera 2021 13:00

Dźeń wuwostajenych šansow

FC Energija Choćebuz –

Hertha BSC II 2:2 (1:1)

Zestawa domjacych: Brinkmann – Hasse, Hildebrandt, Eisenhuth, Borgmann, Kujović (60. Geisler), Hoffmann, Proničew, Mäder (60. Schulz), Engelhardt, Zografakis

slěd wrotow: 0:1 Marten Winkler (21.), 1:1 Maksimilian Proničew (27.), 1:2 Ali Wissam Abu-Alfa (52.), 2:2 Nikos Zogra­fakis (56.)

wozjewjene w: Sport
wutora, 23 nowembera 2021 13:00

Nowe bule dóstali

Hladanska a domjacnostna słužba „Rolf Backemeier“ z Kulowa je hrajerjam Sokoła Ralbicy/Hórki dwaceći koparskich bulow dariła. Dorost skupiny młodźiny E so za nje wutrobnje dźakuje. Foto: Jurij Bjeńš

wozjewjene w: Sport
Lětuše adwentne wiki w Choćebuzu zdadźa so najkrótše w stawiznach być. Wčera buchu wotewrjene, a ludźo su najebać wuměnje­nja koronapandemije dla składnosć wužiwali, dohodownu atmosferu do so srěbać. Wot jutřišeho pak płaći w Braniborskej nowe postajenje k wobmjezowanju pandemije, po kotrymž dyrbja hodowne wiki zaso zawrěć. Foto: Michael Helbig

wozjewjene w: Lokalka

słowo lěta 2020

nawěšk