Wochozy (AK/SN). Klětu kónc januara ma prěni termin być, na kotrymž chcedźa wobydlerjow Wochoz (Nochten) wo planowanym solarnym parku blisko wsy informować. Tak pisa tamniši wjesny předstejićer Mario Weier w aktualnym hamtskim łopjenu Hamorskeje gmejny. Energijowy koncern LEAG chce pola Wochoz něhdźe 21 hektarow wulki solarny park twarić. Předwidźana wulkosć wotpowěduje něhdźe 29 koparskim hrajnišćam. Fotowoltaikowe module, kotrež maja swětło słónca na milinu přetworić, maja potom na něhdyšich hórniskich a mjeztym rekultiwowanych ratarskich płoninach na kromje Wochoz stać. Po tuchwilnych předstawach chcedźa 2023 solarny park twarić započeć. Hižo nazymu samsneho lěta ma wón hotowy być. Park ma raz cyłkowny wukon 20 megawattow docpěć a něhdźe 30 do 35 lět dźěłać. Wo planowanje wulkeje připrawy stara so w nadawku LEAG předewzaće EP New Energies.
Wotpadki ilegalnje wotbyli
Čorny Chołmc. Z padom zanjerodźenja wobswěta zaběra so policija w Čornym Chołmcu. Tam su njeznaći minjene dny při puću Pjecarjec hora na wšěch 20 wulkich měchow z twarskimi wotpadkami wotbyli. Kedźbliwy swědk je měchi tam wuhladał a policiju informował. W čornych měchach běchu zbytki wobmjetka a dalše wotpadki, nastawace na přikład při ponowjenju bydlenja. Kriminalna słužba Wojerowskeho policajskeho rewěra so z padom nětko dokładnišo rozestaja. Kriminalisća pytaja swědkow, kotřiž su 24. abo 25. nowembra na mjenowanym puću něšto podhladneho wobkedźbowali. Móžne pokiwy přijimuja we Wojerecach pod telefonowym čisłom 0 35 71 / 46 50 a na kóždym druhim policajskim běrowje.
Budyšin. Budyska měšćanska biblioteka ze swojimi třomi stejnišćemi je dale wočinjena. Tež jězbna kniharnja dale po regularnym planje jězdźi, a w dźěćacej bibliotece so tohorunja na małych čitarjow wjesela. We wšěch wobłukach płaći za wopytowarjow wot 16 lět prawidło 3G. Wotpowědny dopokaz kaž tež dokument k legitimaciji maja woni předpołožić. Wopyt w bibliotece pak měł tak krótki kaž móžny być. Na čitanskej žurli dźěłać je dowolene. Wupožčene knihi, CDje a DVDje wróćić móžeš we wosebitym kašćiku před zachodom do biblioteki na Hrodowskej 10. Archiwny zwjazk je pod prawidłom 2G wočinjeny. Zajimcy dyrbja so do toho přizjewić.
W zarjadnistwje płaći 3G
Změny w towaršnosći wuskutkowachu so tež na dźěło Sportoweho towarstwa Marijina hwězda. Podobne zjawy a problemy mějachu zawěsće tež druhe towarstwa. Nazwučowarjo kritizowachu wospjet špatne wobdźělenje na treningu a zdobom pobrachowacu kondiciju. Zranjenjow dla přeco zaso hrajerjo wupadnychu, stajene zaměry njedachu so tak zwoprawdźić. Wočiwidne pak tež je, zo wěste prawidłowne dźěło z mustwom wuspěch zaruča.
W hrajnym lěće 1972/1973 postupi koparske mustwo, tehdy hišće pod mjenom Traktor Pančicy-Kukow, do 1. wokrjesneje klasy. Wot toho časa je stajnje najwyšu klasu we wokrjesu dźeržało. Čas po towaršnostnym přewróće bě najwuspěšniši w stawiznach towarstwa, a klasu dźeržeć bě husto z horcym bojom a zbožom zwjazane.
W 1990tych lětach njezamó mustwo, hač na dwě wuwzaći, jednocyfrowe zaměstnjenje docpěć. W hrajnej dobje 1995/1996 přewza Pětr Bejmak trening a docpě z mustwom 8. městno, lěto pozdźišo wurjadne 2. městno (56 dypkow, 48:33 wrotow).
K dalšim wurjadnym wukonam
Kopańca, regionalna liga muži
Rathenow – Berlinski AK 3:1 (0:0)
BFC Dynamo – Altglienicke2:0 (1:0)
Luckenwalde – Lok Lipsk wupad
Babelsberg – Meuselwitz 0:2 (0:1)
Chemija Lipsk – Choćebuz 1:2 (0:1)
Auerbach – Borussia Berlin 0:4 (0:1)
Jena – Fürstenwalde4:1 (3:0)
Hertha BSC II – Eilenburg 5:1 (2:1)
Lichtenberg – Halberstadt 0:0 (0:0)
Tasm. Berlin – Kamjeničanski FC 0:2 (0:0)
1. BFC Dynamo 18 43 : 16 42
2. Berlinski AK 18 33 : 17 41
3. FC Energija Choćebuz 19 47 : 16 38
4. FC Carl Zeiss Jena 19 37 : 19 37
5. Lok Lipsk 18 39 : 16 36
6. VSG Altglienicke 19 33 : 21 35
7. Kamjeničanski FC 19 32 : 20 31
8. SV Babelsberg 19 27 : 22 31
9. Tennis Borussia Berlin 19 30 : 26 30
10. FSV 63 Luckenwalde 18 28 : 13 29
11. BSG Chemija Lipsk 19 18 : 23 22
12. Hertha BSC II 19 27 : 31 21
13. SV Lichtenberg 47 19 23 : 31 20
14. ZFC Meuselwitz 19 21 : 30 20
15. Germania Halberstadt 19 24 : 36 19
16. SV Tasmania Berlin 19 16 : 42 16
17. Optik Rathenow 19 20 : 34 14
18. Union Fürstenwalde 19 27 : 53 13
19. FC Eilenburg 19 18 : 44 12
20. VfB Auerbach 19 21 : 54 12
Tabulka DEL 2
1. EC Bad Nauheim 18 39
2. Lawy Frankfurt 17 38
3. Lodowe lawy Drježdźany 18 35
4. Ravensburg Towerstars 17 32
5. Sokoły Heilbronn 19 24
6. Kassel Huskies 17 23
7. Lodowe piraty Crimmitschau 13 22
8. Bayreuth Tigers 15 22
9. Łužiske Liški 16 21
10. Tölzske Lawy 18 21
11. ESV Kaufbeuren 16 19
12. EHC Freiburg 16 19
13. EV Landshut 15 15
14. Wjelki Selb 13 12
Łužiske lodohokejowe liški –
ESV Kaufbeuren 4:1 (1:0, 3:1, 0:0)
Po dźewjeć dnjach bjez dypkoweje hry a prěni króć zaso bjez přihladowarjow witachu Łužiske lodohokejowe liški ESV Kaufbeuren. Módro-žołći dyrbjachu bjez Tonija Rittera, Benneta Roßmyja und Korbiniana Geibela wuńć. Za to pak daštaj Brett Carson a Eric Valentin swój debit.