Pólska plany Němskeje wotpokazuje
Waršawa (dpa/SN). Pólski ministerski prezident Donald Tusk je planowanu migracisku politiku noweho zwjazkoweho knježerstwa raznje kritizował. „Němska pušći do swojeho kraja, kohož chce. Pólska do swojeho teritorija jenož tych pušći, kotrychž akceptuje“, rjekny Tusk we Waršawje při wopyće zwjazkoweho kanclera Friedricha Merza (CDU). „Njesmě so stać, zo nam Němska wěste skupiny ludźi do kraja sćele“, doda wón. Tusk poćahowaše so z tym na nowy tak mjenowany „Dublinowy centrum“ njedaloko Eisenhüttenstadta při Pólskej mjezy. Wot tam chcedźa migrantow wróćo do Pólskeje pósłać.
Pólski ministerski prezident tež plany Merza, kotryž chce pomjezne kontrole dale přiwótřić, kritizowaše. „Jeli něchtó mjezy do Pólskeje sylnišo kontroluje, přewjedźe tež Pólska tajke kontrole“ ministerski prezident zwurazni. Dołhodobnje nima to zmysła. Tusk skedźbni na to, zo njese jeho kraj z wonkownej mjezu EU na wuchod hižo wulke brěmjo.
Koncept a praksa
To a tamne (08.05.25)
Z cylindrom na hłowje a předešćnikom w ruce je britiski kral Charles III. tysacy hosći na zahrodźe Buckinghamoweho palasta w Londonje witał. Dešćikojte wjedro njeje dobrej naledźe zeškodźało, wšako njejsu prošeni kralej hišće nihdy takle blisko byli. Swjedźenje na zahrodźe su tradicija w žiwjenju kralowskeje swójby. Lětsa wočakuja na wjacorych zarjadowanjach na wšěch 30 000 hosći.
Najwoblubowaniše dźěćace mjena Němskeje chcyše Towaršnosć za němsku rěč dźensa wozjewić. Lońšu lisćinu faworitow młodych starši nawjedowaštej mjenje Sophia a Noah. Organizacija wozjewja wot lěta 1977 kóždolětnje lisćinu w Němskej najčasćišo wužiwanych předmjenow. Zakład toho su daty něhdźe 750 němskich stawnistwow, kotrež sposrědkuja towaršnosći nimale 900 000 zapiskow mjenow.
Za samopostajowanje a runoprawne wobdźělenje serbskeho ludu w ...
Swjedźenska narěč dr. Christiany Piniekoweje składnostnje konstituowanja 2. Serbskeho sejma 12. apryla we Łazu
Česćeni parlamentarownicy, lubi hosćo, česćeni hosćićeljo!
Wot Božoh‘ słowa witajće! Tak strowja so ewangelscy Hornjoserbja, přišedši z kemšow abo nutrnosće. Dźensa, sobotu 12. haperleje 2025, so schadźujemy, zo by so swjatočnje konstituował druhi raz cyłoserbski parlament, naš Serbski sejm. Přińdźemy z Łazowskeje cyrkwje, w kotrejž Handrij Zejler (1804–1872) jako farar skutkowaše. (...) Dalši wuznamny syn Łazowskich stron, Jan Arnošt Smoler (1816 – 1884), wozjewi w prěnim dźělu serbskoněmskeje wědomostneje encyklopedije Pjesnički hornych a delnych Łužiskich Serbow / Volkslieder der Wenden in der Ober- und Nieder-Lausitz w samsnym času (1841/43) tójšto spěwow z Łaza a wokoliny.
Jeju skutkowanje přinošuje tehdy k rosćacemu politiskemu a kulturnemu serbjewědomju Serbow. We 80tych lětach 19. lětstotka zapisuje Arnošt Muka (1854 –1932) w swojej statistice serbskeje ludnosće za Łaz 467 wobydlerjow – 432 Serbow (93 %) a 35 Němcow.
Solidny zakład dowěry
Berlin (dpa/SN). Nowy zwjazkowy kancler Friedrich Merz (CDU) spóznaje najebać wčerawše turbulentne kanclerske wólby solidny zakład dowěry za swoje dźěło w čorno-čerwjenej koaliciji. Bě to sprawny dźeń, na kóncu dnja pak tež dopokaz dowěry do noweje koalicije CDU, CSU a SPD, rjekny Merz sćelakej ARD. Wón po tutym dnju „njedwěluje“, zo koalicija přichodnje „dowěrliwje hromadźe dźěła“. Merza běchu hakle w druhim kole wolili.
Huthi k přiměrej zwólniwi
Sanaa (dpa/SN). Milica Huthijow w Jemneje je k přiměrej z USA zwólniwa, jeli Washington přiměr tohorunja dodźerži. Tole je rěčnik Huthijow Mohammed Abdel-Salam wčera nowinarjam zdźělił. Po jeho słowach su minjene tydźenje z pomocu Omana přiměr wujednali. Po wudyrjenju wójny w Gazaskim pasmje milica Huthijow israelske łódźe nadběhuje. USA reaguja na to z nalětami. Prezident USA Donald Trump nětko twjerdźi, zo su Huthijo před nim „kapitulowali“.
Miersch nowy šef frakcije SPD
W třoch wulkosćach přihotowane su šaty noweho bamža w Sixtinskej ...
Indiska Pakistan nadběhuje
Islamabad/New Delhi (dpa/SN). Při nadpadach Indiskeje na objekty w Pakistanje je po informacijach pakistanskeho wójska 26 ludźi žiwjenje přisadźiło. 46 ludźi so zrani. Indiska je minjenu nóc wjacore sydlišća w Pakistanje a w indisko-pakistanskej pomjeznej Kašmirskej kónčinje bombardowała. Indiska twjerdźi, zo je z tym teroristisku infrastrukturu zničiła. Pakistan zdźěli, zo je wójsko pjeć indiskich bojowych lětadłow wottřěliło.
Napjatosće mjez krajomaj wubudźił je teroristiski nadpad 22. apryla w indiskim dźělu Kašmira. Tam su terorisća 26 indiskich turistow morili. Indiska wumjetuje Pakistanej, zo je za nadpad zamołwita. Islamabad tole wotpokazuje, připowědźiwši wjećbu za nadpad Indiskeje.
Ukrainske truty wotwobarane
Merz po puću do Parisa a Waršawy
Berlin/Paris/Waršawa (dpa/SN). Prěni dźeń po wuzwolenju za zwjazkoweho kanclera je so Friedrich Merz (CDU) dźensa do susodneje Francoskeje a Pólskeje podał. W Parisu chce wón z prezidentom Emmanuelom Mcronom wo tym rěčeć, kak chcyła Europa po radikalnym wonkopolitiskim přewróće prezidenta USA Donalda Trumpa samostatniša być.
We Waršawje wočakowaše jeho ministerski prezident Donald Tusk. W rozmołwje chcyštaj wobaj nimo wójny w Ukrainje tež problem ilegalneje migracije wobrěčeć. Merz bě razniše naprawy přećiwo migrantam připowědźił a chce ilegalnych ćěkancow při mjezach wotpokazać. Pólska so přećiwo tajkemu postupowanju wobara. Merz bě w prěnim wólbnym kole za zwjazkoweho kanclera wčera dopołdnja w zwjazkowym sejmje zwrěšćił, dokelž njeje dosć hłosow dostał. W druhim wólbnym kole popołdnju jeho dosć wolachu. Do toho bě so unija CDU/CSU z frakciju Lěwicy a Zelenych na změnu dnjoweho porjada sejma dorozumiła, tak zo móžachu Merza tola hišće wuzwolić.
