27.10.–2.11.2016 Budyski filmowy palast: Inferno: wšědnje 20:00 (nimo štw a srj) | pj, so a nj 22:15 Trolls w 3 D: so, nj a pó 12:45 Doctor Strange w 3 D: wšědnje 14:45, 17:15 a 19:45 (nimo štw a srj) | štw a srj 20:00 | pj, so a nj 22:15 Störche – Abenteuer im Anflug: wšědnje 15:15 Störche – Abenteuer im Anflug w 3 D: wšědnje 17:30 Willkommen bei den Hartmanns: srj 19:45 Das kalte Herz: so, nj a pó 12:45 Bridget Jones’s Baby: wšědnje 17:15 a 19:45 Die Insel der besonderen Kinder: štw a wu 20:45 Die Insel der besonderen Kinder w 3 D: so a pó 12:45 Trolls: wšědnje 14:45 (nimo pó) a 18:45 (nimo pó) Bad Moms: pj, so, nj a srj 20:45 | pj, so a nj 22:30 Findet Dorie: wšědnje 16:45 (nimo pó) Findet Dorie w 3 D: wšědnje 15:15 Sausage Party: so 22:45 Don’t Breathe: pj a nj 22:45 Pets: pó 12:30 Elliot, der Drache: nj 13:00 Conni &Co: so a nj 12:30

Kino-ekstra: Frühstück bei Monsieur Henri:­ pó 14:30, 17:15 a 20:15

Spominaja na 60 lět jastwa

Budyšin. Składnostnje róčnicy, zo su před 60 lětami Budyske wosebite jastwo ministerstwa za statnu bjezstrašnosć NDR wutworili, wotměje so tam jutře, štwórtk, we 18 hodź. zarjadowanje „Zašłosć a zawjazk“. Na nim porěči mjez druhim zamołwity za podłožki stasi Roland Jahn. Naslědnu diskusiju moderěruje zapósłanča zwjazkoweho sejma Marja Michałkowa. Hižo w 16 hodź. poskića wodźenje po wopomnišću.

Radźićeljo wuradźuja

Róžant. Diskusija wo hłownych wustawkach gmejny budźe jedna z temow přichodneho posedźenja gmejnskeje rady­ Ralbicy-Róžant jutře, štwórtk, we 18.30 hodź. w Róžeńčanskej sydarni. W njezjawnym dźělu swojeho posedźenja chcedźa radźićeljo wo Ralbičanskej kormjerni swini porěčeć.

Předstaja nowu iniciatiwu

Njebjelčicy. Tež Njebjelčanscy gmejnscy radźićeljo zetkaja so jutře k dalšemu wuradźowanju w gmejnskej sydarni, ale hakle w 19.30 hodź. Mjez druhim chcedźa tam iniciatiwu „Jědźna gmejna“ předstajić. Dale póńdźe wo planowany dróhotwar w Miłoćicach.

Štó chce knihi wotbyć?

Kamjenc. Towarstwo přećelow a spěchowarjow Muzeja zapadneje Łužicy chce lětsa znowa we wobłuku Kamjenskeho adwentneho spectaculuma knižne čaporowe wiki přewjesć a tak pjenjezy za muzej zběrać. Štóž chce tam swoje hižo njewužiwane knihi darmotnje wotbyć, móže je hač do 2. decembra wšědnje (nimo póndźele) w bibliotece Muzeja zapadneje Łužicy wotedać.

Wuchowarjo rěče přeprošeja

Budyšin. Přichodne zarjadowanje Budyskeho kluba wuchowarjow rěče jutře, wutoru, w 19 hodź. w Budyskim hosćencu Sprjewina pensija budźe literarno-hudźbneho razu. Pod hesłom „120 lět Friedrich Hollaender“ wustupitaj dr. Albrecht a Bärbel Balzer ze Žitawy. Zajimcy su witani, zastup je darmotny.