Kubłarjo, wučomnicy a studenća z Bretoniskeje a Walesa we Łužicy
Budyšin/Lipsk (SN/MiR). Drježdźanske Towarstwo Europa Direkt – Institut za interkulturelne a europske studije spěchuje wuměnu na polu kubłanja mjez Francoskej a Němskej. Tele dny wobhonjeja so młodostni z Bretoniskeje, kotřiž chcedźa so z kubłarjom abo kubłarku stać, wo serbskorěčnym kubłanju. Wčera dopołdnja su so w Budyskim Serbskim muzeju wo stawiznach a kulturje Serbow informowali. W Budyskim Serbskim domje rozłoži jim sobudźěłaćerka Rěčneho centruma Witaj Jadwiga Kaulfürstowa detaile serbsko resp. dwurěčneho serbsko-němskeho kubłanja w pěstowarni kaž tež w šuli a wotmołwi na prašenja młodostnych kaž tež jich přewodźacych. „Wosebje zajimowana sym na informacijach z wašeho boka, kak jako přichodni kubłarjo z tym wobchadźeće, dźěćom bretonšćinu, kotraž słuša w Francoskej k mjeńšinowym rěčam, posrědkować“, Kaulfürstowa so na přitomnych wusměriwši rjekny. W běhu zarjadowanja wona zhoni, zo so w Bretoniskej jenož hišće w mało swójbach bretonsce rěči.
Choćebuz (SN/BŠe). Předewzaće Łužiska energija a milinarnje (LEAG) dóstanje wotškódnjenje we wobjimje 1,75 miliardow eurow, dokelž je w Němskej předwidźane, brunicu hižo wot lěta 2038 njewudobywać. Komisija EU je tomu wčera zelenu swěcu dała. Zwjazkowy hospodarski minister Robert Habeck (Zeleni) je wčera w Berlinje wuzběhnył, zo je to za potrjecheny region jara wažny rozsud. Z pjenjezami móža so přistajeni w přechodnej fazy socialnje podpěrać a wudawki za zawrjenje brunicowych jamow zapłaćić.
„Rozsud za nas zrozumliwy njeje. Sćěhi brunicowych jamow financować, kotrež je předewzaće same zawinowało, ma LEAG sama njesć. Zo stat nětko wotškódnjenje zapłaći, je absurdne“, wuzběhny René Schuster z wobswětoweho zwjazka Zelena liga. Dale wón tomu raznje znapřećiwja, zo budźe Łužica z toho profitować. „LEAG njeje łužiske wobydlerske hibanje, ale słuša oligarchej z wukraja. K rekultiwowanju swojich jamow je předewzaće tež potom prawnisce winowate, jelizo pjenjezy wot stata njedóstanje.“
„Narodninska torta za Findusa“ rěka nowa kniha, kotruž Ludowe nakładnistwo Domowina dźěćom wot štyrjoch lět do prózdnin poskića. W nowostce z rjadu „Pettersson a Findus“ wjerći so tónkróć wšo wokoło słódneje chłóšćenki, kiž chce starc Pettersson za swojeho kocora Findusa napjec. Tola tak jednore to njeje, a zo by k swojej torće přišoł, ma šwižny kocork kaž španiski torero z bykom wojować. Original Svena Nordqvista je Diana Šołćina zeserbšćiła. Kniha je w Smolerjec kniharni, w internetowym wobchodźe LND kaž tež w dalšich serbskich předawanišćach na předań.
ST Lubuš II –SJ Njebjelčicy 0:3 (0:3)Zestawa hosći: N. Hahn – S. Schulze, C. Reinelt, R. Hanuza, J. Matješk, J. Lehmann, H. Korjeńk, G. Čornak (55. E. Bulank) T. Čornak, P. Hrjehor, N. RudolfNa poslednim hrajnym dnju sezony 2023/2024 steještej sej mustwje z Lubuša a Njebjelčic napřemo. Personelna situacija pola hosći bě napjata, dokelž pobrachowaše w kadrje dźewjeć hrajerjow. Přiwšěm přewzachu Njebjelčenjo wot spočatka iniciatiwu.W prěnich mjeńšinach měješe rezerwa z Lubuša wulku šansu, kotruž pak dźakowano wrotarjej Nikej Hahnej wužić njemóžachu. W 15. min. zahaji Ronny Hanuza wuspěšny nadběh. Z dołhim bulom ze swójskeje połojcy dowjeze bul do přećiwniskeje šěsnatki, hdźež docpě Jonas Lehmann 1:0 za SJN. Jenož tři mjeńšiny pozdźišo zwyši Handrij Korjeńk na 2:0, po dobrym předdźěle Gabriela Čornaka. Přećiwnik spytaše, so husto přez dołhe bule wuswobodźić, ale defensiwa SJ Njebjelčicy ničo njedowoli. W 29. min. dósta SJN wólny kop na prawym boku, kotryž hraješe Paul Hrjehor w zadnim rum ...
Na francoskim pobrjohu atlantiskeho morja su wčera swjatočnosće k 80. róčnicy hoberskeho nadběha aliěrowanych wojakow na zakitowanske zepěranišća němskeho wójska zahajili. 6. junija 1944 běchu USA, Wulka Britaniska a Kanada nadběh přez morjo zahajili. Jeničce prěni dźeń je při tym 4 400 aliěrowanych wojakow žiwjenje přisadźiło. Foto: dpa/Arnaud Beinat
Bošečanscy wohnjowi wobornicy z kapału 100lětne wobstaće woswjećiliBošecy (WL/SN). Hnydom dwaj jubilejej woswjećichu Bošečenjo zańdźeny pjatk. Tamniša gmejnska wohnjowa wobora kaž tež kapała wohnjowych wobornikow, kotraž je tež pod mjenom „Bošečanscy dujerjo“ znata, přeprosyštej na zhromadny swjedźeń składnostnje 100lětneho wobstaća do swjedźenskeho stana. Robert Mirtschin, nawoda wohnjowych wobornikow, zeznajomni publikum jara žiwje ze stawiznami wobeju jubilarow. Při tym złožowaše so na publikaciju „100 lět wohnjowa wobora a kapała wobornikow“, stawiznopis awtora Sebastiana Fuchsa, kotryž běše z wulkej prócu a akribiju wšitke fakty za knihu rešeršował a hromadźił.
Wojerecy (AK/SN). We Wojerecach zamołwići zaměrnje na změnje hospodarskich strukturow dźěłaja. W bywšej produkciskej hali předewzaća Robotron w Ćiskowskim industrijnišću nastanje „Centrum za twarjenje a bydlenje“. Tam maja so nowe maćizny a technologije wuslědźić a za zasadźenje w praksy přepruwować. Nošer projekta je Łužiski technologiski centrum Lautech, kotryž dźěła wusko ze zwjazkowej inowaciskej syću „BauRaumWerk“ hromadźe. W industrijnišću ma mjez druhim zhotowjenska hala, labor, seminarna rumnosć a składźišćo za material nastać. Cyłkownje 5,8 miliony eurow naprawa płaći. 5,7 milion eurow spěchuje so ze zakonja za inwesticije we wuhlowych kónčinach. Łužiski technologiski centrum Lautech, wužiwar industrijoweje hale, tohorunja podźěl přewza.
6. junija. – 12. junija 2024Budyski filmowy palast:Alles steht Kopf 2: srj 14:45, 15:15, 17:00, 17:30, 19:30 Bad Boys: Ride or Die: wšědnje 20:00 | pj, so, wu, sr 14:30 | pj, so a wu 17:40 | sr 17:30 | pj a so 22:30 Garfield – Eine Extra Portion Abenteuer: wšědnje 17:00 | wšědnje 17:30 (nimo srj) | wšědnje 15:00 (nimo pó a štw) Imaginäre Freunde: wšědnje 17:10 a 20:15 (nimo pó a srj) | nj 12:30 | pj, so a wu 15:15 | so 12:15 a 14:45 | srj 14:45 Late Night with the Devil: pj, so, pó, wu, srj 17:20 | pj a so 22:30 Tarot – Tödliche Prohezeiung: wšědnje 20:00 | pj a so 22:40 They See You: wšědnje 17:50 a 20:15 | pj a so 22:40 The Fall Guy: so a wu 17:10 Challengers Rivalen: pj a so 22:10 Überflieger – Kleine Vögel, großes Geklapper: štw 16:30 | so 15:00 Arthur der Große: wšědnje 17:00 (nimo štw a pó) | nj 12:15 Sneak Preview: pó 20:00 Planet der Affen: New Kingdom: wšědnje 19:30 Furiosa: A Mad Max Saga: wšědnej 19:30 | pj a so 22:00 | pj a pó 17:10 Lonely Castle in the Mirror: so 17:00 ...
