Kónctydźenske wuslědki (20.04.26)
Na 18. hrajnym dnju, kotryž bě zdobom posledni w sakskej klasy stafla wuchod, je prěnje wolejbulowe mustwo muži Viktorije Worklecy w Drježdźanach přećiwo VC Drježdźanam 0:3 (18:25, 18:25, 17:25) přěhrało. Najlěpši hrajer hosći bě kapitan Jakub Bobka.
Tež druhe wolejbulowe mustwo muži Viktorije Worklecy je swoju poslednju domjacu hru sezony 2025/2026 1:3 (25:27, 18:25, 25:23, 16:25) přećiwo rezerwje Módro-běłych Wojerecy přěhrało. Jako najlěpšeho hrajerja domjaceho cyłka wuzwolichu Floriana Bulanka.
Worklečanki přěhrachu we wobwodnej lize w Běłej Wodźe přećiwo TSG Hamorej/Běłej Wodźe 0:3 (8:25, 17:25. 15:25). Tam pokaza kapitanka hosći Diana Hajnec najlěpši wukon.
Hrubjelčan Kito Budar, kotryž startuje za Uniwersitne sportowe towarstwo Techniskeje uniwersity Drježdźany w mocosporće, je sej sobotu w Budyšinje na krajnym mišterstwje titul sakskeho mištra w křižnym zběhanju wudobył. Zdobom polěpši 17lětny šuler Serbskeho gymnazija Budyšin z 250,50 kg sakski rekord. Po wubědźowanju rjekny Budar: ,,Ja so jara wjeselu, wosebje tež dokelž běše to moje prěnje wubědźowanje jako jednotliwc, a to z tajkim wuspěchom ...‘‘
Widźał,słyšał, napisał (20.04.26)
Awtor dźensa
Pětr Šołta
Sport (17.04.26)
Na pokal slěduje zaso liga
Prěnje koparske mustwo Sokoła Ralbicy/Hórki běše zašły kónc tydźenja wuspěšnje do połfinala wokrjesneho pokala zaćahnyło a wojuje jutře zaso we wokrjesnej wyšej lize wo dypki. Přećiwnik z Hnašec-Dobruše je tež móžny finalny přećiwnik Ralbičanow w pokalu. W samsnej lize změja Chróšćenjo znowa tak mjenowanu šěšćdypkowu hru přećiwo zestupej, hdyž so sobotu na puć do Połčnicy podadźa. Přećiwo tabulkowemu susodej hraje njedźelu tež Energija doma w Choćebuzu.
18.04. 13:00 HZ Wulka Dubrawa II –
HZ Ralbicy II/Pančicy II
18.04. 15:00 ST Hnašecy-Dobruša –
Sokoł Ralbicy/Hórki
18.04. 15:00 TSV Połčnica –
SJ Chrósćicy
18.04. 15:00 Módro-běli Kulow –
LSV Hory
18.04. 15:00 HZ Wulke Ždźary –
SJ Chrósćicy II
19.04. 13:30 FC Energija Choćebuz –
Čerwjeno-běli Essen
19.04. 14:00 ST Marijina hwězda –
ST Wjelećin
19.04. 15:00 ST Radwor – ST Lubuš
Worklečenjo hraja doma
Druhe wolejbulowe mustwo muži Viktorije Worklecy změje sobotu swój posledni domjacy hrajny dźeń. Z hosćom budźe druhe wolejbulowe mustwo Módro-běłych Wojerecy.
18.04. 14:00 Viktoria Worklecy II –
MB Wojerecy II (m)
18.04. 14:00 VC Drježdźany –
Viktoria Worklecy (m)
18.04. 14:00 TSG Hamor Běła Woda –
Viktoria Worklecy (ž)
Z wulkim přikleskom z pokalneho koła
ST Marijina hwězda –
ST Hnašecy/Dobruša 2:4 (0:0)
po třělenju jědnatkow
Zestawa domjacych: D. Matik – T. Jurš, F. Kreuz, K. Pakoßnick, R. Cyž, A. Eldor, J. Kuring, Fl. Bulank, Ch. Cyž (120. J. Clausen), J. Pakoßnick (109. E. Zynda), F. Peschmann (46. F. Zelnak)
Z prawym nastajenjom je tež přećiwo mustwam wyšeje klasy wuspěch móžny. Tak steješe wokrjesny ligist z Pančic-Kukowa w pokalnej hrě zašłu njedźelu krótko před sensaciju přećiwo cyłkej z Hnašec-Dobruše, druhemu tabulki wokrjesneje wyšeje ligi.
Sokoljo jasnje so přesadźili
ST Porchow – Sokoł Ralbicy/Hórki 1:4 (1:2)
Zestawa hosći: Schöne – B. Heidorn, P. Woko, Šewc, R. Šnajder (70. Bejmak), Korjenk, Mikławšk (92. Kunze), Hicka (90. J. Šołta), Mjechela (90. Schultz), N. Šnajder, P. Šołta (77. L. Heidorn)
Minjenu njedźelu, młode jutry, je delanski cyłk w štwórćfinalu wokrjesneho pokala w Porchowje nastupił. Tamniše mustwo hraje klasu niže we wokrjesnej lize, hdźež steji na dobrym druhim městnje. Loni kónc julija běchu Sokoljo w Małym Wosyku přećiwo Porchowej testowu a přihotowansku hru 7:2 dobyli. Zo budźe pokalna partija tónraz wo wjele ćeša, běše hrajerjam runje tak kaž trenarjomaj Christophej Gloxynej a Tomašej Hicce jasne. Wědźo, zo Sokoljo lětsa hišće ani jeničku wonkownu hru dobyli njesu, žadaše sej Christoph Gloxyn do hry połnu koncentraciju, zo njebychu so njetrjebawše zmylki stali.
Wuslědki (15.04.26)
Krajna klasa
Wojerowski FC – SZ Drježdźany 0:3 (0:1)
Wokrjesna wyša liga
Kulow – Hlinowski SK 1931 2:0 (1:0)
SJ Chrósćicy – Ottendorf-Okrilla 2:0 (0:0)
TSV Wachau – LSV Hory 3:4 (1:1)
Großnaundorf - Rakečanske ST 2:3 (2:1)
Wokrjesna liga stafla I
Załom-Wopaka – Połčnica II 1:3 (0:1)
Wokrjesna liga stafla II
ST Wulka Dubrawa – Minakał 1:3 (0:2)
Sepicy - Wulke Ždźary 3:2 (3:1)
Wokrjesna klasa stafla I
Budyšink – Póst Germania II 1:7 (0:3)
Wokrjesny pokal
Lubuš II – Germania Budyšin II 4:5 (0:0)
Porchow – Sokoł Ralbicy/Hórki 1:4 (1:2)
Marijina hw. – Hnašecy-Dobruša 2:4 (0:0)
Bretnig-Hauswalde – Połčnica 4:1 (1:0)
Žadyn dypk za FC Energiju
VfL Osnabrück –
FC Energija Choćebuz 1:0 (0:0)
Zestawa hosći: Funk – Rorig (82. Tattermusch), Manu, Awortwie-Grant, Straudi (58. Michelbrink) – Pelivan (82. Campulka), Borgmann – Butler (46. Boziaris), Tolcay Ciğerci, Moustfa (46. Hannemann) – Engelhardt
wrota: 1:0 Badjie (50.)
přihladowarjo: 15 741
Koparjo prěnjeho koparskeho mustwa Sportoweho towarstwa Marijina ...
Jasna poražka bjez wulkich šansow
SC Wulke Rědorjecy –
Sokoł Ralbicy/Hórki 5:0 (4:0)
Zestawa hosći: Schöne – Heidorn, Šewc, P. Woko – Mikławšk (60. P. Šołta), A.Woko (36. Schultz), D. Šołta, Mjechela (36. Bejmak), N. Šnajder (66. L. Heidorn) – R. Šnajder (36. Korjeńk), Hicka
Zeleny štwórtk wječor dyrbjachu delanscy koparjo we Wulkich Rědorjecach šwarne fiasko dožiwić. Poprawom měješe so wony duel hižo w februarje wotměć, zmjerzka dla pak běchu jón na zeleny štwórtk přesunyli. Sokoljo drje dyrbjachu toho abo tamneho zranjeneho hrajerja narunać, najebać to pak ze sylnej zestawu startowachu.
Serb z Parisa do Roubaixa kolesował
Šunowčan Stefan Möller je zašłu sobotu w Francoskej kolesowarsku jězbu profikolesowarjow, tak mjenowanu „helu sewjera“, zabsolwował. Po starće w Parisu je serbski wutrajnostny sportowc 175 kilometrow dołhu čaru ze wšěmi 30, z horbatym plestrom wukładźenymi pasažemi do Roubaixa zmištrował. Lětuša tura Paris-Roubaix bě 123. nakład francoskeho dnjoweho kolesowarskeho wubědźowanja. Wone je dźěl UCI WorldTour 2026. Jězba Paris-Roubaix słuša kaž Mailand-Sanremo, kołojězba
po Flandernskej, Lüttich-Bastogne-Lüttich a Il Lombardia k tak mjenowanym monumentam kolesowarskeho sporta. Foto: Stefan Möller
