Tola hišće napjata partija
FC Energija Choćebuz –
FC Rudne horiny Aue 2:1 (1:1)
Zestawa FC Energija: Funk – Rorig, Campulka, Antwortwie-Grant, Borgmann, Ciğerci (90.+4 Juckel), Pelivan, Hannemann (68. Lucoqui), Boziaris (46. Michelbrink), Thiele (62. Engelhardt), Butler (62. Tattermusch)
wrota: 1:0 Hannemann (2.), 1:1 Guttau (15.), 2:1 Ciğerci (67. pokutny kop)
Po druhim dobyću za sobu je so FC Energija Choćebuz na pjate městno w tabulce polěpšiła. Wuspěch w derbyju pak z 2:1 tohodla snadnje wupadny, dokelž njemóžachu hosćićeljo najlěpše móžnosće za wrota wužić. Kaž na přikład Timmy Thiele a Tolcay Ciğerci po pjeć mjeńšinach ze swojej dwójnej šansu.
Runjewon wohańbjaca w tutym zwisku bě w 79. min. wulkošansa Erika Engelhardta. Wón bě wot srjedźneje linije startował, sam na Martina Männela běžał a bul pódla wrotow třělił. Krótko do toho měješe Ciğerci, kiž bě w 67. min. z pokutnym kopom 2:1 docpěł, předrozsud na noze. Hladajo na tute wulkošansy wosta partija napjata, dokelž so Aue ze wšej intensitu přećiwo poražce wobara. Tak bu škit FC Energije w poslednjej štwórć hodźinje hišće raz chětro pod ćišć stajany. Georg Zielonkowski
Přesłapjacy wustup Njebjelčanow
SJ Njebjelčicy –
HZ Arnsdorf II /Großharthau 1:2 (0:1)
Zestawa domjacych: Hahn – Hanuza, Matješk (45. Kral D., 50. Reineke), Hrjehor, Čornak, Kral M., Rudolf, Bjeńš, Korjeńk, Domš F., Lehmann (45. Šiman)
Po dwěmaj dobyćomaj w lize slědowaše w zašłej domjacej hrě poražka přećiwo hrajnemu zjednoćenstwu Arnsdorf/Großharthau. Hosćo, kiž běchu do toho hišće bjez dypkow, hosćićelow překwapichu a dobychu hru 2:1.
W minjenych hrach ležeše róla faworita tendencielnje skerje pola Njebjelčanow. Ale tež změny stafle dla njemóžeše so přećiwnik tak prawje posudźować. Čerwjene košle njepokazachu tutu njedźelu dobry mustwowy wukon a žanu dobyćersku wolu. Wšitke te atributy, kotrež w zašłych hrach k dobyćam dopomhachu, na tutym dnju pobrachowachu. Z přećiwnikom na jednej runinje sobu dźeržeć by móžne było. Wužiwanje šansow pak bě chětro špatne. Nimo toho přeprošachu Njebjelčenjo přećiwnika prawidłownje před swójske wrota. Tak hosćo wot 26. min. 1:0 nawjedowachu. Wo małe swětleško postara so Stefan Bjeńš. Sernjančan docpě w druhej połojcy wurunanje 1:1 (69). Při tym pak bohužel njewosta.
Chróšćenjo domjacu hru pozdźe za sebje rozsudźili
SJ Chrósćicy –
TSV Wachau 2:0 (0:0)
Zestawa domjacych: Kola – Mark (69. S. Handrik), Młynk, F. Cyž, Dźisławk, L. Zahrodnik (89. Mi. Zahrodnik), C. Handrik, Kral, Zahrodnik, Bjeńš, Šiman (85. B. Donat), Bogusz (65. G. Zahrodnik)
Na štwórtym hrajnym dnju hišće noweje sezony běchu koparjo z Wachauwa njedźelu z hosćom w Chrósćicach. Domjacy cyłk chcyše na dobre wuslědki zašłeju hrow nawjazać a sej tři dypki zawěsćić.
Wuslědki (17.09.25)
Wokrjesna wyša liga
Módro-běli Kulow – Bukecy 2:1 (2:0)
Póst Budyšin – Ottendorf-Okrilla 3:0 (3:0)
TSV Połčnica – LSV Hory 4:6 (2:2)
Hnašecy-Dobruša – Rakecy 3:2 (2:1)
Großnaundorf – Ralbicy/Hórki 1:2 (0:1)
SJ Chrósćicy – TSV Wachau 2:0 (0:0)
Hlinowski SK – Ramnow 2:5 (1:3)
1. Póst Germania Budyšin 4 12 : 3 12
2. ST Hnašecy-Dobruša 4 11 : 4 10
3. Sokoł Ralbicy/Hórki 4 8 : 4 10
4. SJ Chrósćicy 4 13 : 7 9
5. SG Großnaundorf 4 11 : 6 9
6. LSV Hory 4 11 : 11 9
7. Módro-běli Kulow 4 9 : 6 7
8. SC 1911 Wulke Rědorjecy 4 8 : 5 7
9. Drohotka Ramnow 4 7 : 7 6
10. Hlinowski SK 1931 4 10 : 12 4
11. Zeleno-běli Bukecy 4 8 : 10 3
12. TSV Wachau 4 6 : 8 3
13. FV Ottendorf-Okrilla 4 3 : 8 1
14. Rakečanske ST 4 7 : 13 1
15. TSV Połčnica 4 5 : 12 1
16. ST Horni kraj-Sprjewja 4 1 : 14 0
Tři dalše mjeńšiny za tři dypki
SZ Großnaundorf –
Sokoł Ralbicy/Hórki 1:2 (0:1)
Zestawa hosći: Schöne, B. Heidorn, T. Bejma, Rachela (67. Mjechela), N. Šnajder, Wałda, Gloxyn, Mikławšk (63. Woko), Hicka, B. Bejma, L. Heidorn (72. Matka)
Po pokalnym kole hrajachu Sokoljo nětko přećiwo druhemu tabulki w Großnaundorfje wo dypki. Nic pak na hosćićelskim trawniku, ale w lěsnym stadionje w Lomnitzu. Trawnik běše w dobrym stawje a tak wočakowachu wšitcy zajimawu hru.
Suwereny wustup Energije
ST Waldhof Mannheim –
FC Energija Choćebu 0:3 (0:2)
Zestawa FC Energije: Funk – Rorig, Manu (46. Campulka), Awortwie-Grant, Borgmann, Ciğerci (77. Lucoqui), Pelivan, Hannemann (46. Michelbrink), Boziaris (64. Moustfa), Tattermusch (64. Butler), Engelhardt
wrota: 0:1 Borgmann (6.), 0:2 Boziaris (44.), 0:3 Butler (74.)
Z wuběrnym wukonom je so FC Energija Choćebuz po přestawce do třećeje ligi nawróćiło. Přećiwo ST Waldhof Mannheim poradźi so jim tež suwerene dobyće 3:0. Tute by bjezdwěla jasnišo wupadnyć móhło, dokelž Energija hosćićelow nimale přez cyły hrajny čas z agresiwnym pressingom wobstajnje atakěrowaše.
Hižo w 7. min. padnychu prěnje wrota za Energiju, jako Axel Borgmann konsekwentnje reagowaše. FCE měješe přez Engelhardta přichodnu hobersku šansu (14.), tola wón njezamó wrotarja přewinyć runje tak, kaž Ciğerci. Hrajer domjacych Lukas Klünter widźeše w 25. min. žołto-čerwjeny kartonk, tak zo hosćo wotnětka z mužom wjac agěrowachu. Tola wumóžace 2:0 padnje hakle w 44. min. Henry Rorig posłuži Yannisa Boziarisa, kiž centralnje do wrotow trjechi.
FC Energija Choćebuz škit zesylniła
Nimo noweho wrotarja Mariusa Funka ma FC Energija Choćebuz tež noweju škitarjow.
Anderson Lucoqui, kiž ma nazhonjenja w zwjazkowej lize, přińdźe nětko do Łužicy. 28lětny hraješe w předsezonje za TSV 1860 Mnichow, po tym zo móžeše nazhonjenja w 1. zwjazkowej lize zběrać. Wón bě hrajer pola Fortuny Düsseldorf, Arminia Bielefeld a pola Mainz 05.
Nimo rutinjeja přińdźe 21lětny King Manu do Choćebuza. Fortuna Düsseldorf wupožči jeho FC Energiji. Nutřkowny škitar budźe hač do kónca sezony trikot FC Energije z čisłom 2 nosyć. Rodźeny Kölnjan bu pola zwjazkoweho ligista Borussia Mönchengladbach wukubłany. Pola Düsseldorfskeje Fortuny hraješe w muskim wobłuku w 2. zwjazkowej lize, prjed hač bu k FC Hansy Rostockej wupožčeny. 1,95m wulki nutřkowny zakitowar bu za Hanseatow w třećej lize 16 razow zasadźeny. Georg Zielonkowski
Radworčenjo přepozdźe wotućili
ST 1922 Radwor –
FC Łužica 2:3 (0:2)
Zestawa domjacych: Pěčak – M. Grubert (70. Krječmar), Adam, Schäfer (46. B. Grubert), Wjeńka, Hančik (65. Lawka), Wróbl, Schöne (40. Elsner), Wencel (78. Bišof), Dźisławk, Paška
Na štwórtym hrajnym dnju wokrjesneje ligi je prěnje koparske mustwo ST 1922 Radwor doma FC Łužicu pohosćiło. Trawnik bě po sylnym dešću do hry hłuboki a mokry. Zaměr hosćićelow pak bě, po hórkej poražce w druhim pokalnym kole dobry wukon docpěć.
Wot spočatka hry pak bě mustwo njekoncentrowane. Hižo při prěnim nadběhu mějachu Łužičenjo prěnju šansu na wrota. Po druhim pospyće w 1. min. hosćo hižo nawjedowachu. Radworske mustwo njeměješe žane ideje a pokaza mało bojowniskeje wole. Zhromadne hraće Radworčanow lědma fungowaše, nadběhi wostachu njewuspěšne. We 38. min. wužichu hosćo poradźeny nadběh a zwyšichu po přihrawce před wrota hrajny staw na 2:0. Radwor spytaše so přez křidle k wrotam předrěć, tola tež z tutej strategiju trěbne wrota nježnějachu.
Z wulkimi ćežemi do wosmifinala
HZ Zeleno-běli Halštrow –
ST Marijina hwězda 2:3 (0:2)
Zestawa hosći: R. Wende – E. Zynda, F. Bulank, K. Pakoßnick, M. Wróbl (73. P. Schmidt), A. Eldor (80. B. Czapik), J. Kuring, Ch. Cyž, E. Bulank, J. Pakoßnick (46. J. Ladewig), F. Kreuz
W druhim pokalnym kole dyrbjachu so Pančičenjo z hrajnym zjednoćenstwom Halštrow II/Hlinowc II rozestajeć. Zo njebudźe to jednora hra, pokaza hižo spočatna faza duela.
W druhim kole pokala zwrěšćili
ST Demicy-Tumicy –
SJ Chrósćicy II 3:0 (2:0)
Zestawa hosći: M. Mark – M. Donat, Sćapan, T. Donat, J. Mark (64. Wenderoth), Budar, F. Zahrodnik, J. Donat (64. Brühl), Špitank, Klemenc, M. Zahrodnik
W druhim pokalnym kole bě Chróšćanske druhe mustwo we Wjelkowje (Wölkau) we wjesnym dźělu gmejny Zemicy-Tumicy nastupiło. Jako wokrjesny ligist běchu hosćo faworit, wšako hraja hosćićeljo klasu niže we wokrjesnej klasy.
Tola na twjerdym hrajnišću pokaza so wot spočatka sem hinaši wobraz. Domjacy Chróšćanow chětro zahe atakěrowachu, tak zo hosćo do swójskeje hry njenamakachu. Po pjeć mjeńšinach dyrbješe so hra prěni króć skrótka přetorhnyć. Nadběhowar domjacych bě krótko do šěsnatki z Chróšćanskim wrotarjom Matejom Markom hromadźe zrazył a so při tym ćežko zranił, tak zo hnydom chorobne awto zawołachu. Hra bu pokročowana, doniž tute njedojědźe. Naslědowacy wólny kop Zemičan na prěčnu łatu smokny. Něšto mjeńšinow po tym chorobne awto dojědźe a hra so něhdźe dwaceći mjeńšinow přetorhny, dokelž bu zranjeny direktnje při hrajnišću zastarany.
