Steja hišće cyle na spočatku

póndźela, 25. julija 2022 spisane wot:

SJ Chrósćicy – FC Pěnčín 2:4 (0:3)

Zestawa domjacych: Králíček, Škoda – L. Zahrodnik, F. Cyž, Sentiwan, Mark, ­Matješk, Zynda, Matik, Janca, Kreuz, G. Zahrodnik, Bogusz, Młynk, M. Zahrodnik, Mützner, Wornar, C. Handrik

Po krótkej lětnej přestawce witaše Chróšćanski trenar Pavel Runt swojich chowancow tele dny zaso k přihotej na nowu sezonu. Sobotu tydźenja steješe prěni test na planje. Tu přijědźechu koparjo mustwa FC Pěnčín do Chrósćic. Woni hraja w pjatej čěskej lize. W mustwje we wsy njedaloko Jabloneca ­hrajetaj z Karelom Vrabecom a Pavelom ­Patku tež koparjej, kotrajž staj někotre ­lěta swoje kopački we Łužicy za Budissu Budyšin abo Jednotu Kamjenc šnórowałoj.

Awtorka dźensa

Tereza Wićazowa

Při tučasnych europskich mišterstwach w žónskej kopańcy by tójšto naležnosćow wobrěčeć móhli. Tola sćelaki kaž ARD, kiž hry wusyłaja, wzdawaja so zwjetša přihotowanskeje rozrěče do a wuhódnoćenju resp. rozmołwy po hrě.

Sport (22.07.22)

pjatk, 22. julija 2022 spisane wot:

Kónctydźenska kopańca

Nimo Serbskeho supercupa njedźelu w Njebjelčicach (Serbske Nowiny wčera turněr připowědźichu), we wobłuku kotrehož hraja serbske cyłki z Radworja, Pančic-Kukowa, Chrósćic a Ralbic, testuja dalše mustwa nowe zestawy swojich cyłkow dźensa, jutře, njedźelu a přichodny kónc tydźenja takle:

22.07. 19:00  Rakečanske ST –

  Biskopičanske KT 08

23.07. 15:00 Zeleno-běli Bukecy –

  ST Hbjelsk 1923

23.07. 15:00 Módro-běli Minakał –

  SSV Langburkersdorf

29.07. 18:30 SJ Chrósćicy –

  Póst Germania Budyšin

30.07. 15:00 SJ Chrósćicy –

  ST Hnašecy-Dobruša

31.07. 11:00 SJ Njebjelčicy –

  TSV Wachau

Přihotowanske hry Běłowodźanow

W přihotowanskej fazy na nowu hrajnu dobu 2022/2023 změja Łužiske lodohokejowe liški wjacore přećelske hry.

26.08. 19.30 EC Bad Nauheim –

  Łužiske liški

28.08. 16.00 EC Kassel Huskies –

  Łužiske liški

02.09. 19.30 Łužiske liški –

  HC Benátky nad Jizerou

03.09. 16.00 Łužiske liški –

  LP Crimmitschau

11.09. 17.00 LP Crimmitschau –

  Łužiske liški

Wolejbulowy turněr na SGB

Michal Brandl prěni nowy Budissy

štwórtk, 21. julija 2022 spisane wot:

Michal Brandl je prěni nowopřichad wyšeho koparskeho ligista FSV Budissa Budyšin. Hakle njedawno je koparske towarstwo jeho zjawnosći předstajiło. 24 lětny Brandl přińdźe z Biskopičanskeho KT 08 do sprjewineho města, zdźěli Budissa w nowinarskim wozjewjenju. Kopar nutřkowneho škita je nowe dźěłowe zrěčenje hač do 30. junija 2023 podpisał, ze zdźělenki dale wuchadźa. „Mamy wulku dowěru do kwalitow Michala Brandla. Wón budźe konkurencny bój w nutřkownym škiće dale přisporjeć“, rjekny wiceprezident FSV Budissy Budyšin Sven ­Johne. „Wjeselu so na swój nowy nadawk w Budyšinje. Budissa je so jara wo mnje prócowała. Wjeselu so na nowy team ­a zhladuju pozitiwnje do přichoda“, zwurazni Michal Brandl k swojemu nowemu nadawkej.

24 lětny Čech bě so pola FK Ústí nad Labem a pola FK Teplice na koparja wukubłał. Dalšej staciji běštej Sokol Košťany a TJ Hrob. Wot tam přińdźe Michal Brandl loni w lěću do Biskopic k tamnišemu koparskemu towarstwu, hdźež bě wón w minjenej hrajnej dobje 27 króć we wyšej lize zasadźeny a je dwoje wrota třělił.

Dalše nowe wobličo

Njedźelu zaso Serbski supercup

štwórtk, 21. julija 2022 spisane wot:
Koparjo Sportoweje jednotki Chrósćicy njepřijědu njedźelu jenož jako zakitowar titula na Serbski supercup do Njebjelčic, ale jako zastupjer krajneje klasy tež jako faworit. Sportowa jednotka Njebjelčicy budźe njedźelu, 24.julija, w Njebjelčicach hosćićel 5. serbskeho supercupa, turněra ze štyrjomi serbskimi koparskimi mustwami. Wot 14:30 hodź. wuhraja w Njebelčanskim stadionje prěni połfinale, wot 15:25 hodź. potom dalši semifinale. Hra wo třeće městno budźe wokoło 16.25 hodź., finale chcedźa něhdźe 17.25 hodź. zahwizdać. Zastup w Njebjelčicach hromadźić njebudu. Wobdźělić smědźa so lětsa cyłki ST 1922 Radwor, SJ Chrósćicy 1981, ST Marijina hwězda a Sokoła Ralbicy/Hórki. Mustwo SJ Njebjelčicy wusadźi, dokelž bě loni štwórte městno wobsadźiło. Połfinalnej partiji wulosować chcedźa zamołwići lětsa wokoło 14 hodź. na městnje w Njebjelčicach. Foto: Jörg Stephan

Jannik Käppler přewozmje

srjeda, 20. julija 2022 spisane wot:

Jannik Käppler je jako bywši dorostowy hrajer, sobudźěłaćer medijoweho teama a aktualny hrajer muži w towarstwje połnje zakótwjeny a nosy DNA Budissy Budyšin we sebi. Tak so za nadawki w zarjedźe najlěpje hodźi. Wot 1. julija je wón nawoda zarjada FSV Budissy Budyšin. Prezidij je na swojim minjenym posedźenju nastupajo personaliju stejišćo zabrał: „Wjeselimy so jara, zo móžachmy Jannika Käpplera za tónle nadawk zdobyć. Wón znaje towarstwo hižo z najzažnišich dnjow dźěćatstwa, je hižo dwě lěće jako hrajer 1. mustwa muži zasadźeny był a je minjenu sezonu jara wuspěšnje na wonkownym wobrazu našeho towarstwa sobu skutkował. Chcemy z nim přichodny krok hić a wjeselimy so na to. Ze studijom sportoweho managementa ma wón teoretiski knowhow, kotryž móže nětko pola nas do praksy přesadźić. Runočasnje dźakujemy so Renéjej Meißnerej, kiž budźe so nětko zaso dospołnje na swoje předewzaćelske nadawki koncentrować móc“, rěka w nowinskej zdźělence Budissy.

Budissy tikety wot hnydom skazać

srjeda, 20. julija 2022 spisane wot:

Lětne lisćiki za nowu sezonu 2022/2023 hodźa so wotnětka za hry wyšeho koparskeho ligista Budissa Budyšin skazać. Lětne lisćiki woprawnjeja k zastupej při wšěch dypkowych hrach 1. mustwa muži do stadiona Młynkec łuce. Wone su w štyrjoch kategorijach na předań:

1. městno k sedźenju: 155 €

2. městno k sedźenju (potuńšene): 125 €

3. městno k staću: 125 €

4. městno k staću (potuńšene): 95 €

Prawo na potuńšenu płaćiznu maja čłonojo towarstwa, młodostni, šulerjo, studenća, rentnarjo a ćežko zbrašeni. Potuńšenje płaći jenož w zwisku z wotpowědnje płaćiwym wupokazom.

Po dochadźenju skazanki, štož je hač do kónca julija 2022 móžne, nawjaza zarjad kontakt ze skazarjom, zo bychu wotewzaće a zapłaćenje wothłosowali. Při wupadach korony dla njeje narunanje bohužel móžne.

Slěbro za najmłódšich koparjow SGB

wutora, 19. julija 2022 spisane wot:

Kónc meje wotmě so na Budyskej Młynkec łuce regionalne finale wurisanja „Młodźina trenuje za olympiju“ w kopańcy w najmłódšej starobnej skupinje IV. Šulerjo 5. a 6. lětnika Serbskeho gymnazija Budyšin (SGB) wudobychu sej mjez štyrjomi gymnazijemi wuchodneje Sakskeje slěbro.

SGB – Leona Foucaultowy gymnazij Wojerecy 0:1

Šunowčenjo su to wšitkim pokazali

wutora, 19. julija 2022 spisane wot:

Sobotu popołdnju bě so we wobłuku wjesneho swjedźenja w Sulšecach turněr w třělenju jědnatkow wotměł. Běše to hižo wosmy nakład tutoho zarjadowanja. Třělało běchu wobdźělnicy na dwoje wrota, kotrež stejachu na płoninje, hdźež tež cyły kónc tydźenja swjećachu. Wulke wrota běchu sej Sulše­čenjo w Kulowje pola Módro-běłych ­Kulow wupožčili. Dohromady bě so dwaceći mustwow pospytało. Někotre z nich buchu hakle krótkodobnje do starta wurisanja zestajane, tak zo runa ličba nasta. Tak móžachu w štyrjoch skupinach stajnje po pjeć mustwach wot pokutneho dypka třěleć. Samo žónske mustwo so muskich teamow njeboješe. Wone postara so tež wo te abo tamne zadźiwanje. Tak móžachu samo dypkować. Běše to hižo wulki wuspěch za nje. Zo při třělenju jědnatkow wšitko porjadne wotběža, ležeše k wulkemu dźělej tež na sudniskej štwórtce Julius Šnajder, Jonas Budar, Julius Nuk a Sebastian Brückner.

Nowa zestawa ligow

wutora, 19. julija 2022 spisane wot:

Za hrajnu dobu 2022/2023 su zamołwići koparskich zwjazkow w minjenych tydźenjach zestajeli nowe tabulki za wšitke koparske ligi. Wobkedźbować wšak maja w nowej zestawje, kotre mustwa dyrbjachu zestupić a kotre su do wyšich ligow postupili. Tule wozjewimy wam nowe zestawy tych ligow, kotrež su za serbske koparske mustwa a zajimcow regionalneje kopańcy wažne.

Kopańca, krajna liga, mužojo

BSC Rapid Kamjenica

FC 1910 Lößnitz

FC Módro-běli Lipsk

FC International Lipsk

FSV Motor Marienberg

FSV Wódrjeńca 02

Drježdźany 06 Laubegast

Großenhainski FV 90

Radebeulski BC 08

Radefelder SV 90

SZ Drježdźany Strěžin

SG Rjemjesło Rabenstein

SG Taucha 99

SSV Markranstädt

Jednota Kamjenc

VfB Empor Glauchau

VfB Fortuna Kamjenica

VfL Pirna-Copitz 07

krajna klasa, mužojo

BSV 68 Sebnitz

Drježdźanski SC 1898

FSV 1990 Nowosólc-Hródk

FV Přezjednota Niska

Wojerowski FC

Rakečanske ST

Radebergerske ST

SC Borea Drježdźany

SJ Chrósćicy

SG Weixdorf

Drohotka Ramnow

SV Wesenitzal

TSV Cossebaude

TSV Rotacija Drježdźany

VfB Běła Woda 1909

VfB Žitawa

nawěšk

nowostki LND