Serija Worklečanow zakónčena
Třělcowski swjedźeń w Njebjelčicach
SJ Njebjelčicy –
HZ Lomnitz II/Großnaundorf II 7:0 (3:0)
Zestawa SJ Njebjelčicy: Hahn – Hanuza, Schulze, Wjerš (46. Heymann), Čornak, Rudolf, Plaettner, Hrjehor, Korjeńk (75. Lehmann), F. Domš F. (75. Šiman), O. Domš (75. Cyž)
Hrajne zjednoćenstwo Lomnitz II/Großnaundorf II bě jako předposledni tabulki z pjeć dypkami do Njebjelčic přijěło. Njebjelčenjo pak steja na čole tabulki. Róli běštej potajkim jasnje rozdźělenej.
Wot spočatka sem hosćićeljo ćišć wukonjachu a tłóčachu na prěnje wrota. Najebać wjele wulkich šansow nochcyše bul prosće do saka. William Plaettner a Handrij Korjeńk sej zuby na wrotarju hosći a na aluminiju wukusaštaj. Po 25 hratych mjeńšinach pak so suk skónčnje torhnje. Oliver Domš přesadźi so po rjanej přihrawce na prawym křidle a połoži bul prěki na Korjeńka, kiž suny bul k nawjedowanju 1:0 do wrotow. Krótko na to Ronny Hanuza z hłowu na 2:0 zwyši (27.). Krótko do přestawki smědźeše so třeći třělc wrotow wuznamjenić. Podobnje kaž při prěnich wrotach posłuži O. Domš přiběžaceho Plaettnera, kotryž na 3:0 zwyši (38.). Ze zasłuženym nawjedowanjom dźěše do přestawki.
Wuslědki (05.11.25)
Wokrjesna klasa stafla I
1. ST Bart 9 41 : 8 25
2. HZ Póst Ger. Budyšin II 8 28 : 18 19
3. ST Demicy-Tumicy 7 19 : 13 15
4. HZ Hodźij II/Huska II 8 24 : 23 15
5. SZ Drjewnica 05 9 25 : 24 13
6. TSV Wóspork 7 27 : 20 11
7. HZ Horni kraj II 7 13 : 9 10
8. ST Mały Wjelkow 1920 7 19 : 25 7
9. Zeleno-běli Bukecy II 9 16 : 26 6
10. HZ Wjazońca II 9 19 : 35 3
11. HZ Budyšink 8 8 : 38 3
Wokrjesna klasa stafla II
Ottendorf-Okrilla II – Wachau II 1:4 (1:2)
HZ Arnsdorf II –
ST Haselbachtal1:2 (1:0)
Kinspork/Łužnica II –
Wulke Rědorjecy II0:4 (0:1)
SJ Njebjelčicy –
Lomnitz-Großnaundorf II 7:0 (3:0)
1. TSV Wachau II 9 33 : 15 22
2. SJ Njebjelčicy 9 26 : 11 20
3. FV Ottendorf-Okrilla II 9 22 : 13 15
4. HZ Mały Wosyk 9 22 : 19 15
5. SC Wulke Rědorjecy II 10 20 : 24 14
6. HZ Bretnig-Hauswalde II 8 25 : 18 13
7. SV Liegau-Augustusbad 8 15 : 18 10
8. ST Kinspork/Łužnica II 9 11 : 22 9
9. HZ Arnsdorf II 8 13 : 21 8
10. Lomnitz-Großnaund. II 9 15 : 31 5
11. ST Haselbachtal 8 13 : 23 4
Perfektny start do noweje sezony
Dołho dyrbjachu wolejbulisća nowozałoženeho cyłka ST Viktoria Worklecy III na to čakać, hdy a hdźe so nětko skónčnje sezona we wokrjesnej klasy wuchodneje Sakskeje zahaji. Potom pak dźěše wšitko jara spěšnje a minjenu njedźelu wotmě so prěni hrajny dźeń we sportowni Wojerowskeho Lessingoweho gymnazija.
Za Worklecy hrajachu: Clemens a Ludwig Eckert, Daniel Gall, Stephan Gedik, Vincent Kuring, Marcel Rjelka, Syman Žur a Aleksander Cyž (runočasnje coach), poradźowar bě Mato Eckert
Viktoria Worklecy III –
ST Kupoj Nowa Łuka II
2:0 (25:16, 25:14)
Poražka na kermuši
SJ Chrósćicy –
Póst Germanija Budyšin 2:3 (1:1)
Zestawa domjacych: Škoda – Mark, Dźisławk, F. Cyž, Rätze, L. Zahrodnik, Hawš, G. Zahrodnik, Bogusz, Kral, Zahrodnik, Šiman (60. C. Handrik)
Kermušnu njedźelu běše mustwo Póst Germanije Budyšin z hosćom w Chrósćicach. Nazymske wjedro z dešćom a sylnym wětřikom skićeše akteram na hrajnišću ćežke wuměnjenja.
Chróšćenjo mějachu prěnje móžnosće hry a docpěchu samo nawjedowanje. Po dołhej přihrawce wotpołoži Filip Šiman bul Oskarej Hawšej, kotryž hrajny nastroj z 25 metrow wyše wrotarja do saka smokny (16.). Nawjedowanje pak dołho njesteješe. W 24. min. rozsudźi sudnik na jědnatku, po tym, zo bu bul z ruku hraty. Tutón pokutny kop hosćo přez Niklasa Šrama wužichu a hru zaso wurunachu. Duel bě přez mnohe dwuboje charakterizowany a móžnosće běchu na woběmaj stronomaj skerje rědke. Na boku SJC měješe Šiman hišće šansu. Tola jeho třělwa z wótreho kuta wrota misny. Budyšenjo mějachu dobru składnosć po wólnym kopje. Třělwu z 20 metrow pak Jakub Škoda na łatu wotwobara.
W Kumwałdźe wysoko dobyli
ST Motor Kumwałd –
ST Marijina hwězda 0:6 (0:3)
Zestawa hosći: D. Matik – Luk. Hoge, T. Jurš, K. Pakoßnick, R. Cyž, J. Ladewig (67. E. Bulank), Fl. Bulank, J. Kuring, Ch. Cyž, J. Pakoßnick (65. Pa. Lugge), A. Eldor (46. F. Kreuz, 74. E. Zynda)
Klóšterscy koparjo zahajichu hru na kumštnym trawniku w Kumwałdźe z wysokim tempom. W 3. min. ležeše kulowata koža hižo we wrotach hosćićela. Po kombinaciji Christofa Cyža z Alijom Eldorom třěli rutinjej Jakub Pakoßnick 1:0. Traješe hač do 26. min., doniž Ronald Cyž z 25 metrow direktnje k 2:0 njetrjechi. Nětko so tež hosćićeljo raz strašnje w šěsnatce hosći zjewichu. Po běhu Sebastiana Mietha z praweho boka a třělwje na krótku žerdź zamó David Matik wrota čiste dźeržeć. Z direktnje přetworjenym róžkom Eldor kurioznje na 3:0 zwyši. Ch. Cyž a J. Pakoßnick mjenujcy napřećiwneho wrotarja wuspěšnje myleštaj (37.). Z třělwu Ch. Cyža snadnje nimo wrotow so prěnja hrajna połojca zakónči (44.).
Radworčenjo znowa přěhrali
ST 1922 Radwor –
ST Kinspork/Łužnica 1:4 (1:3)
Zestawa domjacych: Pěčak – Wjeńka, Adam (84. Bišof), Wowčer (74. Wjacławk), M. Grubert, Reinecke (38. Triebs), Wróbl (61. Krječmar), Glücklich (41. Lawka), Wencel, Dźisławk, Buša
Při přijomnym wjedrje a rjanej kulisy něhdźe 140 přihladowarjow chcychu Radworčenjo přećiwo hosćom z Kinsporka/Łužnicy lěpši wukon hač tydźenja pokazać.
Hižo po dwěmaj mjeńšinomaj pak wužichu hosćo zmylk w natwarje hosćićela a nawjedowachu 1:0. Kaž hižo w zašłych partijach mějachu Radworčenjo ćeže so do hry namakać. W dwubojach běchu zwjetša kročel přepozdźe a njewěstosće postajowachu natwar hry. W 29. min. wužichu hosćo znowa zmylk a zwyšichu na 2:0. Krótko na to přinjese rědki wokomik wolóženje za Radwor. Marlon Wencel trjechi w 31. min. Při tym pomhaše hładki trawnik. Hižo w 33. min. zhubi Radwor přichodny bul, štož Kinspork k 3:1 wuži. Hač do połčasa spytaše domjacy cyłk zastatk skrótšić, tola bjez wuspěcha.
Serija so torhnyła
TSV 1860 Mnichow –
FC Energija Choćebuz 3:0 (2:0)
Zestawa Energije Choćebuz: Funk – Rorig (90.+3 Straudi), Manu, Awortwie-Grant, Lucoqui (61.Butler), Pelivan, L. Michelbrink (46. Biankadi), Borgmann, Boziaris (61.Thiele), Ciğerci (90.+3 Moustfa), Engelhardt
wrota: 1:0 Jacobsen (39., jědnatka), 2:0 Jacobsen (45.+4) 3:0 Manu (82., samowrota)
Po pjeć dobyćach za sobu je FC Energija přećiwo TSV 1860 Mnichowej 0:3 přěhrała. Hišće do połčasa nawjedowachu hosćo přez dwoje wrota Thore Jacobsena 2:0. Najprjedy přetwori wón wot Erika Engelhardta zawinowany pokutny kop, po tym trjechi po róžku w druhim pospyće. 3:0 běchu samowrota Kinga Manua.
Sudnik dyrbješe hru za někotre mjeńšiny přetorhnyć, dokelž bu Justin Butler wot fana Mnichowčanow rasistisce skřiwdźeny. Georg Zielonkowski
Wuslědki (04.11.25)
Wokrjesna klasa stafla III
1. ST Na. Němske Pazlicy II 9 37 : 7 22
2. Jednota Kamjenc 9 36 : 12 21
3. ST Njeswačidło 9 33 : 21 21
4. HZ Lubuš II / Ćisk 10 22 : 26 17
5. LSV Hory II 9 23 : 16 16
6. HZ Ralbicy II / Pančicy II 9 23 : 20 16
7. HZ Halštrow/Hlinowc II 9 15 : 21 10
8. HZ Běła/Cunnersdorf 9 18 : 16 9
9. HZ Kulow II 9 10 : 27 9
10. HZ Wulka Dubrawa II 9 14 : 35 3
11. HZ Wujězd/Łaz/Běły Chołmc
9 9 : 39 3
Worklečanki doma dwójce dobyli
Prěnje wolejbulowe mustwo žonow Viktorije Worklecy bě na swój prěni domjacy hrajny dźeń we Worklecach kontrahentki druheho zastupnistwa MSV Budyšin 04 kaž tež tabulkoweho susoda Nysa Wolejs powitało.
Za prěnje zastupnistwo Viktorije Worklecy zasadźene běchu: Anja Biela, Rejzka Delenkowa, Diana Hajnec, Marta Handrikec, Klara Kralec, Christin Opicec, Jenny Otto, Magdalena Pilzec, Constance Pötschke, Anja Šmidtowa, Sarah Šnablec, Emma Šustrec, Hannah Šustrec, Jana Žurowa, trenarka: Daniela Kralec
Viktoria Worklecy I – MSV Budyšin 04 II 3:1 (25:11, 22:25, 25:15, 25:22)
Započatk prěnjeje sadźby dominowachu Worklečanki wosebje přez sylne a placěrowane nadběhi kaž tež přez wuspěšny blok. Hosćićelki zamóchu předskok wutwarić. Budyšankam so lědma poradźi, nadběhi natwarjeć a sej z tym dypki wudobyć. Prěnje zastupnistwo natwari chětro wulki ćišć. Kontrahentki z Budyšina mějachu ćeže, so tomu přiměrić. Worklečanki rozsudźichu prěnju sadźbu za sebje z jasnym 25:11.
