Dobyća so wzdać dyrbjeli
FC Energija Choćebuz –
1. FC Saarbrücken 3:3 (2:1)
Zestawa Energije Choćebuz: Bethke – Rorig, Awortwie-Grant, Campulka, Guwara, Hofmann (82. Boziaris), Pelivan (90.+4 Duah), Borgmann, Ciğerci (90.+4 Juckel), Engelhardt (82. Tattermusch)
Jenož sekundy dźělachu mustwo FC Energije Choćebuz wot zasłuženeho zazběhoweho dobyća. Na kóncu pak dopomhachu samowrota Tima Campulki hosćom k dypkej w Choćebuzu.
Wot zahwizdanja dominowaše FC Energija partiju dźakowano spěšnej hrě hrajerjow Justina Butlera a Leona Guwara. W 15. a 22. min. trjechi Tolcay Ciğerci k 2:0. Tim Civeja w 26. min. z hłowu na 2:1 skrótši. Třeće wrota docpě Erik Engelhardt ze sylnej akciju w 57. min. Jara dwělomny wólny kop (Jonasej Hofmannej bu bul do připołoženej ruki třěleny) wobradźi hosćom 2:3 (60.). Hra bu nětko jasnje dźiwiša. Samowrota Tima Campulki k 3:3 (90.+6) bě wulki šok za Energiju a njezasłuženy wukónc hry.
Georg Zielonkowski
Lěćny camp FC Energije z wobdźělnikom z Hornjeje Łužicy
W pjatym tydźenju Sakskich prózdnin přewjedźechu tradicionalny prěni lěćny camp FC Energije Choćebuz, na kotrymž so Paul Čuška z Hornjeje Łužicy wobdźěli. 58 młodych koparkow a koparjow dožiwi intensiwny tydźeń połny treninga a njezapomnitych wokomikow.
Na ležownosći DFB w Choćebuzu witachu štyrjo trenarjo a nawoda campa, něhdyši profi Toralf Konetzke, motiwowanych wobdźělnikow. Kóždy młody kopar a koparka dósta kompletnu drastu FC Energije. Dźěći rozdźělichu so po starobje do štyrjoch skupin, kotrež mějachu mjena znatych Choćebužanow: Wollitz, Juckel, Tallig a Tattermusch. „Prěnjotnje je nam wjeselo při kopańcy a kontakt mjez dźěćimi ze wšelakich towarstwow wažny“, rozłoži Toralf Konetzke. Dale wón praji: „Naš plan za cyły tydźeń je chětro połny.“ A to wón tež bě: Nimo intensiwnych treningowych jednotkow na štyrjoch stacijach nastupajo hrajnu formu, koordinaciju, přihraće a třělenje, stejachu tež turněry, wulět do trampolinoweho domu a test koparskeho znamješka DFB na programje.
Wotměnjawa testowa hra w Delanach
Sokoł Ralbicy/Hórki –
ST 1922 Radwor 2:0 (0:0)
Zestawa domjacych: Schöne – P. Woko, Šewc, Wałda, Gloxyn, Rachela, L. Heidorn, Janca, B. Bejma, N. Šnajder, Hicka, Ćórlich, Bejmak, Mikławšk, T. Bejma, A. Woko, Šołta, Mjechela, R. Šnajder
Zestawa hosći: Šěrak – Adam, Wencel, Wjacławk, Schöne, Krječmar, Wjeńka, Glücklich, Paška, Dźisławk, Wjesela, Pěčak, Schäfer, Mička, Elsner, Lauke
Na poslednju testowu hru před startom do sezony přeprosychu sebi Ralbičenjo mustwo z Radworja.
Wulkotne FINALS w sakskej stolicy
Hotuja so na hrajnu dobu
Minjeny tydźeń mějachu koparjo SJ Njebjelčicy we wobłuku přihotow na nowu sezonu někotre treningowe jednotki.
Na poslednim pjatku w juliju startowachu Njebjelčenjo z testowej hru přećiwo prěnjemu mustwu ST Nowe Město/Sakska. Dokelž někotři stajni hrajerjo pobrachowachu, dyrbješe domjacy cyłk swójske mustwo z dorostowymi hrajerjemi młodźiny A napjelnić. Wšitcy prócowachu so wo dobru hru přećiwo ćělnje sylnym hosćom.
Wokrjesny wyši ligist pak hosćićelam spěšnje hranicy pokaza. Z wuběrnej taktiku stajachu Njebjelčanow pod čišć a nawjedowachu hru spěšnje 3:0. Na spočatku druheho połčasa pak steješe za SJN hižo 3:4. Potom pak mocy popušćichu a hosćo nadźěłachu sej jasny předskok 9:4. Přiwšěm pak so Njebjelčenjo derje prezentowachu a pokazachu intensiwnu běhansku jednotku.
Tójšto wrotow w testowej hrě
Sokoł Ralbicy/Hórki –
ST Marijina hwězda 5:2 (1:1)
Zestawa domjacych: Žur, Šołta, B. Heidorn, Wałda, Gloxyn, Rachela, B. Heidorn, Woko, N. Šnajder, Hicka, R. Šnajder, Schöne, B. Bejma, K. Hrjehor, T. Bejma, K. Bejmak
Zestawa hosći: Wende, Hoge, R. Cyž, Zelnak, C. Cyž, J. Pakoßnick, Peschmann, Wróbl, K. Pakoßnick, Jurš, E. Bulank, Langer, Ladewig, F. Bulank, Zynda
Pjatk wječor wuhrachu Ralbičenjo a Pančičenjo serbski derby. Přećelska hra běše fairna a młody sudnik z Němskich Pazlic njeměješe ćeže hru nawjedować. Nawopak. Suwerenje wón swój nadawk spjelni.
Hižo w 13. min. mějachu Sokoljo swój prěni rjany nadběh a Richard Šnajder trjechi nawjedowanje. Domjacy pak njenamakachu porjadnu hrajnu nitku w prěnim połčasu a hosćo wurunachu po nadběhu přez prawu stronu. Třělc wrotow w 30. min. běše Florian Zelnak.
Rekordna ličba mustwow
Přichodne pokalne koło docpěli
HZ Budyšink/Malešecy II/Minakał II –
HZ Sokoł Ralbicy Hórki II/ST Marijina hwězda II 0:5 (0:3)
Zestawa hosći: Žur – Šołta, B. Heidorn, K. Pakoßnick (46. Jehnichen), Hantsch, Lešawa, Cyž, Woko (60. Mejgl), B. Heidorn (46. Hrjehor), Bulank (65. Seiler), J. Pakoßnick (84. Jakubaš)
Poprawom bychu prěnje pokalne koło wokrjesneho pokala 2025/2026 hakle přichodny kónc tydźenja wuhrali. Hosćićel pak prošeše wo přesunjenje pokalneje partije zastupa do šule dla. Serbscy koparjo próstwje přizwolichu.
Zesylnjeni z někotrymi hrajerjemi prěnjeho mustwa hosćo hru dołho postajowachu. Po róžku wuži Leonhard Heidorn druhi bul a smokny tutón pod łatu k 0:1 (5.). Ze sylnymaj a spěšnymaj wonkownymaj nadběhowarjomaj sej stajnje zaso šansy wuhrachu. Jednu tajku wuhra sej Jakub Pakoßnick, ale wrotar wuběrnje reagowaše a třěl wotwobara. W 33. min. padnychu změrowace druhe wrota. Adrian Woko kopny bul nisko do dołheho róžka. W 40 min. sćěhowaše najrjeńši nadběh dnja. Ze srjedźneho pola přiwza L. Heidorn bul a přesadźi so hač na zakładnu liniju. Potom hraješe kulu na kapitana Nicka Lešawu, kotryž dyrbješe bul jenož hišće přez wrotowu liniju sunyć.
Zestawa nowych koparskich staflow za sezonu 2025/2026
Po minjenej hrajnej dobje 2024/2025, postupje a zestupje mustwow a posedźenju staflowych nawodow Zapadołužiskeho koparskeho zwjazka dyrbjachu so stafle na wokrjesnej runinje znowa rjadować.
wokrjesna wyša liga
Módro-běli Kulow
Sokoł Ralbicy/Hórki
FV Ottendorf-Okrilla
Rakečanske ST
LSV Hory
SC 1911 Wulke Rědorjecy
SJ Chrósćicy
SG Großnaundorf
Drohotka Ramnow
ST Hnašecy-Dobruša
Zeleno-běli Bukecy
ST Horni kraj-Sprjewja
Póst Germania Budyšin
Hlinowski SK 1931
TSV Połčnica
TSV Wachau
wokrjesna liga, stafla 1
Arnsdorfske KT
ZSZ Załom-Wopaka
Bretnig-Hauswalde
Motor Kumwałd
SZ Steinigtwolmsdorf
ST Wjelećin
HZ Frankenthal
HZ Huska/Hodźij
ST Porchow
ST Kubšicy
ST Marijina hwězda
TSV Wjernarjecy
TSV Wjazońca
TSV Połčnica II
wokrjesna liga, stafla 2
FC Łužica
Módro-běli Minakał
FSV Łuty
Wojerowski FC II
Rakečanske ST II
SJ Chrósćicy II
HZ Wulke Ždźary
HZ Łaz/Běły Chołmc
ST 1896 Wulka Dubrawa
ST Radwor
Zeleno-běli Sepicy
ST Kinspork/Łužnica
ST Lubuš
Traktor Malešecy
wokrjesna klasa, stafla 1
ST Bart
SZ Drjewnica 05
Rezimej a wuhlad po wuspěšnej sezonje
Prěnje wolejbulowe mustwo muži ST Viktorije Worklecy je sezonu w sakskej klasy ze 6. městnom zakónčiło. To je wuspěch mustwoweho cyłka, wobstejaceho z nazhonitych hrajerjow a mnohich talentowanych youngsterow. Jenož z tutym šěrokim kadrom bě móžno, sylnu formaciju k dispoziciji měć. Zwjeselace bě za Worklečanow, zo mějachu młodźi hrajerjo dwójne hrajne prawo. Potajkim móžachu nimo swojeho wuspěcha we wobwodnej klasy a druheho městna při Sakskich mišterstwach starobneje klasy U20 tež prěnje mustwo Viktorije zesylnić.
