Młodźina C Sokoła pokalnu hru dobyła
W napjatym prěnim kole wokrjesneho pokala bě so koparska młodźina C Sokoła Ralbicy/Hórki minjenu njedźelu w stadionje J. G. Fichte w Ramnowje přećiwo hrajnemu zjednoćenstwu FSV Bretnig-Hauswalde/ST 1910 Drohotka Ramnow přesadźiła a z tym druhe koło docpěła.
Hosćićeljo z Ramnowa hižo w 13. min. nawjedowachu, tola hosćo njedachu so zatrašić. Jenož dwě mjeńšinje pozdźišo poradźi so Róžeńčanej Johanej Šnajderej zasłužene wurunanje. W 20. min. docpě Worklečan Domenik Wolf samo 2:1. Ramnowčenjo pak hru z wrotami w 36. a 58. min. znowa na swoje dobro zwjertnychu. Tola hosćo z Ralbic njespušćichu. Po tym, zo Domenik Wolf jenož snadnje na wrotarju zwrěšći, wuži Róžeńčan Feliks Handrik šansu k wurunanju 3:3. Rozsudny wokomik nasta krótko do kónca. Derje hraty nadběh Ralbičanow móžeše so jenož z ruku napřećiwnika zadźeržeć, štož měješe čerwjenu kartku a pokutny kop jako konsekwencu. Kapitan Johann Šnajder wobchowa čuwy a přeměni jědnatku jasnje ke kónčnemu stawej 4:3 za Sokołow.
Ralbičanscy hrajerjo zaćahnychu tak zasłužbnje do přichodneho koła. We wosmifinalu hraja přećiwo Wojerowskemu FC.
Z dobyćom do sezony startowali
ST Ottendorf-Okrilla –
SJ Chrósćicy 2:3 (1:2)
Zestawa SJC: Škoda – F. Cyž, Młynk, M. Dźisławk, Mark, L. Zahrodnik (87. Matik), Hawš, Kral-Zahrodnik (83. Wornar), Graf (46. C. Handrik), Šiman (62. Bjeńš), Bogusz (79. Donat)
Po dobyću w prěnim pokalnym kole wuhrachu Chróšćenjo sobotu w Ottendorfje prěnju hru wokrjesneje wyšeje ligi.
Napjatu hru z dypkom skónčili
Sokoł Ralbicy/Hórki –
SC 1911 Wulke Rědorjecy 2:2 (1:1)
Zestawa domjacych: Schöne – P. Woko, Wałda, B. Heidorn, Gloxyn, Rachela, L. Heidorn (73. Mikławšk), B. Bejma, N. Šnajder (67. T. Bejma), Hicka (46. Šewc), A. Woko ( 82. Matka)
Po přihotowanskej fazy zahajichu lětušu sezonu z hru přećiwo lońšemu wicemištrej z Wulkich Rědorjec. W rjadach hosći wuhladachu přiwisnicy Sokoła tež stareho znateho. Mustwo trenuje wot lětušeje sezony mjenujcy Jiří Krohmer, kotryž běše tež jedne lěto Sokołow trenował.
Třeći króć titul zakitowali
Šěstka Jan Šołta, Jan Mička, Elias Kummer, Caspar Dźisławk, ...
Radworčenjo moralku pokazali
Wojerowski FC II –
ST 1922 Radwor 1:1 (1:1)
Zestawa hosći: Pěčak – B. Grubert, Šěrak, M. Grubert (63. Burtčik), Wjesela, Adam, Nuk, Glücklich, Paška, Wróbl (79. Elsner), Wencel (92. Musti)
Do noweje sezony startowaše koparski cyłk ST 1922 Radwor pola druheho mustwa Wojerowskeho FC. Wojerowčenjo su přeco strašny přećiwnik. Zakop bě hakle na pózdnim popołdnju, dokelž dyrbješe prěnje mustwo Wojerowskeho FC w krajnym pokalnym kole 120 mjeńšinow hrać.
Pančicy prěnju hru wo pokal dobyli
HZ Bretnig-Hauswalde –
ST Marijina hwězda 2:6 (2:2)
Zestawa hosći: D. Matik – R. Cyž, T. Jurš, K. Pakoßnick (60. Luk. Hoge), M. Wróbl, E. Bulank (68. J. Ladewig), Fl. Bulank, J. P. Kuring, Ch. Cyž, J. Pakoßnick, F. Kreuz (70. Fe. Langer)
Prěnja hra za Pančičanow wo pokal wotmě so w Bretnig-Hauswalde na kumštnym trawniku.
Wuslědki (19.08.25)
Wokrjesna wyša liga
Hlinowski SK – Kulow 2:5 (0:2)
Ottendorf-Okrilla – SJ Chrósćicy 2:3 (1:2)
Bukecy – TSV Połčnica 5:1 (3:0)
Sokoł – SC Wulke Rědorjecy 2:2 (1:1)
1. Zeleno-běli Bukecy 1 5 : 1 3
2. Módro-běli Kulow 1 5 : 2 3
2. SG Großnaundorf 1 5 : 2 3
4. ST Hnašecy-Dobruša 1 3 : 0 3
5. LSV Hory 1 2 : 0 3
6. SJ Chrósćicy 1 3 : 2 3
7. Póst Germania Budyšin 1 1 : 0 3
8. Sokoł Ralbicy/Hórki 1 2 : 2 1
8. SC 1911 Wulke Rědorjecy 1 2 : 2 1
10. FV Ottendorf-Okrilla 1 2 : 3 0
11. Drohotka Ramnow 1 0 : 1 0
12. TSV Wachau 1 0 : 2 0
13. Rakečanske ST 1 2 : 5 0
13. Hlinowski SK 1931 1 2 : 5 0
15. ST Horni kraj-Sprjewja 1 0 : 3 0
16. TSV Połčnica 1 1 : 5 0
Wokrjesna liga stafla I
1. Bretnig-Hauswalde 1 10 : 0 3
2. ZSZ Załom-Wopaka 1 5 : 0 3
3. ST Kubšicy 1 5 : 2 3
4. ST Wjelećin 1 3 : 0 3
5. ST Marijina hwězda 1 2 : 1 3
6. Arnsdorfske KT 1 2 : 2 1
6. HZ Huska/Hodźij 1 2 : 2 1
8. SZ Steinigtwolmsdorf 1 1 : 1 1
8. ST Porchow 1 1 : 1 1
10. TSV Połčnica II 1 1 : 2 0
11. Motor Kumwałd 1 2 : 5 0
12. HZ Frankenthal 1 0 : 3 0
13. TSV Wjernarjecy 1 0 : 5 0
14. TSV Wjazońca 1 0 : 10 0
Druhe pokalne koło docpěli
FC Energija Choćebuz –
Hannover 96 1:0 (1:0)
Zestawa FC Energije Choćebuz: Sebald – Rorig, Awortwie-Grant, Campulka, Guwara, Hofmann (67. Boziaris), Pelivan, Borgmann, Ciğerci, Engelhardt (77. Moustfa), Butler (67. Tattermusch)
wrota: 1:0 Tolcay Ciğerci (12.)
Přećiwo tehdyšemu druhemu zwjazkowemu ligistej 1. FC Magdeburg bě so FC Energiji Choćebuz w sezonje 2013/14 posledni króć skok do druheho pokalneho koła DFB poradźił. Bě zaso jónu na času, zo sej Choćebuz skónčnje z dobyćom komfortabelny nastupny pjenjez 423 772 eurow za druhe pokalne koło zawěsći. Tole je so chowancam Energije sobotu wječor ze snadnym wuspěchom přećiwo mustwu druheje ligi Hannover 96 poradźiło.
Při tym dóńdźe hižo do zahwizdanja k napjatosći. Při sćoplenju bě stajny wrotar Elias Bethke z nohu w trawniku wisajo wostał a sej lěwu nohu tak zrani, zo dyrbješe pod sylzami nutřkowny rum wopušćić. Tola to hosćićelow na zbožo z koncepta njepřinjese. Wote wšeho spočatka woni agresiwnje, bojownisce, zmužiće a sebjewědomje agěrowachu.
