China mjelči
Weidel wabi za wobornu winowatosć
Berlin (dpa/SN). K zesylnjenju zwjazkoweje wobory wabi kanclerska kandidatka AfD Alice Weidel tele dny za dwulětnu wobornu winowatosć. Po jeje słowach njejsmy hižo kmani Němsku zakitować, rjekny wona w kónčnym kole wusyłanja k wólbnemu bojej sćelakow ARD a ZDF. Nimo toho słuži woborna winowatosć k tomu, zo so ludnosć ze swojim wójskom identifikuje.
Generalny sekretar CDU Carsten Linnemann a šef krajneje skupiny CSU Alexander Dobrindt staj so mjeztym za to wuprajiłoj, zawjazowace lěto za towaršnosć załožić, kotrež móža młodźi mužojo pola zwjazkoweje wobory, wohnjoweje wobory abo techniskeho pomocneho skutka wukonjeć.
Předsyda FDP Christian Lindner plany AfD kategorisce wotpokaza, dokelž to swobodu młodych ludźi haći. Tež załožerka strony BSW Sahra Wagenknecht je přećiwo tomu. „Trjebamy zwjazkowu woboru, kotraž móže nas zakitować, za to pak njetrjebamy wobornu winowatosć“, wona podšmórny.
Hišće su překwapjenki móžne
Reforma, temy, zwada – njedźelu su wólby 21. zwjazkoweho sejma
Berlin/Drježdźany (dpa/SN/MG). We wusyłanju „Kónčne koło“ sćelakow ARD a ZDF su politikarki a politikarjo stronow, kotrež su w zwjazkowym sejmje zastupjene, wčera wšelke ćežišća sadźili. Wonkowna ministerka Annalena Baerbock (Zeleni) zwurazni, zo „měli jako Europjenjo swój měr sylnišo škitać“, wosebje hdyž wěstotne garantije USA hižo njewobsteja. Generalny sekretar SPD Matthias Miersch rjekny, zo budźe reforma mjezy zadołženja centralne prašenje za financowanje wójska. Šef krajneje skupiny CSU Alexander Dobrindt tomu znapřećiwi žadajo sej, zo měło so wšo z pjenjezami etata zapłaćić. Generalny sekretar CDU Carsten Linnemann so za to wupraji, zo měła Němska w Europje nawjedowacu rólu přewzać a swoju kmanosć zakitowanja wutwarić.
impresum
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Wyša redaktorka: Bianka Šeferowa 577 230
tel.: 03591 577 232 faks: 03591 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Serwis za abonentow: 577 263
Předań nawěškow: Jadwiga Šołćic 577 266 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (21.02.25)
W Dole kralow, kotryž leži zapadnje přibrjoha Nila, je egyptowsko-britiski team archeologow posledni dotal njelokalizowany kralowski row w Egyptowskej namakał. Jedna so tu wo row faraona Thutmosisa II. z 18. dynastije, to wozjewi ministerstwo za antiku z Kaira. Komora Thutmosisa II., mandźelskeho pozdźišeje prěnjeje faraonki, běše jara jednorje wudebjena. Tak namakachu jenož pismo w módrej barbje kaž tež žołte hwězdy. Wo tym rozprawjachu archeologojo, kotřiž su row wotkryli.
Dementny muž njeje dny dołho smjerć swojeje žony pytnył a je samo pódla njeje spał. To zdźěli rěčnica policajskeje jednotki Guardia Civil w Palma de Mallorca. Policija z toho wuchadźa, zo je sej 82lětna wusnyła. Mandźelskaj z Němskeje staj přez zymu w Sa Coma na wuchodźe dowoloweje kupy přebywałoj.
Přiražce přizwolili
Brüssel (dpa/SN). Němska smě nowu fabriku w Drježdźanach z nimale miliardu eurow podpěrać. Komisija EU w Brüsselu je přiražce we wobjimje 920 milionow eurow přizwoliła, ze zdźělenki wuchadźa. W Drježdźanach ma nowy zawod koncerna Infineon nastać. Předewzaće Infineon chce tam wšelake chipy produkować. Nowe stejnišćo ma so hižo wobstejacemu zawodej koncerna w Drježdźanach přidružić.
Liča z wjele insolwencami
Frankfurt nad Mohanom (dpa/SN). Fachowcy wočakuja, zo změjemy w přichodźe w Němskej dale a mjenje předewzaćow. Tak liča woni z něhdźe 26 000 insolwencami, zdźěli mjezynarodna skupina za hospodarske informacije Crif. Ličby zwjazkoweho statistiskeho zarjada ze sydłom we Wiesbadenje za lěto 2024 drje srjedź měrca předleža. Jednaćel Crif-Němska Frank Schlein rěči mjeztym wo žołmje insolwencow. Dale skedźbni wón na přičiny, kaž wysoke płaćizny za energiju, wužadanja w zwisku z dodawanskimi rjećazami a politisku njewěstosć.
Meloni bamža wopytała
Hamas je w Gazaskim pasmje ćěła štyrjoch zastajencow Čerwjenemu ...
Wumjetowanja wotpokazał
Wólbne prawo změnić?
Merz a Scholz sej přezjednaj
Berlin (dpa/SN). Zwjazkowy kancler Olaf Scholz (SPD) a kanclerski kandidat CDU/CSU Friedrich Merz sej wobaj žadataj, zo maja ludźo ze sankcijemi ličić, kotřiž dźěłać nochcedźa a přiwšěm wobydlerski pjenjez dóstawaja. Scholz drje přizna, zo tajkim nětko hižo skrótšenje wukonow hrozy. Přiwšěm měli so sankcije přiwótřić, wón wčera w telewizijnym duelu wuswětli. Merz tohorunja wuzběhny, zo njeje stat zwólniwy, tutu situaciju hižo dlěje akceptować.
Scholz chce potrjechenym zjawnje spěchowane poskitki za dźěło namjetować. Tak móhli dopokazać, zo so něchtó po wšěm zdaću před dźěłom tłóči. Merz tónle model wotpokaza. Čehodla dyrbi to być, hdyž je 700 000 dźěłowych městnow w Němskej tuchwilu njewobsadźenych? „Čehodla Scholz stajnje zaso wo zjawnym spěchowanju rěči a hišće wjace pjenjez za skomoleny system wudawać chce“, so Merz prašeše.
Dalše temy duela w telewiziji běchu mjez druhim migracija, dawki, inwesticije a poćah k AfD.
