Wot 6. junija płaća nowe škitne prawi­dła a postajenja hygieny korony dla. Sport je wonka kaž tež w halach móžny, ale bjez publikuma. Powšitkownje su mustwowe a kontaktne sportowe družiny zaso dowolene. Wobkedźbować pak dyrbja trenarjo specifiske předpisy za kóždu sportowu družinu wšelakich zwjazkow, za zwučowanje kaž tež wubědźowanja. Tónle wurězk, kotryž su zamołwići wokrjesneho sportoweho zwjazka wozjewili, da mały přehlad wo no­wych postajenjach.

Prawidła hygieny za sportnišća, fitnesowe a sportowe studija kaž tež za rejowanske šule

– ličba dowolenych sportowcow, rejowarjow a rejwanskich porow wotwisuje wot sportoweje družiny, znajmjeńša połdrametrowski wěstotny wotstawk ma dodźeržany a wšudźe wočiwidny być

– mustwowy sport je dowoleny, treningowe jednotki maja tak koncipowane być, zo je ćělny kontakt na minimum redukowany; we wobłuku zwučowanskich hrow kaž tež wubědźowanjow dyrbja so wšitcy přidatnych kontaktow (mjez druhim zhromadne wyskanje) wzdać; zwjazkowy kraj přesahowace wubědźowanja su zakazane

Awtor dźensa Clemens Šmit

Lubi čitarjo, poprawom wšak chcych so tule zaso raz na naš kuriozny koparski swět wusypać. Wosebje w času korony je wšak so wón a su so tež jeho zamołwići zaso raz wot najlěp­šeje stronki pokazali – kedźbu, ironija! Potom pak běše mój kolega Tomaš Faska dźens tydźenja spěšniši a je tu hižo wobšěrnje swoje mysle nastupajo tónle system zapodał. Pod smužku – telko chcył hišće dodać – njedźiwam so, zo su jako prěnje zaso kopańcu hrali – a to prjedy, hač su scyła wukazy zjawneho žiwje­nja zaso wolóžili.

Pokazało so tež je, hdyž wo pjenjezy a priwilegije dźe, su sej­ samo­ funkcio­narojo konkurěrowacych towarstwow přezjedni. Rummenige, Watzke a co. su dźě wšitcy zjawnje na restart­ kopańcy tłóčili a při tym swoje dobre­ zwiski k politice wužiwali.

Sport (19.06.20)

pjatk, 19. junija 2020 spisane wot:

DFB-junior-coach so stać

Koparska licenca DFB-junior-coach steji­ cyle na spočatku trenarskeho wukubłanja a je specielnje na šulerki a šulerjow wusměrjena. Poprawom přewjeduja wukubłanje direktnje na šulach, koronapandemije dla pak dyrbjachu wulki dźěl planowanych kursow wotprajić. Nětko je so Sakskemu koparskemu zwjazkej po­radźiło dźewjeć nowych wukubłanskich jednotkow organizować, kotrež budu na wšelakich městnach. Za wobdźělnikow su wone darmotne. Po wuspěšnym dalekubłanskim kursu zmóžnja jim hny­dom w nazymskich prózdninach dalši za C-licencu za młode trenarki a młodych trenarjow. Přizjewjenja za kursy pod www.sfv-online.de

Prěnje testowe hry zaso móžne

We wjacorych koparskich zwjazkach na wokrjesnej a krajnej runinje su za­moł­wići koparskich mustwow zaso prěnje přećelske hry přizjewili. Někotre smy wupy­tali:

20.06. 15.00 FSV Nowosólc-Hródk –

  ST Horni kraj Sprjewja

20.06. 15.00  Lok Slepo –

  Žołto-běli Zhorjelc 09

20.06. 15.00 ST Chrjebja-Nowa Wjes –

  HZ Łaz/Běły Chołmc

27.06. 16.00 ESV Lok Falkenberg –

  FC Energija Choćebuz

Pod Kaponicu trenować

Tadeja Cyža z Njebjelčic serbscy přiwisnicy kopańcy znaja, wšako je wón wjele lět za domjacu sportowu jednotku SJ Njebjelčicy kaž tež za Ser­b­sku ko­par­sku wubranku kopački šnórował. Zranjenja dla drje hižo za bulom njehoni, je pak so přeco zaso dale kubłał a trenarske licency złožił. Wot 1. awgusta přewozmje nowy nadawk pola Jednoty Kamjenc. Jurij Bjeńš je jemu k tomu něko­tre prašenja stajił.

Tadejo, w powěsćach smy zhonili, zo budźeš wot noweje hrajneje doby koordinator dorosta Jednoty Kamjenc. To bě chětro překwapjace. Kak je k tomu dóšło?

T. Cyž: Do Kamjenca wšak mějach hižo­ dlěši čas kontakt, běch tam tež chwilu terapeut 1. mustwa. Dokelž je dotal­ny zamoł­wity za dorost, Tom Nowak k FC Energiji Choćebuz šoł, bu tam městno swobodne. Kontakt k wjednistwu bě spěšnje nawjazany, a zhromadne rozmołwy běchu super. Wšako wobsa­howje wšitko trjechješe, kaž běch sej to předstajił. Přewozmu tuž zastojnstwo mło­dźinskeho koordinatora pola Jednoty.

Jako sportowy terapeut maš we Woje­recach krute a trěbne dźěłowe městno. Woboje tola njepóńdźe, abo?

Prěnja serbska sokołska sportowa jed­not­ka bu 1920 w Budyšinje załožena. Tež redakcija serbskeho telewizijneho magacina Wuhladko je w zašłym wu­daću na 100. róčnicu wobstaća Sokoła­ zhladowała. Tu je rozprawa redaktora Mateja Dźisławka.

Kopańca bě a je w Serbach, kaž na přikład na europeadźe 2012, hižo 100 lět ze sokołskim hibanjom we Łužicy njedźělomnje zwjazana. „Prěnja jednotka So­ko­ła, hdźež su kopańcu pěstowali, bě w Ralbicach“, powědaše Mikławš Krawc we Wuhladku. „Tak bu 1932 koparski wotrjad Sokoła załoženy.“ W běhu lět nastawachu dalše koparske towarstwa. A někotre z nich hrajachu hižo bórze přećiwo cyle wulkim koryfejam swojeho sporta.

Hrajna doba 2019/2020 zawěsće mnohim sportowcam w pomjat­ku wostanje. Srjedź měrca je Němski wolejbulowy zwjazk přirunujo z druhimi sportowymi družinami spěšnje reagował, zo by zbytk sezony rjadował. Tak je hry wot zwjazkoweje ligi hač do wokrjesneje klasy wšitke wotprajił. Tež na hłow­nej stronje Sakskeho sportoweho towarstwa za wolejbul (SSVB) steješe, zo so sezona dočasnje kónči a dalše hry hižo njebudu. Njeje tuž žanoho mištra a žanoho zestupnika.

Połdra lětdźesatka wot lěta 1952, stajnje w meji, je mje wosobinsce Měrowa jězba wosebje zajimowała a fascino­wa­ła. Mějach ze swojimi serbskimi sobušulerjemi a sobustudentami w Lipsku stajnje do přijězda kolesowarjow na cilu etapy w kopatym połnym stadionje juskacych přihladowarjow wjele rjanych dožiwjenjow. Prěni čas bě cil kóždeje etapy stajnje na běžni wotpowědneho stadiona.

„Tour de France wuchoda“, kaž Mjezy­na­rodnej měrowej jězbje „Course de la Paix“ tež rěkachu, běchu 1948 jako prěnje etapo­we wubědźowanje mjez stoli­comaj Čěskeje a Pólskeje přewjedli. Te­hdyši wu­rjad­ny čěski kolesowar Jan Ve­selý, kiž je druhu měrowu jězbu 1949 dobył­, mjez druhim jónu rjekny: „Běše to spočatnje małe powójnske wubě­dźo­wanje z wjele improwizaciju a dobrej wolu­.“

Płuwarki a płuwarjo zaso trenuja

wutora, 16. junija 2020 spisane wot:
Dorostowi sportowcy Wuchodosakskeho płuwanskeho towarstwa Kamjenc su zašły tydźeń zaso we wodźe zwučować započeli. Dokelž to w Kamjenskej płuwarni njesmě­dźa, dyrbjachu do chětro zymneje wody w Bischheimje. Trening budźe tam nětko stajnje jónu wob tydźeń. Foto: Jan Zarjeńk

Wuslědki (16.06.20)

wutora, 16. junija 2020 spisane wot:

Kónc sezony w dorostowej kopańcy

Młodźina F

wokrjesna liga, stafla 1

1. VfB Běła Woda 1909 9 9 : 0 27

2. KT Přezjednota Niska 9 8 : 2 22

3. VfB Běła Woda 1909 2. 9 7 : 2 21

4. ST Lok Slepo 9 7 : 4 18

5. SV 48 Reichwalde 9 4 : 5 12

5. HZ Fortuna Trjebin  9 4 : 5 12

7. ST Hbjelsk 1923 9 3 : 6 9

8. HZ FC Wocl Rěčicy-Jězor 9 3 : 7 8

9. ST Čerwj.-běli Mužakow 9 2 : 7 6

10. HZ Uhsmannsdorf 9 0 : 9 0

wokrjesna liga, stafla 2

1. SC Swóńca-Lubij 8 9 : 2 22

2. SV Holtendorf 8 7 : 1 21

3. GFC Rauschwalde 8 6 : 3 16

4. HZ Zeleno-běli Gersdorf 8 5 : 3 15

5. SV Arnsd.-Hilbersdorf 8 8 : 5 12

6. TSV Herwigsdorf 1891 8 4 : 4 12

7. SV Lautitz 96 8 3 : 11 4

8. HZ ST Ludwigsdorf 48 8 3 : 9 3

9. SV Königshain 8 1 : 8 2

Nowostartej ničo na puću njesteji

póndźela, 15. junija 2020 spisane wot:

Wšudźe, hdźež sy, diskutuja wo zmysle a njezmysle wšelakich postajenjow wokoło škita před konorawirusom. Wosebje nětko, hdyž wšelake wobłuki chětro rozdźělnje wolóžeja, dwěle w ludnosći přiběraja. Kak wjeseli běchu přiwisnicy kopań­cy, jako před tydźenjemi dowolichu, zo smědźa profijojo zaso za bulom honić. Němska je w tym nastupanju prěnje­ kroki činiła. W druhich krajach chwilku wočaknychu, w mnohich najwyšich ligach kulowata koža samo hišće wotpo­čuje. Němske knježerstwo bě tudyšu koparsku ligu na dźiw­ne wašnje samu rozsudźić dało.

A kak wjesoły běch ja, jako z naprašo­wanja mojeho rozhłosoweho kolegi Měrći­na Wjenka na serbskich wjeskach zhonich, zo mamy runje tam rozumnych ludźi, kotřiž so prašeja, hač dyrbi to woprawdźe być, ... a měnja, zo su wažniše wěcy hač kopańca. To runje tak widźu.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND